پنهنجيون تصويرون تڪڙي طريقي سان شيئر ڪريو۔۔۔

[رشيد سمون]

هوئن ته سنڌ سلامت فورم تي ڪا به تصوير ڳنڍڻ لاءِ يا وري پنهنجيون تصويرون ڪنهن سائيٽ تي اپلوڊ ڪرڻ لاءِ توهان اميج شيڪ يا ٽني پڪچر استعمال ڪندا هوندا۔۔۔ پر وقت اچي ويو ته انٽرنيٽ جي تيز رفتاري مان فائدو وٺجي۔۔
اڄ مان توهان کي هڪ اهڙي سائيٽ ڏسي رهيو آهيان جنهن تي اچي ڪري بس توهان تصوير کي مائوس جي مدد سان ڊريگ سائيٽ تي آڻيو ۽ اک ڇنڀ ۾ توهان جي تصوير اپلوڊ ٿي ويندي ۔۔۔۔ نه صرف ايترو پر ڪجهه ئي سيڪنڊن ۾ تصوير جو يو آر ايل ظاهر ٿي پوندو۔۔۔

چاهيو ته پنهنجي گيلري بڻايو ۽ تصويرون محفوظ ڪندا وڃو۔۔۔ جي ڪاوڙ اچي ته هڪڙي ئي وقت گيلري تي ڪلڪ ڪري پوري جو پوري گيلري ڊيليٽ ڪري وٺو۔۔۔
ان کانسواءِ نه صرف تصويرن پر ميوزڪ فائيلز ۽ ڊاڪومينٽ فائيل کان علاوه پنهنجي وڊيو تائين اهڙي تڪڙي انداز سان اپلوڊ ڪري سگهو ٿا۔۔۔ پر ياد رهي ته هي ويب سائيٽ في الوقت 7 ميگا بائيٽ في فائيل اپلوڊ ڪرڻ جي سهولت ڏئي ٿي۔۔۔

هڪ چڪر آزمايو توهان کي هن Min us نالي سائيٽ تي ڪم ڪندي لطف ايندو۔۔۔
سائيٽ تي وڃڻ لاءِ هتي ڪلڪ ڪريو۔۔۔۔

 

[مست]

جواب: پنهنجيون تصويرون تڪڙي طريقي سان شيئر ڪريو۔۔۔

ادا رشيد۔۔ توهان جي هر ونڊ وانگر هي به زبردست ونڊ آهي، اميد ته اسان جي علم ۾ اڳتي به اهڙي طرح ئي اضافو ڪندا رهندا۔۔۔

 

[نثارابڙو]

جواب: پنهنجيون تصويرون تڪڙي طريقي سان شيئر ڪريو۔۔۔

چوندا آهن ته وڏا اڪثر ننڍن لا جيڪو ڪجهه ڪندا آهن سو ڀلي لا هوندو آهي، هي سائيٽ به بلڪل اسانجي ڀلي لا ئي آهي ۔۔۔ ٿورا ناهن ٿورا ۔۔۔

هڪ سوال جيڪو شايد اوهان به پنهنجو پاڻ سان ڪندا هوندا ته اهي پرايون جڳهئون (سائيٽون) جيڪڏهن بند ٿي ويون ته ڇا اسانجا اهي قيمتي فائيل جيڪي اسين پنهنجن لکتن سان ڳنڍيون ٿا سي حفاظت ۾ هوندا ؟ ۔۔۔ ”ها“ ته پو واه واه پر جي ”نه“ ته پو فڪر ڪرڻو پوندو ته جيئن اسانجا اهي ونڊ محفوظ رهن ۔۔۔ ڪيئن ۔۔۔؟

سنڌ سلامت ساٿ سلامت

 

[رشيد سمون]

جواب: پنهنجيون تصويرون تڪڙي طريقي سان شيئر ڪريو۔۔۔

سائين ڳالهه ته توهان جي سوچڻ جهڙي آهي۔۔۔ پر ڇا ڪجي جو ڪجهه مجبوريون ان جو مڪمل حل نه ٿيون ڪڍڻ ڏين۔۔۔ ڪجهه ڏينهن اڳ جڏهن سنڌ سلامت کي اپڊيٽ ڪرڻ جو پروگرام رکيو هيو ته ان وقت اها سوچ آئي هئي ته فورم تي ونڊيل سمورين تصويرن کي پاڻ وٽ ئي محفوظ رکجي ۔۔ جڏهن ان تي عمل جو وقت آيو ۽ ڊيٽا بيس کي آزمايو ويو ته اهو سَوَن ميگابائيٽ تائين وڌي ويو ۔۔ ۽ جڏهن تصويرن کي ڊيٽا بيس کان الڳ ڪرڻ جي ڪوشش ڪئي وئي ته ڪافي ايرر سامهون آيا مجبورن ڪجهه دوستن جهڙوڪ ادا ابوزين ۽ ادا ڦلپوٽو کي گذارش ڪئي وئي جن فورم تي موجود تصويرن کي ڌارين سائيٽس تي اپلوڊڪري ڊيٽابيس کي هلڪو ڪيو جنهن کان پوءِ فورم کي اپڊيٽ ڪيو ويو۔۔ هاڻي ڪجهه ئي ڏينهن کان پوءِ هڪ دفعو وري ڪوشش ڪري فورم کي اپڊيٽ ڪندي 6۔8۔3 تي آڻبو جنهن کانپوءِ تصويرن ڳنڍڻ جي عمل کي سهل بڻائيندي تصويرون سڌو سئون فورم تي لڳائڻ جي عمل کي بحال ڪيو ويندو۔۔۔ تيسيتائين دوستن کي گذارش آهي ته فورم تي مواد موڪليندي ان جو بيڪ اپ پاڻ وٽ محفوظ رکن۔۔۔
ڪم جي ڳالهه طرف اشارو ڪرڻ لاءِ توهان جي مهرباني۔۔۔

 

[مست]

جواب: پنهنجيون تصويرون تڪڙي طريقي سان شيئر ڪريو۔۔۔

سائين تصويرن کي اپلوڊ‌ ڪرڻ لاءِ جيتري قدر مون کي گوگل پڪاسا سافٽ ويئر ۽ ويب سائيٽ‌ ڪم جي لڳي آهي اوترو ڪو ٻيو سافٽ‌ويئر يا ويب سائيٽ‌ڪم جي نه آهي۔۔ هن ۾ هڪ گيگا تائين تصويرون اپلوڊ‌ڪري سگهجن ٿيون ۽ ان کان وڌيڪ ڪا ڀروسي واري ويب سائيٽ ٿي نه ٿي سگهي، ان ۾‌بيچ فائل اپلوڊنگ جي سهولت پڻ‌آهي۔۔ مان ڪجهه ڏينهن اڳ هڪ بلاگ تيار ڪري ان تي تصويرون اپلوڊ‌ڪرڻ جو تجربو ڪيو هو جيڪو سئو سيڪڙو ڪامياب رهيو۔۔۔ جيڪڏهن پنهنجي ڪم جي سمورين تصويرن کي اهڙي ويب سائيٽن تي اپلوڊ‌ڪجي ته بهتر ٿيندو۔۔

 

[ابو زين]

جواب: پنهنجيون تصويرون تڪڙي طريقي سان شيئر ڪريو۔۔۔

5 حجامت جي فائيل کي ڊريگ ڪيم ۽ اک ڇنڀ ۾ تصوير اپ لوڊ .... ڪمال ٿي ويو... پر هي ڇا تصوير جو يو آر ايل لنڪ ظاهر نه ٿيو... لنڪ حاصل ڪيم ته هارڊ ڊرائيو جو پاٿ ظاهر ٿيو...

شايد اوپيرا برائوزر جو مسئلو هجي... انهيءَ ڪري انٽرنيٽ ايڪسپلورر ۾ ساڳيو عمل دهرايم... هن ڀيري به لنڪ ظاهر نه ٿيو ۽ آخر ۾ جڏهن مينوئلي اپ لوڊ ڪيم ته لنڪ ته ظاهر ٿيو، پر ڪافي دير کان پوءِ يعني اهائي ساڳي اسپيڊ جيڪا ٻين اسٽوريج سائيٽن تي مهيا ڪئي ويندي آهي.

۽ آخر ۾ جڏهن هن پٽيءَ تي نظر پئي ته محسوس ٿيو ته اها سهولت حاصل ڪرڻ لاءِ ٻيو ڪو برائوزر (فائر فاڪس يا گوگل ڪروم) ڊائونلوڊ ڪرڻو پوندو.

جس هجي توهان کي دوستن جي آسانيءَ لاءِ اهڙيون شيون آڻيو ٿا.... وڏي مهرباني.

 

[سليمان وساڻ]

جواب: پنهنجيون تصويرون تڪڙي طريقي سان شيئر ڪريو۔۔۔

ادا رشيد مهرباني

هميشه وانگر هڪ بهترين ونڊ، جنهن ونڊ مان وري سنڌ سلامت جي اپڊيشن جي ڳاله نڪتي آهي۔ جنهن لاء مان سمجهان ٿو اسان واري انٽرنيشنل فقير علي علي کي ڳوليو ۽ ها ڇا تصويرون سڌو سنئون ڏيکارڻ سان بئنڊ وڊٿ جو مسئلو ته نه ٿيندو ؟؟؟

 

[TAHIR SINDHI]

جواب: پنهنجيون تصويرون تڪڙي طريقي سان شيئر ڪريو۔۔۔

سائين تصوير ته اپلوڊ ٿي وئي پر اها خبر نه ٿي پئي ته ان کي هاڻ فورم تي شيئر ڪيئن ڪجي؟!!

۽ ادا مست کي گذارش آهي ته گوگل واري ڳالهه جي ٿوري وضاحت ڪن ته مهرباني ٿيندي۔

 

[ڦلپوٽو فقير]

جواب: پنهنجيون تصويرون تڪڙي طريقي سان شيئر ڪريو۔۔۔

تمام بهترين سائيٽ آهي بلڪل آساني سان تصوير اپ لوڊ ٿئي وئي ۽ لنڪ به ظاهر ٿئي پئي

لاجواب سائيٽ ونڊ ڪرڻ تي توهان کي جس هجي ادا

سدائين گڏ

 

[رحيم بخش]

جواب: پنهنجيون تصويرون تڪڙي طريقي سان شيئر ڪريو۔۔۔

سائين ابو زين جي ڳالهه درست آهي ته ڊريگ ڪرڻ سان فقط تصوير شو ٿئي ٿي باقي اپلود نارمل طريقي سان ئي ٿئي ٿي هڪ تصوير اپلوڊ ڪري تجربو ڪيو آهي ڏسون ڪيتري ڪاميابي ٿي آهي.

 

[رحيم بخش]

جواب: پنهنجيون تصويرون تڪڙي طريقي سان شيئر ڪريو۔۔۔

سائين تصوير ته اپلوڊ ٿي وئي پر اها خبر نه ٿي پئي ته ان کي هاڻ فورم تي شيئر ڪيئن ڪجي؟!!

۽ ادا مست کي گذارش آهي ته گوگل واري ڳالهه جي ٿوري وضاحت ڪن ته مهرباني ٿيندي۔

سائين سڀ کان پهريان عرض ته هن سائيٽ تي هيٺان لکيل آهي ته هي سائيٽ فائر فوڪس Fire Fox گوگل ڪروم Chrome ۽ سفاري Safari برائوزرس کي سپورٽ ڪري ٿي ان ڪري بهتر آهي ته توهان فائر فوڪس ذريعي تصوير اپلوڊ ڪيو اپلوڊ ڊريگ ذريعي نه ڪيو بلڪ Add files بٽڻ تي ڪلڪ ڪري تصوير جو پاٿ ڏيو پوء Start upload بٽڻ کي ڪلڪ ڪيو جڏهن تصوير اپلوڊ ٿي ٿي وڃي ته شيئر Sahre بٽڻ تي ڪلڪ ڪندا ان طرح سان توهان کي هيٺيان چار ڪوڊ نظر ايندا.

Gallery Link
Image Link
HTML Code
Forum Code
هي آخر ۾ جيڪو ڪوڊ آهي سو تصوير ۾ 3 نمبر تي هوندو اهو ڪاپي ڪري فورم تي پيسٽ ڪيو پوء توهان جي تصوير فورم تي ظاهر ٿي ويندي.
دعائن ۾ ياد ڪندا.
الله نگهبان.

 

[رحيم بخش]

جواب: پنهنجيون تصويرون تڪڙي طريقي سان شيئر ڪريو۔۔۔

محترم سائين عبدالماجد ڀرڳڙي جن سان ملاقات دوران ڪجهه ٻيون تصويرون جيڪي منهنجي ڪيمرا ۾ آيون سي هي آهن.

سنڌ سلامت جو مينيجنگ ايڊيٽر اسانجو پيارو مانَ وارو دوست سائين محمد سليمان وساڻ صاحب



سنڌسلامت جو ايڊ مين جناب سائين عبدالرشيد ۽ سنڌ سلامت جو ٽيڪنيڪل معاون سائين عامر ضياء چارڻ







هن تصوير ۾ سائين عامر سائين عبدالرشيد ۽ هي عاجز به شامل آهي.

 

[سليمان وساڻ]

جواب: پنهنجيون تصويرون تڪڙي طريقي سان شيئر ڪريو۔۔۔

گوگل ڪروم جو استعمال ڪندي مون هن ويب پيج جهڙو سولو ۽ تمام تيز پيج ٻيو نه ڏٺو آهي۔

اهي دوست جيڪي هڪ ئي وقت گهڻيون تصويرون اپلوڊ ڪن ٿا انهن لاء تمام آساني ۔ صرف ڊريگ ڪيو ۽ سڀ تصويرون ڪجه ئي سيڪنڊن ۾ اپلوڊ ۔۔۔۔۔۔۔۔۔۔۔ وا واه

 

[رياض حسين گلال]

جواب: پنهنجيون تصويرون تڪڙي طريقي سان شيئر ڪريو۔۔۔

واهه سائين واهه لاجواب ونڊ آهي .