ڏاهو مفڪر ۽ جاهل شخص؛ هڪ دفعي هڪ ڏاهو شخص هڪ ڳوٺ کان گذري رهيو هو ته، هڪ مغرور ۽ ڪاوڙيل نوجوان شخص اچي کيس ٽڪرايو، جنهن اچڻ سان سندس بيعزتي ڪرڻ شروع ڪئي، ۽ زور سان چوڻ لڳو ته؛ ” توکي ڪو حق ناهي ته تون ٻين کي وتين سبق پڙهائيندو“ ”تون پڻ ٻين جهڙو هڪ جاهل آهين“ ”تون ڪجهه به ناهين پر هڪ نقلي استاد آهين“ ”صرف ڏاهي هجڻ جو ڍونگ ٿو ڪرين“ وغيره وغيره ڏاهي شخص، اهو سڀ صبر سان بڌندي سهندي، جڏهن نوجوان ڪجهه ٿڌو ٿيو ته چيائين؛ ” نوجوان، ٻڌاءِ ڀلا جيڪڏهن تون ڪنهن لاءِ ڪو تحفو خريد ڪرين، ۽ اهو ماڻهون ان تحفي کي قبول نه ڪري ته پوءِ اهو تحفو ڪنهنجو ٿيو؟“ نوجوان وائڙو ٿي ويو ته هي ڪهڙو سوال ڪيو اٿس، نوجوان ورندي ڏني ته، ” اهو تحفو منهنجو ٿيندو، ڇاڪاڻ مون خريد ڪيو آهي“ ڏاهي جي منهن تي مرڪ آئي، ۽ چيائين؛ ” بلڪل سهي، ۽ ساڳيءَ طرح سان تنهنجو معاملو ٿيو تنهنجي ڪاوڙ سان، جيڪڏهن تون مونسان ڪاوڙ ڪرين ۽ آءُ انجو پاڻ تي اثر نه وٺان ته پوءِ اها ڪاوڙ توتي ئي اثر ڪندي، مون تي نه، ان ڪاوڙ سان تون ئي ناخوش ٿيندي آءُ نه، تو هن وقت صرف پاڻکي ئي زخم رسايو آهي“. جيڪڏهن تون پاڻکي زخمي ۽ ڏکيارو ڪرڻ نٿو چاهين ته توکي پنهنجي ڪاوڙ کان نڪرڻو پوندو، ۽ بجاءِ ڪاوڙ جي ٻين سان پيار ڀريو رويو اختيار ڪرڻو آهي، جڏهن اوهين ٻين سان نفرت ڪريو ٿا ته اوهين پاڻ کي گهاٽي ۾ وجهو ٿا. پر جڏهن اوهان ٻين سان پيار ڪريو ٿا ته سڀني کي فائدو ٿئي ٿو.“ نوجوان ڏاهي جون ڳالهيون غور سان ٻڌي رهيو هو، کيس ڳالهه سمجه ۾ آئي ته چيائين، ” بلڪل اوهين سچا آهيو، اوهان حق تي آهيو،“ ” ڇا اوهين مونکي پيار ڪرڻ جو طريقو سيکاريندا“ آءُ اوهانجي شآگرديءِ ۾ اچڻ گهرانٿو“ ڏاهي شفقت سان وراڻيو، ڇو نه! آءُ هر ان شخص کي سڌي راهه ڏيکارڻ لاءِ تيار آهيان، جنهن جي من ۾ سکڻ جي آشا آهي“
جواب: ڏاهو مفڪر ۽ جاهل شخص؛ سائين نثار سلام تمام سهڻي ۽ نصيحت آموز ڪهاڻي ونڊ ڪئي وئي آهي اوهان طرفان پيار ورهايو ۽ نفرتون ختم ڪيو ۔۔۔۔۔۔۔ ڪاش ان سلوگن تي ڪم ڪيو وڃي ته امن ئي امن هوندو
جواب: ڏاهو مفڪر ۽ جاهل شخص؛ جي سائين بلڪل توهان جو ليک لائقِ ستائش آهي بس لطيف سرڪار جو هڪڙو شعر پيش ڪندس هو چونئي تون ۾َ چؤ واتان ورائي اڳ اڳرائي جو ڪري خطا سو کائي پاند ۾ ويو پائي ڪيني وارو ڪينڪي وسلام
جواب: ڏاهو مفڪر ۽ جاهل شخص؛ انتهائي سبق آموز ڪهاڻي آهي سائين اهڙي بهترين ڪهاڻي ونڊ ڪرڻ تي توهان کي جس هجي مطلب ته ڪاوڙ مان ڪجهه به نه ورندو آهي اسان کي پيار ۽ محبت مان ڪم وٺڻ گهرجي بهترين ونڊ آهي سائين جاري رکجو سدائين گڏ
جواب: ڏاهو مفڪر ۽ جاهل شخص؛ تمام بهترين لاجواب ڪهاڻي نا سمجهه لا قصو سمجهه واري لا سمجهاڻي بهترين سائين نثار صاحب
جواب: ڏاهو مفڪر ۽ جاهل شخص؛ نثار ابڙو صاحب۔اسلام عليڪم۔توهان هڪ دفعو واري هڪ بهترين ۽ بامعني ڪهاڻي هن محبت ڀريئي آڳڻ جي ڪينوس تي آجاگر ڪري ،اسان سڀني ميمبرن جي رهنمائي ڪئي آهي۔ان ڳاله ۾ ڪو به شڪ نه اهي ته پيار ۽ محبت واري ڳاله جو اثر دلين تي گهڻي دير رهندو آهي جڏهن ته غصي ۽ ڪاوڙ ۾ چيل ڳاله جو اثر ابتڙ ٿيندو آهي۔ڏاهن جو فرمان آهي ته:سٺي ۽ پيار واري انداز ۾ خراب ۽ غلط ڳاله به خراب نه لڳندي آهي،جڏهن ته ڪاوڙيل ۽ تلخ لهجي ۾ چيل سٺي ڳاله خراب اثر ڪندي آهي۔انسان جيڪڏهن محبت ۽ صحيحي انداز ۾ ڳاله ڪرڻ لڳن ته يقينن هئي دنيا جنت جو مثل ٿي ويندي۔
