سنڌ جي هڪ نوجوان پاران پاڻيء تي گاڏيون ۽ مشينون هلائڻ واري ڪٽ تيار

​

[JUSTIFY]سنڌ ڌرتي هونهار ۽ ذهين نوجوانن سان ڀري پئي آهي پر اسان وٽ نوجوانن کي ڳولي انهن جي ذهانت کي دنيا اڳيان پيش ڪرڻ جو رجحان ئي نه رهيو آهي۔ پيٽرول ۽ ٻارڻ وارين گئسن جا اگهه جڏهن آسمان سان ڳالهيون ڪرڻ لڳا آهن ته اهڙي وقت ۾ خيرپور ميرس جي پنجهٽي پاڙي ۾ رهندڙ نوجوان آغا وقار پنهنجي ذهني صلاحيتن ذريعي هڪ اهڙي نرالي ڪٽ تيار ڪئي آهي جنهن جي مدد سان پاڻيء ذريعي نه رُڳو موٽر سائيڪل ، ڪار ۽ واشنگ مشين پر جنريٽر ۽ جهاز به پاڻي تي هلائي سگهجي ٿو.

نوجوان جو چوڻ آهي ته پاڻيءَ تي گاڏيون هلائڻ وارن سائنسي تجربن جي شروعات 1930 کان آمريڪا ۽ يورپ ۾ ڪئي وئي هئي ۽ هن وقت به دنيا جي ڪيترن ئي ملڪن ۾ پاڻيءَ جي مدد سان گاڏيون هلايون پيون وڃن پر انهن گاڏين ۾ پاڻيءَ سان گڏ پيٽرول، ڊيزل، گئس يا ٻيو ٻارڻ به استعمال ڪيو وڃي ٿو پر نوجوان جي دعويٰ آهي ته هن جيڪا ڪٽ تيار ڪئي آهي، ان جي مدد سان رڳو پاڻيءَ تي به گاڏيون ۽ جهاز هلائي سگهجن ٿا. نوجوان جو چوڻ آهي ته سندس تيار ڪيل ڪِٽ ۾ ڪا به گئس يا ٻيو مواد نه پر سئو سيڪڙو پاڻي استعمال ٿئي ٿو. صحافين جي هڪ ٽيم سندس دعويٰ جي جاچ لاءِ جڏهن نوجوان وٽ پهتي ته هن پنهنجي ڪٽ جي مدد سان پيٽرول ۽ ڊيزل جي سپلاءِ ڪاٽا ڪيل هڪ ڪار کي پاڻيءَ تي هلائڻ جو ڪامياب تجربو ڪري ڏيکاريو ۽ صحافين جي ٽيم کي پاڻيءَ تي هلندڙ ڪار تي ويهاري سير به ڪرايو.

نوجوان طرفان دعويٰ ڪئي وئي آهي ته هن جيڪو ڊوائيس ٺاهيو آهي ان ذريعي هر قسم جي گاڏي، جنريٽر، موٽرسائيڪل ۽ ٻرندڙ چلهه لاءِ انهي ڪٽ کي استعمال ڪري سگهجي ٿو، نوجوان دعويٰ ڪئي آهي ته ان واٽر ڪٽ ۾ پاڻي کانسواءِ ٻي ڪا شيءِ يا گئس شامل نه ڪئي وئي آهي، سندس اهو به چوڻ آهي ته ان سان گاڏي ۾ الٽريشن جي به ضرورت نه پوندي، فقط واٽر ڪٽ تي ئي گاڏي فنڪشن ڪندي. نوجوان وڌيڪ ڄاڻ ڏيندي ٻڌايو آهي ته ان سان نه گاڏي جي انجڻ تي فرق پوندو نه ئي گاڏي جي رفتار متاثر ٿيندي، صرف هڪ لٽر پاڻي جي مدد سان گاڏي 40 ڪلوميٽر آساني سان هلي سگهي ٿي، ان کانسواءِ گاڏي مان دونهون به ڪو نه نڪرندو، جنهن سبب ماحوليات جي حوالي سان اها ايجاد انتهائي اهميت واري آهي، سندس مطابق گاڏي ۾ پيٽرول واري ساڳي ٽانڪي استعمال ٿيندي ۽ ان ۾ پاڻي وجهڻو پوندو۔

باصلاحيت نوجوان جو چوڻ آهي ته حڪومت کيس سڪيورٽي ۽ گهربل سهولتون فراهم ڪري ته هو 90 ڏينهن اندر واٽر ڪِٽ تيار ڪري مهانگي تيل ۽ گئس جي خرچن کان ملڪ جي هميشه لاءِ جان آجي ڪرائي سگهي ٿو. نوجوان مطابق دنيا جي ٻن ملڪن جي ماڻهن اهڙا تجربا ڪيا پر کين پراسرار نموني سان ماريو ويو، ڇاڪاڻ ته ان سان تيل مافيا کي نقصان جو خطرو هو، نوجوان چيو آهي ته هن ايجاد جو مقصد ملڪ مان غربت ختم ڪرڻ آهي ته جيئن تيل تي خرچ ٿيندڙ رقم مفت تعليم ۽ علاج تي خرچ ڪري سگهجي، نوجوان چيو ته جيڪڏهن حڪومت اجازت ڏئي ته 90 ڏينهن اندر پوري ملڪ اندر اهو سسٽم شروع ڪري ڇڏيندس.
[/JUSTIFY]

ان ئي سلسلي ۾ محترم سجاد مهر جو روزانه ڪوشش ۾ ڇپيل ڪالم ّخاڪ کي سون بنائڻ وارا سنڌي هيٺ ڏجي ٿو۔


​

 

جواب: سنڌ جي هڪ نوجوان پاران پاڻيء تي گاڏيون ۽ مشينون هلائڻ واري ڪٽ تيار

مهراڻ يونيورسٽي پاران نوجوان کي مدد ڪرڻ جي آفر ڪئي وئي آهي۔

​

 

جواب: سنڌ جي هڪ نوجوان پاران پاڻيء تي گاڏيون ۽ مشينون هلائڻ واري ڪٽ تيار

دوستو مهربانيون

اسان جون دعائون سنڌ جي هن نوجوان لاء ۔۔۔۔۔۔۔۔۔ شال سندس خواب ساڀيان ٿي پوي ۽ ٻارڻ تي لڳندڙ پئسو تعليم ۽ امن امان سان گڏ تحقيقي ڪم تي خرچ ٿئي۔

 

جواب: سنڌ جي هڪ نوجوان پاران پاڻيء تي گاڏيون ۽ مشينون هلائڻ واري ڪٽ تيار

اسان سڀ ان اوسيئڙي ۾ آهيون ته هي خواب عملي جامو پائي۔ پر ان نوجوان جو چوڻ آهي ته ٻاهرين ملڪن ۾ جڏهن ان پراجيڪٽ تي ڪم ڪندڙن جڏهن ڪو عملي ڪم ڪيو ته انهن کي ختم ڪيو ويو يا مارايو ويو آهي۔ هڪ مضبوط مافيا جيڪا تيل تي قابض آهي اها هن ايجاد جي سخت مخالف آهي۔

تنهنڪري اسان به هن نوجوان لاء دعاگو آهيون ته رب کيس پنهنجي امان ۾ رکي ۽ عوامي ماڻهن جون دعائون ساڻس گڏ آهن۔

 

دير سان ئي سهي پر اڄ سنڌ حڪومت هڪ بهتر قدم کڻندي ٽن وزيرن تي مشتمل هڪ ڪميٽي ٺاهي آهي ۽ آغا وقار کي اڱاري ڏينهن بريفنگ لاء گهرايو آهي ته هو پنهنجو ڪيس پيش ڪري ، جيئن سندس ڪم تي عمل ڪري سگهجي۔

ڏسون ته اڳتي ڇا ٿو ٿئي۔

 

ها بلڪل ادا

ان سلسلي ۾ وزير اعظم ٽن وفاقي وزيرن سيد خورشيد شاهه، ڊاڪٽر عاصم ۽ چنگيز جمالي تي مشتمل ٽيم جوڙي َآهي۔

 

بلڪل فاروق سومرو صحيح چيو۔ هي خبر هن ريت هئي 14 جولاءِ جي ڪاوش ۾۔

282 اٽيچمينٽ ڏسو ​