نئين سال جي اچڻ جون مبارڪن ڏيڻ لئه دين اسلام جي هڪ عالم مفتي شيخ العثمان جي فتوا آهي ته جيڪڏهن ڪو به مسلمان اوهانکي نئين سال جون واڌايون ڏي تي اوهان به اخلاقن دعائون ڏيو، باقي نئين سال جي واڌين ڏيڻ ۾ پهل نه ڪريو ۔۔۔ ڇاڪاڻ ته اسلامي سال جي جوڙ جڪ حضرت عمر رضي الله تعالا عنه جي دور خلافت ۾ مڪمل ٿي ۽ رائج ٿي، ٻي ڳالهه ته نئين سال جون واڌاين ڏيڻ جو رواج نه الله جي رسول وٽ هو، نه چئن يارن وٽ هيو ۽ نه وري اصحاب سڳورن کان ثابت آهي ۔۔۔
خئير اها ته هئي فتوا جيڪا مون ذڪر ڪئي اوهانجي معلومات لا، باقي ته زمانو آهي، زماني جا رنگ انسان مٿان چڙهندا رهندا آهن ۔۔۔ ها نئين سال جي اچڻ تي دعا ڪجي، پنهنجي لا، گهر لا ، ڪٽنب لا، قوم لا انسانيت لا وغيره وغيره ۔۔۔
باقي مبارڪ ان عمل جي ڏبي آهي جنهن عمل جي ڪو نتيجو نڪتو هجي ۔۔۔ هاڻ نئون سال اڃان شروع ٿيو آهي، اڃان اسان ان ۾ پير پاتو آهي، هاڻ ان سال ۾ اسين ڪهڙا ڪهڙا باغ ٿا پوکيان ته پو چئبو ۔۔۔ مبارڪون هجن ۔۔۔
گذريل سال گذري ويو پر ڪي نتيجا ڏئي ويو هوندو ۔۔۔ ها مبارڪون اوهان دوستن کي جن گذريل سال ۾ ڪاميابيون ماڻيون ۽ افسوس جي اوهان ڪا راند هارائي هجي يا ڪو زخم کاڌو هجي يا وري ڪنهن گناهه ۾ مبتلا ٿيا هجو ۔۔۔ پر جي صاف ۽ شفاف زندگي گذري آهي ته مبارڪون، ٻين جي ڀلي ۾ سال گذاريو آهي ته مبارڪون، پنهنجي ۽ پنهنجي خاندان لئه ڪي چڱا ڪم ڪيا آهن ته مبارڪون ۔۔۔ شادي ڪئي آهي يا ڪرائي آهي ته مبارڪون ۔۔۔ ڪنهن جي منهن تي مرڪ آندي آهي ته مبارڪون ۔۔۔
اوهان دوستن کي گذريل سال ۾ حاصل ٿيل سڀني ڪاميابين تي لک لک واڌايون قبول پون ۔۔۔
سائين! سدائين، ڪرين مٿي سنڌ سڪار،
دوست!۔ مٺا دلدار! عالم سڀ آباد ڪرين۔
