Sindhi Media
سينيئر رڪن
نبي سائين جن کي وڻندڙ اڻ وڻندڙ نالا. خراب تبديل ڪرائي ڇڏيندا هُئا
حضرت عائشه رضي الله عنها فرمائين ٿيون ته ” نبي سائين ص جن خراب نالا بدلائي ڇڏيندا هُئا“( جامع ترمذي 2839، صحيح انظر الصحيحه 207)۔
حضرت عبدالله بن عمر رضيه بيان ڪن ٿا ته ” حضرت عمر رضي الله عنه جي هڪ لخت جگر جو نالو ”عاصيه(نافرماني ڪرڻ واري)“ هو رسول الله صلعم جن سنس نالو بدلائي ”جميله (خوبصورت)“ رکي ڇڏيو۔ صحيح مسلم 2139 ۽ جامع ترمذي 2838)۔
امام ابو دائود رحه فرمائندا هُئا ته رسول الله صلعم جن هيٺين نالن کي هڪدم تبديل ڪرائي ڇڏيندا هُئا:
”العاص (نافرماني ڪرڻ وارو) ،”عَِزيزُ ”(غالب الله جي صفت آ ان ڪري)، ”عتله (سختي ۽ شدت)، ” شيطان (ابليس مردود)“، ”الحَڪَم( فيصلو ڪرڻ وارو ڇو جو الله جي صفت آ)، ” غُراب (خبيس، پکي يا پري)“، ”حباب (شيطان جو نالو يا نانگن جو هڪ قسم)۔
پاڻ صلي الله عليه وسلم هيٺيان نالا تبديل ڪري ٻيا خوبصورت بدلرائي ڇڏيندا هُئا:
شهاب (چڻنگ) جو نالو بدلائي ”هشام ( فياضي ۽ سخاوت رکيو” ، ”حرب (جنگ و جدال) جو نالو بدلائي ”سلم ٺ(صلح ۽ سلامتي تجويز ڪيائون“، مُضطجع (ليٽڻ وارو) جو نالو ”منبعث (اٿڻ وارو) رکيائون، عقره (بنجر زمين) بدلائي ّخضره (ساوڪ) رکيائون، ”شعب الضلاله(گمراهي جي گهاٽي) بدلائي شعب الهدى (رهنمائي جي گهاٽي) رکيائون۔ ” بنو الزنيه (زنا جو اولاد) بدلائي بنو الرشده (بهلائي وارو) رکيائون، ” بنو مغويه (گمراهي وارو) بنو رِشده سان بدلايائون۔ (جامع ترمذي 2839، )
حضرت سعيد بن مسيب رحه بيان ڪن ٿا ته ” ان ۾ ڪو شق ڪونهين ته سندن والد نبي سائين جن وٽ حاظر ٿيو ته پاڻ ص سندن نالو معلوم ڪيو ته هن وراڻيو مُهنجو نالو ”حزن “ (غم ۽ پريشاني) آهي ته نبي سائين جن چين ته تون پنهنجو نالو ”سهل“ (آساني، سهولت، نرمي) رکي ڇڏ۔ هن چيو ته مان پنهنجي پي جو رکيل نالو تبديل ڪونه ڪندُس، سعيد بن مسيب جو بيان آهي ته ان کان پو اسانجي گهراني ۾ هميشه غم و اندوه، قلق ۽ پريشاني، بيچيني ۽ اضطراب موجود رهيو” صحيح بخاري 6190، سنن ابي دائود 4956)
حضرت يحى بن سعيد رحه بيان ڪن ٿا ته ”حضرت عمر رضيه هڪ ماڻهون کان پُڇيو ته تُهنجو نالو ڇا آهي؟ هن ٻڌايو ته ”جَمرَه (باه جو انگارو) پو پُڇيائون ته تُهنجي پي جو نالو ڇا آهي؟ چيائين ” شهاب“ (باه جو شعلو)، پُڇيائون ته قبيلي جو نالو؟ چيائين ”حُرقه(باه جو ساڙيل)، پُڇيائون ته رهائش ڪٿي اٿئي؟ چيائين تهن ” حرت النار (باه جو علائقو)، پُڇيائون ته رهائش گاه واري وادي جو نالو؟ چيائين ذات لطى(شعلي واري) حضرت عمر رضيه فرمائڻ لڳا ته پو وڃ وڃي پنهنجي اهل و عيال جو فڪر ڪر، باه کين ساڙي ڀسم ڪري ڇڏيو آهي، راوي بيان ٿو ڪري ته واقعي ان جو گهر ٻار، اهل و عيال جنهن طرح سان حضرت عمر رِضيه جن فرمايو تباهي ۽ بربادي جو نشان بڻجي ويو۔ (موطا امام مالڪ حديث 1871)
