جواب: سنڌي ڊرامن جو ناليوارو اداڪار ايم يحيى ڀٽو لاڏاڻو ڪري ويو
انا لله و انا اليه راجعون
ريڊيو ، اسٽيج ۽ ٽي ويء جو مشهور سنڌي اداڪار ايم يحيى ڀٽو ڪينسر ۽ هيپاٽائٽس جي ڪري وفات ڪري ويو ۔۔۔ ادا اهيا خبر ٻڌي ڪري دل کي تمام گهڻو صدمو پهتو، ادا ڪينسر ۽ ڪاري ڪامڻ (هيپاٽائٽس بي يا سي) جو وير به ڪاريهر تي پير برابر آهي، سو ادا انهن بيمارين ته ان کي به پنهنجو وير ڏيکاريو جنهن اهيو تڪيو ڪلام اختيار ڪيو هو ته۔۔۔۔ ( موسى خان جو وير ، ڪاريهر تي پير )۔۔۔۔ ادا ڪينسر به هڪ خطرناڪ بيماري آهي جيڪا سواء جان وٺڻ جي جان ڪا نه ٿي ڇڏي، منهنجو مرحوم ننڊو ڀاءُ احسان مصطفه وگهيو به انهيء ڪينسر جي موضي مرض ۾ اسان کان هميشه هميشه لاء جدا ٿئي ويو، ۽ حقيقت ۾ ڪينسر جي باري ۾ تڏهن ئي اسان کي خبر پئي هئي ته ڪينسر آهي ڇا۔
ادا دعا آهي ته رب پاڪ مرحوم اداڪار ايم يحيى ڀٽو جون بشري خطائون ميٽي ڪري کيس جنت ۾ جايون عطاء ڪري آمين
ڪينسر
ٿلهي ماڻهون لاءِ ٿلهو هجڻ صرف ظاهري عيب ناهي بلڪ ٿلهو هجڻ سبب انسان جو اندروني نظام پڻ متاثر ٿيندو آهي. طبي ماهرن جو چوڻ آهي ته موٽاپو نه رڳو دل جي بيمارين بلڪ ڪينسر جهڙي خطرناڪ بيماري جو ڪارڻ به بڻجي سگهي ٿو.
ماهرن موجب موٽاپو جگر جي ڪينسر جو سڀ کان وڏو ڪارڻ آهي. ڇاڪاڻ ته موٽاپي سبب ڪينسر جا جراثيم پيدا ٿيندا آهن. طبي ماهرن موجب ٿلهي ماڻهن ۾ جگر جي ڪينسر جو خدشو عام ماڻهن کان وڌيڪ هوندو آهي ۽ دنيا ۾ ڪيترا ئي ماڻهو جگر جي ڪينسر سان مري ويندا آهن سائنسدانن نئين ريسرچ ڪئي آهي جنهن سان معلوم ٿيو آهي ته سماجي ۽ سياسي مصروفيت جنهن سبب بدن ۽ ذهن تي دباءُ ايندو هجي هو ڪينسر جي مريضن کي پنهنجي بيماري سان وڙهڻ لاءِ مددگار ثابت ٿيندو آهي.
اوهايو اسٽيٽ يونيورسٽي ۾ جانورن تي ٿيندڙ ريسرچ ۾ اِها ڳالهه واضح طور تي ٻڌائي وئي آهي ته اِهو اثر ڪيئن ٿيندو آهي ۽ هن کي ڪيئن استعمال ڪري سگهجي ٿو. ڊاڪٽرن جو چوڻ آهي ته ماڻهون چوندا آهن ته ڪينسر جي بيماري ۾ هر قسم جي دباءُ کان بچڻ گهرجي پر اِها ڳالهه مڪمل طور تي صحيح ناهي.
ڊاڪٽرن ٻڌايو آهي ته سڀ کان بهترين اثر تڏهن نظر آيو جڏهن مريض وڌيڪ آبادي واري علائقي ۾ رهندو آهي. ڪينسر سان وڙهندڙ جينز ماڻهن ۾ موجود هوندا آهن ۽ هو تڏهن پنهنجو اثر ڏيکاريندا آهن جڏهن ماڻهون مسئلن ۾ ڦاسي پوندو آهي بشڪريه ويچار ڊيسڪ
جواب: سنڌي ڊرامن جو ناليوارو اداڪار ايم يحيى ڀٽو لاڏاڻو ڪري ويو
انا لله و انا اليه راجعون
حالانڪ ويجهڙائي ۾ مون گهڻا سنڌي ڊراما نه ڏٺا آهن، پر هن همراهه جي شڪل ڏسي ياد آيو ته هي سنڌ جو اداڪار تمام سٺي ۽ حقيقت جي ويجهو اداڪاري ڪندو هو ۔۔۔ شو بز سان تعلق هجڻ سبب رات ڏينهن ٽي وي ڊراما ڀرڻ ۾ مشغول هوندو هو جو سنڌ ٽي وي چينلز جي کوڙ ساترن ڊرامن ۾ نظر ايندو هو ۔۔۔
جواب: سنڌي ڊرامن جو ناليوارو اداڪار ايم يحيى ڀٽو لاڏاڻو ڪري ويو
سنڌ جو نالي وارو اداڪار يحيٰ ڀٽو به آخرڪار ايئن موڪلائي ويو، جيئن اڳ سندس جوڙ جا اداڪار سنڌ کان موڪلائي ويا هئا. ڇو ته هتي فنڪارن، اداڪارن ۽ ليکڪن جي سهائتا لاءِ قائم ڪيل ادارا پنهنجو بنيادي فرض انساني ۽ اخلاقي طريقي سان انجام ڏئي نه سگهيا آهن ان ڪري اڻ ڳڻيا فنڪار، اداڪار ۽ ليکڪ سرڪاري اسپتالن جي بسترن تي مناسب سار سنڀال نه ٿيڻ ڪري هڏڪيون ڏئي راهه رباني ٿيا آهن. يحيٰ ڀٽو سنڌ جو انتهائي سينيئر اداڪار هو، جنهن مختلف ڊرامن ۾ مختلف ڪردارن سان پنهنجي ڌرتيءَ ڌڻين جي حالتن جي عڪاسي ۽ نمائندگي ڪئي. اداڪارن ۽ فنڪارن جي ڀلائيءَ لاءِ به هو جاکوڙيندو رهيو، افسوس! سندس صحتيابي ۽ حياتي بچائڻ لاءِ ڪنهن به ساٿي اداڪار، فنڪار توڙي اداري ڪابه جاکوڙ نه ڪئي ۽ هو بي يارو مددگار سرڪاري جناح اسپتال جي سيکڙاٽ ڊاڪٽرن جي تجربن جو نشانو بڻجي سڄي سنڌ کي سار نه لهڻ جون ميارون ڏيندو موڪلائي ويو. هاڻي سندس ورسيون ملهايون وينديون، سندس فنڪاراڻا صلاحيتن جا ڳُڻ ڳايا ويندا پر سندس جيئري اسان کان اهڙي تڪليف ڪرڻ نه پڳي جو ڪنهن چيئرٽي پروگرام ذريعي ڪجهه رقم گڏ ڪري مختلف ادارن جي سهڪار سان ٻيو نه تڏهن به کيس لاهور جي ”شوڪت خانم“ اسپتال تائين پهچايون ها متان کيس ان جدوجهد ذريعي زندگيءَ جا ڪجهه ڏينهن ملي پون ها.
يحيٰ ڀٽو گذريل ڪافي وقت کان بيمار هو ۽ ذاتي تعلق وارن دوستن سان رابطي ۾ هو، جن ادارن ۾ هو اداڪاري ڪندو هو انهن کي به سندس بيماريءَ جي ڀليءَ ڀت خبر هئي ان هوندي به سندس مدد ۽ سهائتا لاءِ ڪا ڪوشش نه ٿي سگهي. شايد! يحيٰ ڀٽو کي به پنهنجي سرڪاري ادارن جا حال ساريا پيا هئا ان ڪري هن ڪنهن کي به اپيل ڪرڻ مناسب نه سمجهيو ۽ خاموشيءَ سان موت کي ڳلي لائڻ جو فيصلو ڪري ورتو هو. افسوس! ته قومي ورثي کي سنڀالڻ لاءِ اڄ تائين ڪوبه موثر انتظام سرڪاري توڙي خانگي سطح تي نه ٿي سگهيو آهي. ان ڪري باصلاحيت اداڪار، فنڪار ۽ ليکڪ سرڪاري اسپتالن ۾ ”انڌن اونڌن“ ويڄن جي تجربن جو نشانو بڻجي ايئن موڪلائي ويندا آهن جيئن يحيٰ ڀٽو ميارون ڏيندو سنڌ کان موڪلائي ويو. اسان سندس پونيئرن ۽ ساٿين سان ڏک ۾ شريڪ آهيون[font="al_mushaf"][/font]
جواب: سنڌي ڊرامن جو ناليوارو اداڪار ايم يحيى ڀٽو لاڏاڻو ڪري ويو
ادا خبر ٻڌي ڏاڍو افسوس ٿيو، پر الله کان اها دعا آهي ته ڪراچي جي اهڙين اسپتالن جو الله نه ڪنهن کي منهن ڏيکاري۔۔۔ اتي جيڪي ظلم ٿين ٿا، مريض جي اڌ حياتي ته اهي ئي کسي وٺن ٿا۔۔۔
