[justify]پنهنجن رشتن ۾ سچائي پئدا ڪريو هڪ ڇوڪرو ۽ ڇوڪري گڏ کيڏي رهيا هئا، ڇوڪري وٽ تمام سهڻا بلور (چدا) هئا ... ڇوڪريءَ وٽ ڪجهه سٺا کٽمٽڙا هئا ڇوڪري چيو ڇوڪريءَ کي ته هو کيس پنهنجا سڀ بلور ڏئي ڇڏيندو جيڪڏهن هوءَ کيس پنهنجي سموري مٺائي يا کٽمٽڙا ڏيندي ته؟ ڇوڪريءَ کي اها شرط پسند آئي. ڇوڪري ڇا ڪيو جو پنهنجا سهڻا ۽ وڏا بلور لڪائي ڇڏيا ۽ باقي ڇوڪريءَ کي ڏئي ڇڏيا ۽ ڇوڪريءَ پنهنجي سموري مٺائي ڇوڪري کي ڏئي ڇڏي جيئن هُن واعدو ڪيو هو. ان رات، ڇوڪريءَ تمام سٺي ننڊ ڪئي پر ڇوڪرو ننڊ نه ڪري سگهيو ۽ سڄي رات اها ڳالهه سوچيندو رهيو ته شايد ڇوڪريءَ به سٺيون مٺايون لڪائي ڇڏيون هونديون جيئن هن پنهنجا سٺا بلور لڪائي ڇڏيا هئا ۽ اهو سوچي سوچي کيس سڄي رات ننڊ نه آئي. **************** اخلاقي سبق *************** جيڪڏهن اوهان پنهنجن رشتن ۾ سئو سيڪڙو سچائي نه ڏيکاريندا ته هميشه اوهانکي به اهو شڪ رهندو ته اوهان جا رشتيدار پڻ اوهان سان سچا ناهن، بيشڪ اهي اوهانکي سئو سيڪڙو پنهنجي سچائي ڇون ڏيکارن .. اها ڳالهه اوهانجي سڀني رشتن سان لاڳو ٿئي ٿي، جيئن پيار، نوڪر يا مالڪ جو رشتو يا ڪو به ٻيو رشتو، اوهان سچائيءَ سان سئو سيڪڙو پنهنجي طرفان صاف هجو ۽ سڪون جي ننڊ ڪريو. [/justify]
جواب: پنهنجن رشتن ۾ سچائي پئدا ڪريو مهرباني سائين نثار اسلام ۾ سچائي کي اوليت حاصل آهي، اهو ماڻهو جيڪو پاڻ سچار ناهي ان لاء سموري دنيا ايئن هوندي آهي جيئن هو پاڻ۔ سچائيء جو رستو ڪاميابي ڏانهن ويندو آهي۔ چوندا آهن ته سچ جي ٻيڙي لڏندي آهي پر ٻڏندي ناهي يا وري سچ ته بيٺو نچ ، ڪوڙ جي منهن ۾ ڌوڙ لک مهربانيون جو اوهان سهڻو ليک ونڊ ڪيو
جواب: پنهنجن رشتن ۾ سچائي پئدا ڪريو واھ....سائين سهي ۽ حقيقت...ان جو اهو به مطلب آهي ته ماڻهو سٺو پاڻ ٿئي....پوءِ ان ماڻهو کي سڀ دوست رشتيدار....سٺا لڳندا. جيڪڏهن ماڻهو پاڻ خراب آهي ته ان کي سڀ ماڻهو پاڻ جهڙا لڳندا. سٺي سبق آميز ڪهاڻي ونڊ ڪرڻ جي مان اوهان جو ٿورائتو آهيان...اُميد ته اهڙيون سبق آميز..ڪهاڻيون ونڊ ڪندا رهندا..جيئن اسان انهن ڪهاڻين مان ڪجھ سبق پرائي سگهون.ٿورائتو
جواب: پنهنجن رشتن ۾ سچائي پئدا ڪريو [justify]ادا نثار ابڙا تنهنجو هي ليک سون جي مس سان لکي دل ۾ سانڍڻ جهڙو آهي، پر يار هي دنيا وڏي دورنگي آهي ، هن ڪهاڻي ۾ ته ڏيتي ليتي جي ڳالهه آهي پر دوست هتي ته هرڪو ٻي مان ڪڍڻ جي ڪوشش ڪندو آهي، بلڪل ائين پيو سوچيندو آهي ته اسان جي مولا پُڄائي ۽ ٻي جِي وٺ ما کي ، هتي ته اڪثر ائين ڏٺو ويو آهي ته جيڪڏهن آئون توهان ڏانهن اچان ته مونکي توهان ڇا ڏيندا ۽ جيڪڏهن توهان مون وٽ آيا ته توهان مونکي ڇا ڏئي ويندا، ڀائو ماٺ اٿئي ڀلي، ڳالهه ڳاٽي کان چڙهي وئي آهي۔ مهربانيون آهن توهان جون جو مڙئي اکيون کولڻ جهڙيون ڳالهيون اسان اکين پوريل ماڻهن سان ونڊ ڪري منصوري پر مڙئي پارين پيو۔[/justify]
جواب: پنهنجن رشتن ۾ سچائي پئدا ڪريو ابڙا صاحب تمام سٺي سمجهاڻي آهي۔ پر هتي اسان وٽ رڍن اڳيان رباب وڄائيندي ورهه ٿيا۔
جواب: پنهنجن رشتن ۾ سچائي پئدا ڪريو ادا نثار آبڙو صاحب۔نصحيت ۽ سبق آموز پيغام ڏنو اٿئو۔ريسپڪٽ ۽ سينسيرٽي ريسوپروڪل آهي۔جيڪڏنهن توهان کي ڪنهن شخص کان ڪو ذاتي عناد آهي ته توهان ڏسندا ته هُن ماڻهون کي توهانجي لاء ساڳئي فيلنگ پنهنجي دل ۾ هوندي۔دل جنهن ۾ آلله پاڪ رهندو آهي انکي ڪوڙ ،دوکي،فريب۽ به وجه ڪاوڙ يا غصي سان زنگ نه لڳائي جي۔جنهن جي دل جو آئينو صاف هوندو آهي۔هو پنهنجي منزل کي رسندو آهي۔باظاهر ڪجه مصبيتون کي منهن ڏيندو آهي پر منزل هن جو انتظار ڪندي۔تمام زبردست توهان جا ويچار آهن انهن کي جاري رکو۽ اسان کي پنهنجي دعائون ۾ شامل رکو
جواب: پنهنجن رشتن ۾ سچائي پئدا ڪريو سبحان الله ادا نثار ابڙا صاحب اوهان جي ليک ۾ حقيقت سمايل آهي ، واقعي انسان جئين پاڻ هوندو آهي ته وري ٻين کي به ائين ئي سمجنهدو آهي ، الله تعالا اسان کي مثبت سوچ ۽ فڪر ڏي ۽ سهڻو اخلاق پڻ ۔ مهرباني اهڙي سهڻي ونڊ لا
