هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

​

​

​

غزل ​

​

دروازو کليل آهي ، من ڪوئي اچي نڪري​

سڀ لوڪ سمهيل آهي ، من ڪوئي اچي نڪري​

​

چنڊ رات چٽي آهي ، ڪڪريون به وسي هليون​

هر بات بڻيل آهي ، من ڪوئي اچي نڪري​

​

پن کڙڪيو هوا تي ڪو ، يا سانت ڀريو سڏڪو​

ڪو روح رليل آهي ، من ڪوئي اچي نڪري​

​

دل خام خياليء ۾ ، اکين کي ڌتاري پئي​

هيء ان تي هريل آهي، ، من ڪوئي اچي نڪري​

​

هن وقت جي پيالي ۾ ، مڌ پنهنجي حياتي جو​

باقي ڪو بچيل آهي ، من ڪوئي اچي نڪري​

​

هن برھ جي بستيء ۾ ، “ شمشير ” جيهو جوڳي​

ڪجه ڏينهن ٽڪيل آهي ، من ڪوئي اچي نڪري​

​

​

​

​

​

​

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

مهرباني ادا نويد

شمشير هيڏي وڏي عمر ۽ ضعيف العمريء باوجود گذريل آچر تي سچل ڳوٺ ۾ شيخ اياز تي ٿيل پروگرام جي صدارت ڪئي هئي جنهن ۾ اسپيڪر سنڌ اسيمبلي نثار کهڙو صاحب پڻ شرڪت ڪئي هئي۔ سائين شمشير سان گڏ هدايت بلوچ به هو ۽ ڪجه گهڙيون ڪچهري به ٿي هئي۔

​

سندس شاعري به بهترين رهي آهي

تنهنجي نيڻن ۾ جو نهاري ويو
ڄڻ ته سنڌوء جي ٻئي ڪناري ويو

يا وري


ابليس کي چئي ڇڏيو ، سجدي جي تياري ڪر
دنيا تي “ انا الحق ” جا اسرار کُلن شايد !

سوريء تي سڏڻ وارا ! هڪ ڳاله ته سوچي ڇڏ
مقتل ۾ اچڻ وارا منصور هجن شايد !

بلبل جي بيانن تي برهم نه ٿيڻ گهرجي
آئنده بهارن جا پيغام هجن شايد !

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

سائين نثار ناز مهرباني

سائين شمشير جي شاعري سنڌ جي اعلا پايي جي شاعري آهي۔ يقينن اسان جهڙا جهڙا ماڻهو سندس ان شعر جي وضاحت پنهنجي ناقص علم مطابق ئي ڪندا۔ باقي يقينن سائين شمشير کان پڇي وٺنداسون۔

بلبـــــل جي بيــــانن تي برهــــم نه ٿيڻ گهرجي،
آئنــــده بهـــــارن جــــــا پيغـــــام هجــن شايـــد !

الله کين همت ڏني آهي جو اڃان تائين محفلن جو شان بڻجي ويهن ٿا۔

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

سائين نثار سلام

الله وڏي ڄمار عطا ڪري شمشير کي جنهن سهڻا شعر خلقيا آهن۔ پاڻ سدائين سچل ڳوٺ جي مهفلن جا مور هوندا آهن ۽ ڀيرو ڀڃندا رهندا آهن ۔ اوهان جو شمشير لاء پيار ڪيترو آهي ان جو اندازو مان لڳائي سگهان ٿو جو اوهان عقيدت جي حد تائين سندن عزت به ڪندا آهيو۔ شمشير چوي ٿو :

اسين اوهان جي اکين ۾ آهيون،
وري نهاري ڇڏيو ته وه وا!

گهري ٿو ’شمشير‘ حق جئڻ جو،
انهيءَ کي ماري ڇڏيو ته وه وا!

وري هڪ هنڌ چيو اٿس

شب و روز ’شمشير‘ ڳرندو وڃين،
لڳي وئي زماني جي توکي نظر​

شمشير جي شاعري ۽ سندس موجودگي محفل جو شان هوندي آهي۔ پاڻ ئي پيو چوي ته :

’شمشير‘ کي سڏ ڪريو، ’ شمشير‘ ڪٿي آهي؟
محفل کي مچائيندو، ان جو ئي سخن شايد

يا وري هي شعر

شب و روز ’شمشير‘ ڳرندو وڃين،
لڳي وئي زماني جي توکي نظر

ڪڏهن ڪڏهن دوستن لاء به ڳاله ڪري ٿو :

جن گهري ورتي هئي دل، ياد جو تحفو ڪري،
سي به اڄ ’شمشير‘ جي خاطر خبر ڀلجي ويا


تنهنجا اي ’شمشير‘ هي نغما،
ڄڻ ته ڇڄي پيئي ڪا تار!

ڪٿي آهي ’شمشير‘، جو چنگ چوري،
زمانو ته ڀلجي ويو ” چارڻ“ جون ڳالهيون.

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

ادا عاشق مهرباني

عاشقن لاء اهڙي شاعري ڳولي کڻي پهتا آهيون۔ شمشير سنڌ جو عاشق ۽ سندس شاعري به مجازي عشق سان سرشار آهي

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

عاشق ته آهي ئي عاشق

سو شمشير جي عاشق مزاج شاعري سندس لاء ئي ونڊ ڪئي آهي۔

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

ادا پسند ڪرڻ لاء مهرباني

اڳي چوندا هئاسين يارن سان ڪهڙا ليکا هاڻي چئون ٿا فقيرن سان ڪهڙا ليکا۔

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

ادا مهرباني

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

اد رياض گلال لڳي ٿو اوهان کي شمشير جي شاعري ايترو گهڻو وڻي آهي جو بار بار واه واه پيا ڪيو ۔۔۔۔۔۔۔۔۔

 

جواب: هن برھ جي بستيء ۾ ، “ شمشير ” جيهو جوڳي ڪجه ڏينهن ٽڪيل آهي ( شمشير الحيدري )

ادا مهرباني

سائين شمشير جي شاعري لازوال ۽ سدا حيات

[justify]اسين اوهان جي اکين ۾ آهيون،
وري نهاري ڇڏيو ته وه وا!

گهري ٿو ’شمشير‘ حق جئڻ جو،
انهيءَ کي ماري ڇڏيو ته وه وا![/justify]