غزل نثاراحمدناز هِتِ نه آهي، هُتِ نه آهي، مُون نه آهي تو نه آهي آ لڳل تالو وفا تي قُرب ڪنهن وٽ ڪونه آهي ــ هِتِ وڄائي ڪير ڀيرون ڳالهه حق جِي ڪير ڇيڙي هاڻ هوشو هِتِ دُلارو ۽ هِتي دودو نه آهي! ــ نوٽ عيوض جسم وڪجن هن بزاري ڏس جهان ۾ چاهه جا سودا ٿين ٿا اُف نه ڪنهنجي اون آهي ــ رات تو ڪاٿي گُذاري ڳالهه سڀ ساجن ٻُڌائي؟ مُرڪ تُنهنجي مُک مٿان جاني ڪلهوڪِي ڇونه آهي ــ زخم هوندا ”ناز“ تُنهنجي روح جي پاتال ۾ ڀي، عشق آ ير نانگ ڪارو هي ته ڪو رونشو نه آهي
واه سائين واه اوهان ڪجه ڏينهن غائب رهيا اوهان جي ڪمي به دوستن محسوس ڪئي خاص ڪري سائين نثار اوهان کي ڏاڍو ساريو سائين اوهان وري آيا ته اها اهڙي سهڻي ۽ من کي موهيندڙ شاعري کڻي آيا آهيو اسان کي پڙهي تمام خوشي ۽ سرور مليو سائين منهنجي لاء فخر جي ڳالهه آهي جو سڀ کان پهريان مان اوهان کي ريپلائي ڪيان شل جڙيا هجو آباد هجو
محترم علي علي مهرباني، جو مُنهنجي هن حقير شاعريءَ کي پسند ڪيو، باقي مُنهنجو سنڌ سلامت کان جُدا ٿيڻ ته ممڪن ڪونهي پر مونسان ڪجهه پرابلم آهن، 1. طبيعت جي ناسازي 2. بجلي جو 24 ڪلاڪن مان 18 ڪلاڪ نه هُجڻ، 3 مُنهنجي هڪ ماءُ جهڙي عزيزه جنهن جي عمر 90 سال آهي ان جي شديد علالت، ان کان علاوه مُنهنجي بابا سائين جن جي ڀي طبيعت انتهائي ناساز آهي اهو ئي سبب آهي جو دوستن کي مناسب وقت نه ڏيئي رهيو آهيان. خير جيئن ئي مُناسب وقت مليو، مان پنهنجون ڀرپور لکڻيون توهان سڀني دوستن سان ضرور شيئر ڪندس، ۽ توهان سڀني جي لکڻين تي پڻ پنهنجا ڪامينٽس ضرور ڏيندس، ادا نثار ابڙي کان التجا آهي ته براءِ مهرباني مون لاءِ دعا خير گُهري وڃي. ان کان علاوه علي علي توهان کي ڀي گُذارش آهي ته مون لاءِ دعاءِ خير گهري وڃي.
سائين اسان جي دعا آهي ته مولا پنجتن پاڪ جي صدقي اوهان جي تمام مشڪلات کي آسان فرمائي ۽ اوهان هڪ دفعو ٻيهر سنڌ سلامت جي سٻاجهڙن سان ڪچهرين ۾ اچي شامل ٿيو مهرباني اوهان جي مولا اوهان کي طويل عمر عطا ڪري ۽ اوهان جي هر مشڪل آسان فرمائي آمين shal judy hujeen
محترم سائين نثار ناز حق موجود؛ ادا سائين ڪيترن ڏينهن کانپوءِ اوهانجي من موهڻي شاعري پڙهڻ لاءَ ملي ... هِتِ وڄائي ڪير ڀيرون، ڳالهه حق جِي ڪير ڇيڙي، هاڻ هوشو هِتِ دُلارو ۽ هِتي دودو نه آهي! ادا سائين، اسانجي سڪ جو احوال ته ڀاءُ علي علي ڪري چڪو پر جڏهن اوهانجي مجبورين جي خبر پئي ته ڳالهه سمجهه ۾ آئي ته پاڻ واري يار تي بي وفائي جو الزام اجايو آهي ... ڀائڙا، اوهانجي بيماري، امڙ سڳوري ۽ بابا سائين جي طبيعت جي ناسازيءَ مان لڳي ٿو ته الله جي خاص نظر اوهان تي آهي ... جو امتحان به چـڱن لاءِ هوندو آهي برن جي ته هن دنيا ۾ ٻيگهي آهي ... ادا سائين، اسان دوستن جون دعائون اوهان سان گڏ آهن، اوهين هر امتحان مان گذري پار پئو .. الله تعالا اوهانجي امڙ جهڙي رشتيدار ۽ بابا سائين جي صحت ڀلي ڪري ۽ ان سان گڏوگڏ اوهانجي تندرستي جي فڪر آهي ... پنهنجو خيال ڪندا ... سدائين گڏ
محترم نثار ناز صاحب اوهان جي لاءِ جيڪي دعائون ادا نثار ابڙو گهريون آهن، اهي ويچار به اسان جي من ۾ آهن... ادا نثار ابڙو صاحب کي منهنجي طرفان التجا آهي ته بلخصوص سائين ناز صاحب جي امڙجهڙي رشتيدار ۽ بابا سائين لاءِ مڪي پاڪ ۾ خانه ڪعبته الله شريف جي سامهون دعا گهرن ته سائين جا ٻيڙا پار ٿي وڃن.. آمين....
سائين نثار ناز تمام بهترين غزل آهي، خاص ڪري جيڪو هيٺيان دل کي تالو لڳل آهي. ان جي ته الڳ ئي ڳالهه آهي. سائين منهنجي رب کان دعا آهي ته توهان جا سڀ غم دور ٿي وڃن & توهان پنهنجي زندگي ۾ خوشيون ئي خوشيون ڏسو.
