ڪڙمي ۽ سندس گڏهه هڪ ڏينهن هڪ هاريءَ جو گڏهه کوهه ۾ ڪري پيو، گڏهه ويچاري جون رڙيون ٿي پيون، گڏهه جو مالڪ به ڪيترائي ڪلاڪ کيس ڪڍڻ جي ڪوشش ڪندو رهيو پر گڏهه کي ڪڍي نه سگهيو، آخر کيس خيال آيو ته يار گڏهه به ڪراڙو آهي، هاڻ ڪم جو به نه رهيو آهي، ڇڏيس ته پيو هجي بلڪ آءُ کيس مٿان مٽي وجهي لٽي ٿو ڇڏيان ... پاڙي وارن کي سڏ ڪري چيائين ته مونکي مٽي هن کوهه ۾ اڇلرايو، ته گڏهه به پورجي وڃي ۽ کوهه به هاڻ پورڻون آهي ... سو اچو مدد ڪريو ... سندس پاڙي وارا ڳوٺاڻا ۽ مائٽ ڪوڏرون کڻي اچي مدد لاءِ پهتا ۽ پاسي واري مٽي هيٺ کوهه ۾ اڇلائڻ شروع ڪيائيون ... گڏهه به ڳالهه سمجهي ويو ته هاڻ خئير ناهي ... رڙيون ته گهڻي ئي ڪندو رهيو پر گڏو گڏ پٺاڙن واري مٽي هيٺ ڇنڊڪو ڏئي اڇلائيندو وڃي ۽ ان جي مٿان بيهي وري رڙيون ڪرڻ لڳي ... ڳوٺاڻا به نه مڙيا مٽي اڇلائيندا رهيا ۽ گڏهه به مٽي ڇڍيندو مٿي ٿيندو رهيو ... خبر تڏهن پئي جو گڏهه کوهه جي ڪناري تان ٽپو ڏئي اچي ٻاهر نڪري بيٺو ... `````````````````````````` حاصل مطلب ؛ زندگي به انسان جي مٿان مٽي اڇلائيندي رهندي آهي، ان مٽيءَ جي کوهه مان نڪرڻ جي هڪ ٽل آهي ته مٽي ڇنڊيو ۽ هڪ قدم مٿي ٿي بيهو ... اسانجي هر مشڪل وڌڻ لاءِ ڏاڪو هوندي آهي، اسين اونهي کان اونهي کوهه مان به نڪري اچي سگهونٿا ... همٿ نه هارڻ سان ۽ گوڏن جي نه جهڪائڻ سان اسين هر مشڪل کي آسان ڪري سگهونٿا ....
جواب: ڪڙمي ۽ سندس گڏهه ادا نثار تمام سهڻي صلاح آهي۔۔۔۔۔۔۔۔۔۔۔۔۔۔۔۔۔۔۔۔ واقعي اسان کي ڪڏهن مشڪل کي ڏسي ڀڄڻ نه گهرجي۔۔۔۔۔۔۔ بلڪه سامهون ٿي منهن ڏي۔۔۔ اگر جي ڪري پوي ته وري اٿي ۽ جيستائين ڪاميابي نه ماڻي ته هر نه مڃي۔۔۔۔۔۔ مهرباني۔۔۔۔۔۔۔۔۔۔ادا نثار تمام سهڻي ونڊ ڪئي اٿو!
جواب: ڪڙمي ۽ سندس گڏهه بلڪل سائين انسان کي ڪڏهن به همت نه هارڻ گهرجي همت مردان ته مدد خدا لاجوان ونڊ آهي سائين جاري رکجو سدائين گڏ
جواب: ڪڙمي ۽ سندس گڏهه سائين اسان جي مٿان وڃن ٿا مٽي جا تهه لڳندا اسان ته گڏه جيان رڙيون به نه ٿا ڪيون اهو گڏه به اسان کان ڀلو جنهن پنهنجي جان ڇڏائڻ لاءِ پان تان مٽي کي ڇنڊيو دعا ڪيو هن قوم ۾ گڏه واري سمجه ئي اچي وڃيته به چڱي ڳاله آهي ۔ ماشاءِ الله سُٺي سمجهاڻي اوهان ڏني ۽ اسان کي پنهنجي ضمير ملامت ڪئي ته اسان گڏه کان به ويل آيهونئ اسان مان مراد ٻيو ڪير به نه پنهنجي لاءِ جمع جو صيغو استعمال ڪيو آهي ڪو دوست ڪاوڙجي نه پئي سائين نثار اسان جا ته ڏوه ٿا ڏڪن ڪو ساٿي ڏمرجي نه پوي ۔ جاڏي پير تاڏي خير وسلام
جواب: ڪڙمي ۽ سندس گڏهه انتهائي بهترين ۽ سبق آموز ليک آهي۔۔۔ پنهنجي حساس طبيعت ڪري اڪثر مون تي ننڍيون وڏيون ڳالهيون ڪافي اثر ڪن ۔۔۔ هڪ ڏينهن انڊيا جي هڪ فلم ڏٺم ته 4 ڏينهن ان جو اثر ذهن ته ذائل نه پيو ٿئي ۔۔۔ بس ان کان پوءِ يا ته ڪا مذاحيه يا وري فلم ڏسڻ کان ئي بس ڪئي ۔۔۔۔۔ ڪرڪيٽ جو شوق رکڻ باوجود ڪڏهن ميچ ويهي نه ڏٺي۔۔۔ گهريلو مسئلن کي سامهون ڏسي اڪثر پاڻ کي مصروف رکي ڇڏيندو آهيان ۔۔ پر توهان جي هن ليک پنهنجي طبيعت کي به ادا طاهر جي طبيعت وانگر بنائڻ تي خيال ٿيو ۔۔۔ شايد پهريون ڳوٺ سندن جو ئي هو جتان ٻوڏ جي شروعات ٿي۔۔۔ مال متاع کان علاوه قيمتي فصلن واريون زمينون به ضايع ٿي ويون ۔۔۔ وڏي مشڪل سان پنهنجي ۽ گهروارن جي جان بچي سگهي۔۔۔ پر جڏهن به ساڻن ملاقات ٿي هميشه کلندي ۽ کلائيندي ڏٺو۔۔۔ اهو ئي سبب آهي جو سندن صحت به انتهائي شاندار (شايد ڪجهه وڌيڪ شاندار) آهي۔۔۔
جواب: ڪڙمي ۽ سندس گڏهه سائين نثار قرب ادا سائين اوهان جي هنن سبق آميز ۽ نصيحت آموز ڪهانين جي ڪهڙي ڳالهه ڪجي۔ اوهان جي مٿين سبق ڪيل لفظن تي عمل پيرا آهيون۔ دعا ڪجو ته ڪاميابي نصيب ٿي ۽ جي ڪٿي همت هاري ويهون يا لڙکڙائجي وڃون ته حوصلا افزائي ڪجو۔
