[JUSTIFY]مولانا روم کان هڪ دفعي ڪنهن دنيا جي حقيقت پڇي۔ مولانا روم ٻڌايو ته دنيا جي حقيقت بلڪل ايئن آهي جيئن ڪو ماڻهو جهنگ مان گذرندو هجي ۽ سندس پويان هڪ خونخوار شينهن پئجي وڃي۔ اهو ماڻهو شينهن جي خوف کان ڀڄڻ شروع ڪري ٿو ۽ ڀڄندي هڪ اهڙي هنڌ پهچي ٿو جو اڳيان هڪ غار آهي۔ هو چاهي ٿو ته ان غار ۾ ٽپ ڏئي پاڻ بچايان پر غور ڪرڻ تي کيس معلوم ٿئي ٿو ته غار جي منهن تي هڪ وڏي بلا وات ڦاڙيو ويٺي آهي۔ هاڻي اڳتي بلا جو ڊڄ ۽ پويان شينهن جو خوف اهڙي صورتحال ۾ هن کي غار جي مٿان هڪ وڻ نظر اچي ٿو، هو ڊڪي ان جي ٽارين تي چڙهي وڃي ٿو۔ پر سندس خوف ان وقت اڃان به وڌي وڃي ٿو جڏهن هو ڏسي ٿو ته ٻه ڪوئا هڪ اڇي ۽ ٻيو ڪاري رنگ جو ان وڻ جي پاڙن کي ڪترڻ شروع ڪن ٿا۔ هاڻي هو سوچي ٿو ته ڄاڻ وڻ جون پاڙون ويون ۽ هيٺ ڪرندو ته شينهن يا بلا جو شڪار ٿي ويندو۔ اهو سوچيندي هن جي نظر وڻ جي مٿين ٽاري تي پوي ٿي جتي ماکيء جو مانارو آهي ۽ ان مان ماکيء جي مٺي لار هيٺ وهي رهي آهي۔ هو سڀ ڪجهه وساري ان ماکي کي پيئڻ ۾ لڳي وڃي ٿو۔ هو ماکي جي مٺاس ۽ چس ۾ اهڙو ته محو ٿي وڃي ٿو جو هن کان شينهن، بلا ۽ ڪوئا سڀ وسري وڃن ٿا۔ ايتري ۾ ڪوئا وڻ جي پاڙ کائي وڃن ٿا ۽ هو هيٺ ڪري شينهن جي وات ۾ هليو وڃي ٿو۔ شينهن کيس پنهنجو شڪار ڪري هيٺ غار ۾ اڇلائي ٿو جتي بلا کيس پنهنجي وات ۾ وجهي ٿي۔ مولانا روم چوي ٿو ته هتي جهنگ مان مراد هي دنيا آهي ۽ شينهن مان مراد موت آهي۔ جيڪو هر وقت انسان جي تاڪ ۾ رهي ٿو۔ غار مان مراد قبر آهي ۽ بلا انسان جا بدڪار اعمال آهن جيڪي قبر ۾ وڌا ويندا۔ هتي وڻ مان مراد عمر آهي ۽ اچي ۽ ڪاري ڪوئن مان مراد رات ڏينهن آهن جيڪي اسان جي عمر گهٽائي رهيا آهن۔ هتي ماکي مان مراد دنيا جون خواهشون ۽ لذتون آهن جنهن ڪري انسان موت ۽ قبر کان به غافل ٿي وڃي ٿو ۽ هڪ ڏينهن موت جي منهن ۾ هليو وڃي ٿو۔ [/JUSTIFY]
جواب: دنيا، زندگي، موت ۽ نفساني خواهشون موٽ اٽل آهي ، زندگي فاني پر پوء به اسان دنيا جي رونقن ۾ موت کي وساري ويهون ٿا ۔۔۔۔۔۔۔۔۔۔۔۔۔موت کي هر وقت ياد ڪرڻ گهرجي
جواب: دنيا، زندگي، موت ۽ نفساني خواهشون مولانا روم جي سمجهاني به ڪمال جي درجي جي آهي۔ ڀلو ڀلو ۔۔۔۔ هي مضمون وڻيو
جواب: دنيا، زندگي، موت ۽ نفساني خواهشون بلڪل سچ ۔۔۔۔۔۔۔۔ موت اٽل آهي پر نفساني خواهشن ۾ انسان سڀ وساري ٿو ويهي۔
جواب: دنيا، زندگي، موت ۽ نفساني خواهشون بيشڪ سائين حضرت علي ڪرم الله وجه جو هڪ فرمان آهي جنهن ۾ پاڻ فرمائين ٿا ته انسان جو هر ساه موت جي طرف هڪ قدم آهي ۔ وري پاڻ فرمائين ٿا اي غافل انسان تو کي خبر آهي ته تنهنجي ڪفن جو ڪپڙو بازار ۾ اڇي ڇڪو آهي ۔ پر اسان جي حالت ته هي ئي آهي هي جهان مٺو ته اڳيون جهان ڪنهن ڏٺو۔ ٻئي هنڌ پاڻ فرمائين ٿا جيترو علم موت جو انسان کي آهي جي ايترو علم جانورن کي هجي ها ته توهان کي کائڻ جي لاءِ گوشت نه ملي ها چو جو جانور موت جي خوف کان ايترا ته لاغر ۽ ڪمزور ٿي وٺن ها پر اسان جي حالت ته هي آهي نه گهر ڪي ياد آتي هي نه لگتا هي دل نماز ۾ اي دنيا تيري محبت ني مجهي ڪافر بنا ديا سائين وساڻ صاحب اوهانجي طرفان مولانا رومي جو ونڊ ماشاءِ الله الله اسان سڀني کي موت جي تياري ڪرڻ جي توفيق عطا ڪري وسلام
جواب: دنيا، زندگي، موت ۽ نفساني خواهشون ڇا ته موازنو ڪيو ويو آهي۔۔ زبردست ۔۔۔ سمجهڻ واري لاءِ عبرت جو مقام آهي۔۔
جواب: دنيا، زندگي، موت ۽ نفساني خواهشون رومي جي رهاڻ ڪيترن کي سڌي راه ڏيکاري آهي، بزرگن جي رهنمائي مان ڪيترا ئي تري تار ٿيا ۔۔۔ تمام سهڻو ونڊ ۔۔۔ هن ونڊ کي اسان جهڙو گنهگار ته ڪا ڀيٽا ڏئي نٿو سگهي، ها رومي جي ان نصيحت کي لطيف سرڪار جي هنن لفظن ۾ ڀيٽا ڏئي سگهجي ٿي ۔۔۔ ٻارنهن ڪُنَ، ٻٽيهه تَڙَ، تَڙَ تَڙَ، مَٿي نانگُ، عشق جي اتانگ، ٻجهان سي نه ٻُڏنديُون۔ سهڻي ۔۔۔ ٿورا ناهن ٿورا
جواب: دنيا، زندگي، موت ۽ نفساني خواهشون واقعي مولانا روم جي رهاڻ مان گهڻن پرايو آهي۔ هي مضمون مان هڪ اردو ليک تان ترجمو ڪري پيش ڪيو آهي۔
جواب: دنيا، زندگي، موت ۽ نفساني خواهشون مهرباني ڏاڏل سائين اوهان خوبصورت قول شامل ڪري هن ٿريڊ کي چار چنڊ لڳائي ڇڏيا آهن۔ چئن ڏينهن جي زندگي آهي، انهن چئن ڏينهن ۾ ته اسان کي آخرت لاء ثمر تيار ڪرڻ گهرجي ۽ موت کي هر پل ياد ڪري رب جي بندگي ڪيون۔
جواب: دنيا، زندگي، موت ۽ نفساني خواهشون بلڪل سمجهڻ وارن لاء هن ليک ۾ سڀ ڪجهه آهي ۔۔۔۔۔۔۔۔۔۔ جيڪڏهن ٿورو وقت ڪڍي ماڻهو سوچي، سمجهي ۽ عمل ڪري ته جيڪر آخرت بهتر بڻائي سگهجي۔
جواب: دنيا، زندگي، موت ۽ نفساني خواهشون سائين مولانا رومي رحمه الله جي بهترين نصيحت جي انتخاب تي اوهان کي جس هجي اهڙيون ڪوششون جاري رکندا
جواب: دنيا، زندگي، موت ۽ نفساني خواهشون مهربانيون سائين نثار واقعي مولانا روم ڇا ته سهڻي نموني سمجهايو آهي۔ مولانا رومي جو رهاڻيون گهڻو مشهور ۽ نصيحت واريون آهن۔ شاهه لطيف پڻ مثنوي مولانا روم پاڻ سان گڏ رکندو هو۔
جواب: دنيا، زندگي، موت ۽ نفساني خواهشون ۔۔ سمجهڻ واري لاءِ عبرت جو مقام آهي۔۔ بيشڪ ادا لاجواب ونڊ ۽ نصيحت ڀري ڪهاڻي آهي سدائين گڏ
جواب: دنيا، زندگي، موت ۽ نفساني خواهشون مهرباني سائين ڪوشش رهندي ته سنڌ سلامت اهڙي قسم جي نصيحت آميز لکڻين کي پيش ڪندي رهي۔
جواب: دنيا، زندگي، موت ۽ نفساني خواهشون مهربانيون فقير سائين اوهان سنڌ سلامت تي ڀيرو ڀڃو ٿا اهو به ڀلو۔
