سائين عبدالماجد ڀرڳڙيء کي جنم ڏينهن جون واڌايون

محترم عبدالماجد منهنجي پسنديده شخصيت آهي سندس ڪاوشون ساراهائڻ قابل آهن نه ته اسان لاءِ سنڌي نيٽ تي ڇا پر ڪٿي به لکڻ نه صرف مشڪل پر ناممڪن هجي ها سر جن کي جنم ڏينهن تي نيڪ تمنائون سان کوڙ ساڙيون واڌايون جتي به رهي سدائين سرها رهو آمين

 

سائين ماجد ڀرگڙي کي ڀيٽا

__________________________

منڃتا تو کي ڪهڙي ڏيان مان تون ته اسان جو مان او سائين

تنهنجي دم سان سنڌ سگهاري تون ته اسان جو شان او سائين

تون ئي سنڌ جو ساڃاه وند آن تو کي سنڌ جو اونو آ

ڀونءِ ڀلاري ڀاڳن واري جنهن جو تون ارمان او سائين

تنهنجي چنتا چاهت سنڌ آ تنهنجي من ۾ محبت سنڌ آ

تنهنجي خدمت سنڌ جي عزمت تنهنجو هي احسان او سائين

رهندي دنيا تائين سنڌ هي قائم دائم جيءَ جڙيل ٿي

تنهن کي سالم آهي رکيو تو تون ته اسان جي جان او سائين

ايندڙ وقت جو اونو تو ۾ تون ئي ٻولي واهر ڪئي آ

سنڌي ٻولي امڙ لولي منهنجو هيءُ جهان او سائين


رسول بخش دائود پوٽه

 

زبردست ڀيٽا ..

 

اها آڪٽوبر نومبر 1987 جي ڳالھ آهي. عبدالماجد کي اهو به احساس هيو ته جيڪو ڪم ڪمپيوٽر سائنس انجنيئر (حسام الدين جا فرزند) ڪرڻ کان قاصر رهيا آهن سو کانئس ڪيئن ٿيندو جنهن کي ڪمپيوٽر سائنس جي باري ۾ صرف بنيادي ڄاڻ هئي. پر هن الله تو آهر ڪري، پنهنجي شوق جي ڪري، ان ۾ هٿ وڌو. چوندا آهن همت مردان مدد خدا. هن معاملي ۾ به ايئن ئي ٿيو ۽ هفتي ٻن اندر کيس ابتدائي ڪاميابي ٿي ۽ سندس ليزر پرنٽر تي سنڌي جو پرسنل ڪمپيوٽر وسيلي ٽائپ سيٽ ٿيل پهريون صفحو پرنٽ ٿي نڪتو ته ٻڌائيندو آهي ته سندس خوشي جي ڪا انتها نه رهي ۽ هن قادر مطلق جا بي انداز ٿورا مڃيا جنهن سندس نصيب ۾ اها ڪاميابي لکي هئي.
ان ابتدائي ڪاميابي جي خبر ان وقت هلال پاڪستان ڏني. بعد ۾ هن اخبار جو هڪ مضمون به ٽائپسيٽ ڪري هلال پاڪستان وارن کي ڏنو جيڪو نومبر يا ڊسمبر 1987 ۾ ڇپيو. اهو انعام شيخ جو لکيل ڪک پن نالي هڪ ڪالم هو. ان کان علاوه ڪراچي جي هڪ ڪاليج جي مخزن نقوش جو سنڌي سيڪشن به ٽائپسيٽ ڪري ڏنائين. اهڙي ننڍڙي ابتدا سان سنڌي ۾ ڪمپيوٽر جي استعمال يعني سنڌي ڪمپيوٽنگ جي ابتدا ٿي ۽ سنڌي اشاعتي صنعت ۾ ان انقلاب جي شروعات ايندڙ ٻن ٽن سالن ۾ ان جي ڪايا پلٽ ڪري ڇڏي. عبدالماجد، ڪمپيوٽر سائنس ۾ ڪا ڊگري نه هوندي به، اڪيلي سر پنهنجي محدود وسائل ذريعي مختصر عرصي ۾ سنڌي ٻوليءَ لاءِ اهو ڪم ڪري ڏيکاريو جيڪو ادارا، يونيورسٽيون ۽ ڪمپيوٽر سائنس جا ماهر باوجود پنهنجي وسائل ۽ ڄاڻ جي سالن ۾ به نه ڪري سگھيا.


سندس جي ويب سائيٽ تان کنيل

 

خوشنصيبي آهي اسان سنڌين جي جو اسان وٽ سائين عبدلماجد ڀرڳڙي جن پيدا ٿيا ..هر قوم ۾ اهڙا فرد پيدا ٿيندا آهن جيڪي غير معمولي صلاحيتن جا مالڪ هوندا آهن انهن کي انسان ته نظر انداز ڪري سگهي ٿو پر وقت انهن کي نظر انداز ناهي ڪندو وقت انهن کي انهن جي اهڙي غير معمولي حيثيت کي هڪ نه هڪ ڏينهن نروار ڪندو آهي اهڙي ريت سائين جن به اسان لا وقت جو هڪ وڏو سرمايو آهن..شل جڙيا هجن ۽ اهڙي ريت سنڌ ۽ سنڌي ٻولي جي خدمتون ڪندا رهن .جنم ڏينهن تي لکين واڌايون پيش ڪيون ٿا. شل قبول پون.

 

خوشنصيبي آهي اسان سنڌين جي جو اسان وٽ سائين عبدلماجد ڀرڳڙي جن پيدا ٿيا ..هر قوم ۾ اهڙا فرد پيدا ٿيندا آهن جيڪي غير معمولي صلاحيتن جا مالڪ هوندا آهن انهن کي انسان ته نظر انداز ڪري سگهي ٿو پر وقت انهن کي نظر انداز ناهي ڪندو وقت انهن کي انهن جي اهڙي غير معمولي حيثيت کي هڪ نه هڪ ڏينهن نروار ڪندو آهي اهڙي ريت سائين جن به اسان لا وقت جو هڪ وڏو سرمايو آهن..شل جڙيا هجن ۽ اهڙي ريت سنڌ ۽ سنڌي ٻولي جي خدمتون ڪندا رهن .جنم ڏينهن تي لکين واڌايون پيش ڪيون ٿا. شل قبول پون.