ڪنهن ڳوٺ ۾ هڪ هاري هوندو هو۔۔۔ جيڪو پنهنجي مَيهُن جي کير مان تيار ڪيل هڪ ڪلو مکڻ جو پيڙو شهر ۾ کپائي گذر سفر ڪندو هو۔۔۔ هڪ ڏينهن پنهنجي معمول مطابق هُو شهر ويو ۽ دڪاندار کي مکڻ جو پيڙو کپايو ۽ ساڳئي دڪاندار کان کنڊ، چانهن جي پتي، گهه ۽ صابڻ وغيره خريد ڪري واپس پنهنجي ڳوٺ روانو ٿيو۔۔۔ هن دفعي دڪاندار مکڻ جو پيڙو فريزر ۾ رکڻ کان اڳ ان جو وزن ڪيو ته اهو 900 گرام نڪتو۔۔۔ دڪاندار کي حيرت ۽ صدمو پهتو۔۔۔ هن فريزر ۾ رکيل هاري کان ورتل سمورا پيڙا ڪڍي توريا ته سمورا پيڙا 900 ۽ 900 گرام جا ٿيا۔۔۔ ٻئي هفتي هر واري وانگر جيئن ئي هاري دڪان تي آيو ۔۔۔ ته دڪاندار کيس ڪاوڙ مان چيو۔۔ ”نڪري وڃ منهنجي دڪان تان۔۔۔ مان ڪنهن بي ايمان ۽ ڌوڪيباز سان ڪاروبار ناهيان ڪندو۔۔ تون 900 گرام جو مکڻ پورو هڪ ڪلو ڪري مون کي کپائي ٿو ڏين۔۔ مان تنهنجي شڪل به نه ٿو ڏسڻ گهران۔۔۔“ هاري حيرانگي سان دڪاندار کي ڏٺو ۽ چيائين۔۔۔ ”منهنجا ڀاء۔۔! ڪاوڙ نه ڪر۔۔ مان غريب ماڻهون آهيان مون ۾ تارازي جا وٽ خريد ڪرڻ جي سگهه ناهي۔۔۔ مان ته توهان کان خريد ڪيل هڪ ڪلو کنڊ تارازي جي هڪ پاسي ۽ ٻئي پاسي ايتري ئي وزن جو مکڻ توري کڻي ايندو آهيان۔۔۔“ سبق: ڪنهن تي آڱر کڻڻ کان اڳ۔۔ پنهنجو پاڻ کي ڏسڻ گهرجي ۔۔ ڪاٿي اها خرابي پاڻ ۾ ته ناهي۔۔۔!
جواب: انصاف جي تارازي۔۔ ههههههههههههههههههههههههههههه واه ادا واه تمام بهترين ادا مهنجي خيال ۾ اڪثر جهيڙن ۽ براين جو سبب پهنجو احتساب نه ڪرڻ ۽ ٻين تي آڱر کڻڻ کان پهريان پهنجي گريبان ۾ نه ڏسڻ آهي خدا تعالي اسان سبني کي هدايت ءٌ رهنمائي عطا فرمائي آمين
جواب: انصاف جي تارازي۔۔ ادا رشيد سمون صاحٻ اسلام عليڪم،توهان جي ليک جيڪو مختصر ڪهاڻي تي مشتمل هو پنهنجي اندر ڏيڻ ۽ وٺڻ (لين ۽ دئين ) جي باري ۾ هڪ تمام وڏو پيغام/سمجهڻي / نصحيت ٿو رکي۔ڪنهن ٻئي تي الزام لڳائڻ کان پهريائين جيڪڏهن هر ڪو ماڻهون پنهنجي گريبان ۾ جهانڪي ڏسي ته شايد هو ڪنهن تي به ڪنهن قسم جو الزام نه لڳئيندو۔اڄڪله گهڻي ڀاڳي ماڻهون پنهنجو احتساب ڪرڻ جي بدران ٻين جي غلطين تي شڪاري ڪتي واري نظر ويجهو ويٺا هوندا آهن ته ڪڏهن ٿو اڳيون ماڻهون ڪا غلطي ڪري ته هو ان تي وٺ ڪن۔الله پاڪ شل اسان کي ان قسم جي ماڻهن کان پنهنجي پناه ۾ رکي۔
جواب: انصاف جي تارازي۔۔ ادا رشيد صاحٻ اسلام عليڪم۔توهانجو ليک تحريري لحاظ کان ته ننڍڙو آهي پر پهنجي اندر هڪ تمام وڏو پيغام ۽ نصحيت ٿو رکي۔اسان سڀني کي پهريائين پنهنجي گريبان ۾ ڏسڻ گهرجي ڪنهن ٻئي تي الزام لڳائڻ وقت ۔هر ڪو ماڻهو اڄڪله پنهنجي غلطين کي پروڙڻ جي بجاء ٻين جي غلطين کي منظر عام تي آڻڻ جي جستجو ۾ لڳو پيو هوندو آهي۔هو هڪ منٽ لاء به اهو نه سوچيندو آهي ته شايد ان قسم جون غلطيون ۽ ڪميون هن جي اندر ۾ به موجود آهن۔
جواب: انصاف جي تارازي۔۔ بيشڪ ! ائين ئي آهي هر انسان پاڻکي صاف ۽ ٻين کي کوٽو سمجهندو آهي، هو چاهيندو آهي ته کيس ته هر شئي پوري پني ملي پر هو پاڻ ٻين کي اها ئي شئي کوٽي ڪري ڏيندو آهي، هر انسان چاهيندو آهي ته پاڙي وارو، مائٽ، رشتيدار يا دوست سندس عزت ڏي پر هو ٻين کي اها عزت ڏئي نه سگهندو آهي ۔۔۔ چوندا آهن ته ”جهڙي ڪرڻي تهڙي ڀرڻي“ يا وري هيءَ به چوڻي آهي ته ”جيڪو پوکبو اهو ئي لڻبو“ سو انڪري اسان سڀئي جي چاهيون ٿا ته اسان سان به انصاف ٿئي ته اسانکي به ٻين سان انصاف ڪرڻو پوندو ۔۔۔۔ نه ته اها چوڻي سچ ٿيندي ته ” ٿئين مال مئين ئي، مئين مال ههههههه“ ادا رشيد تمام سٺو سبق آموز ليک ونڊ ڪيو اٿوَ ۔۔۔ سمجهو ڪي سمجهن ، ”ٽٽونءَ کي ٽارو، تازيءَ کي اشارو“ جڙيا هجو شال سنڌ سلامت ساٿ سلامت
جواب: انصاف جي تارازي۔۔ واهه ادا رشيد واهه توهان جي شئيرنگ جي باري ۾ ڪهڙي ڳالهه ڪجي توهان ته سنڌ سلامت فورم تي مضمون ونڊ ڪرڻ جا ته بادشاهه آهيو۔
جواب: انصاف جي تارازي۔۔ ڪنهن کي ڪجهه چوڻ کان اڳ سوچ ۽ سمجهه ضروري آهي ۔۔۔۔۔۔۔۔ چوندا آهن ته عقلمند سوچي پوء ڳالهائيندو آهي جڏهن ته بيوقوف ڳالهائڻ کانپوء سوچيندو آهي۔ ڪنهن تي آڱر کڻڻ يا ڀرو ڀلو چوڻ کان اڳ پنهنجي گريبان ۾ ڏسو ۽ سوچيو ته اوهان ڪٿي بيٺا آهيو۔ لاجواب شيئرنگ
