• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

سلمان ڪلمتي

سينيئر رڪن
ڪراچي (مانيٽرنگ ڊيسڪ) ڪراچي ۾ موٽر سائيڪل جي ڊبل سواري تي لڳايل پابندي ختم ڪئي وئي آهي. سنڌ جي گهرو وزير ڊاڪٽر ذوالفقار مرزا چيو آهي ته ٽارگيٽ ڪلنگ جا ذميوار ڪراچي کي پنهنجو چوڻ وارا آهن ۽ جيڪي وڌيڪ ووٽ وٺن ٿا. هڪ نجي ٽي وي چينل کي انٽرويو ڏيندي هن چيو ته ڪراچي ۾ امن جي قيام جا وڌيڪ ذميوار اهي آهن، جيڪي وڌيڪ ووٽ وٺن ٿا ۽ شهر ۾ ٽارگيٽ ڪلنگ جي صورت ۾ الزامن واري راند شروع ڪري ڏيندا آهن. صوبائي وزير ڊاڪٽر ذوالفقار مرزا چيو ته ٽارگيٽ ڪلنگ جي واقعن بابت مون وٽ اهڙا ثبوت آهن، جيڪي ٻڌائڻ سان ڪراچي جي شهرين جون ننڊون ڦٽي وينديون. ثبوتن سان ڀريل وڏا وڏا ٿيلها پيل آهن، جيلن ۾ پڻ وڏا وڏا ٽارگيٽ ڪلر موجود آهن. ڪراچي ۾ هر ٻئي ڏينهن ٽارگيٽ ڪلر پڪڙيا وڃن ٿا، جيڪي مختلف انڪشاف ڪندا آهن. ٻئي طرف ڪراچي ۾ صوبائي گهرو وزير ڊاڪٽر ذوالفقار مرزا جي صدارت ۾ هڪ اهم اجلاس ٿيو، جنهن ۾ ڪراچي ۾ موٽر سائيڪل جي ڊبل سواري تي پابندي ختم ڪرڻ جو فيصلو ڪيو ويو، جنهن جو نوٽيفڪيشن پڻ جاري ڪيو ويو آهي. ان موقعي تي ڊاڪٽر ذوالفقار مرزا سي سي پي او ڪراچي کي هدايت ڪندي چيو ته فٽنس گرائونڊ جا سمورا معاملا موٽر وهيڪل آرڊيننس تحت حل ڪيا وڃن ۽ فٽنس سرٽيفڪيٽ جاري ڪرڻ جو عمل شفاف بڻايو وڃي. پوليس کاتي مان ڪارين رڍن کي ڪڍڻ لاءِ هر ممڪن قدم کنيا وڃن ۽ ٽريفڪ جو نظام بهتر بڻايو وڃي. ان ڏس ۾ قانون جي ڀڃڪڙي ڪندڙن خلاف ڪارروائي ڪئي وڃي. هن گهرو سيڪريٽري کي هدايت ڪئي ته شرپسندي جي واقعن ۾ ساڙيل گاڏين جي معاوضي جي ادائگي لاءِ جامع سفارشن جي منظوري ڏني وڃي. اجلاس ۾ صوبائي صلاحڪار راشد حسين رباني، وقار مهدي، پ پ اڳواڻ نجمي عالم، ٽرانسپورٽ اتحاد جي وفد ارشاد حسين بخاري ۽ سي سي پي او ڪراچي فياض احمد لغاري پڻ شرڪت ڪئي. هوڏانهن ڪراچي ۾ موٽر سائيڪل جي ڊبل سواري تي پابندي ختم ٿيڻ تي شهرين ۾ خوشي جي لهر ڇانئجي وئي آهي. واضح رهي ته ڪراچي ۾ 2008ع ۾ ڊبل سواري تي پابندي لاڳو ڪئي وئي هئي.
(روزاني عبرت)
 
جواب: ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

جي ها بلڪل
1100540977-1_001.jpg
 
جواب: ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

هاها ها ادا

ادا رات اسان کي خبر ڪان هئي ته ڪا ڊبل سواري تان پابندي ختم ٿي وئي آهي۔۔۔۔رينجرس کي ڏسي اصلي منهن ئي سڪي ويو۔۔۔۔چيو سين ڄاڻ ٿا مرغا ٿيون۔۔۔۔ هاهاها
 
جواب: ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

ها ادا اڄ اهو نظارو ڪراچي ۾ ڏٺو سين & ڏاڍي خوشي ٿي.
 
جواب: ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

ڪراچي وارن کي مبارڪ هجي۔۔۔۔
 
جواب: ڪراچي ۾ ڊبل سواري تي پابندي ختم، شهر کي پنهنجو چوڻ ۔۔۔۔۔۔۔۔

ڪراچي وارن کي مبارڪ هجي۔۔۔۔
ادا خير مبارڪ، مست صاحب، ادا ڪڏهن پنهنجي به تصوير جو ديدار ڪرايو، توهان ته ڇوڪرين وانگر پنهنجو پاڻ لڪائيندا رهو ٿا ۔
 
Back
Top