منهنجي مضمون جي چوري جي هڪ شڪايت

جواب: منهنجي مضمون جي چوري جي هڪ شڪايت

منهنجي خيال ۾ ادا رزاق جي ڳالهه به درست آهي پر اخلاقن اهو لکندڙ جو فرض ٿو ٿئي ته جيڪڏهن مواد جيئن جو تيئن ڪٿان نقل ڪيو ويو آهي ته ان جو حوالو ضرور لکن ۔۔۔ جنهن سان ڪو خاص فرق نه پوندو ۔۔۔ پر جيڪڏهن حوالو نه لکيو ويو آهي ته ان سان ڪنهن طرح سان رابطو ڪري اها ڳالهه پهچائي سگهجي۔۔۔
جيتوڻيڪ سنڌ سلامت جو تعلق آهي ته ان جي قانونن ۾ پڻ ان ڳالهه کي واضح طور لکيو ويو آهي ۔۔۔ ۽ گاهي به گاهي رڪنن کي ياد پڻ ڏياريو ويندو آهي۔۔۔
سنڌ سلامت جي مضمونن کي جڏهن مان گوگل تي سرچ ڪندو آهيان ته ڪافي موضوع مختلف سائيٽس تي ملندا پڻ آهن۔۔۔ ڪجهه موضوعن ۾ حوالو لکيل هوندو آهي ته ڪجهه موضوعن ۾ نه ملندو آهي۔۔۔ هتي ڪافي اهڙا رڪن پڻ موجود آهن جيڪي موضوع کي پسند ڪندي فيس بوڪ تي لڳائيندا آهن جتي سنڌ سلامت جو حوالو لکجي ايندو آهي پر ڪي دوست پورو جو پورو موضوع نقل ڪري پنهنجي پروفائيل وال تي به لڳائيندا آهن ۽ حوالو نه ڏيندا آهن۔۔۔
بحرحال هن موضوع جي ذريعي توهان جي شڪايت متعلقه ماڻهن تائين پهتي ڪئي وئي آهي۔۔۔ اميد ته آئنده ان ڳالهه کي ذهن ۾ رکيو ويندو۔۔۔ جنهن کان پوءِ هن موضوع کي تالو لڳايو پيو وڃي۔۔۔