اڄوڪو ڏينهن 24 جنوري تاريخ جي دري مان

[سليمان وساڻ]

اڄوڪي ڏينهن 24 جنوري تي جنم وٺندڙ ۽ وڇڙندڙ معروف شخصيتون

جنم ڏينهن:

24 جنوري 1830ع جديد سنڌي رسم الخط جي ڇپائيندڙ سر بي. ايڇ ايلس جو جنم ڏينهن آهي.
24 جنوري 1874ع صحافي ۽ آزادي جي تحريڪ جي ڪارڪن ويرونل بيگراج جو جنم ڏينهن آهي.
24 جنوري 1874ع صحافي ۽ آزادي جي تحريڪ جي ڪارڪن ويرونل بيگراج جو جنم ڏينهن آهي.
24 جنوري1929ع ناميارو سنڌي وڪيل، سماجي اڳواڻ، ڪھاڻيڪار ۽ مضمون نگار سلامت راءِ پرسواڻي جو جنم ڏينهن آھي
24 جنوري 1933ع اداڪار هيرو چائولا (شڪارپور / بمبئي) جو جنم ڏينهن آهي.
24 جنوري 1936ع موسيقار استاد نياز حسين جي ڪراچيءَ ۾ پيدائش ٿي.
24 جنوري 1976ع ليکڪ گلشير چانڊيو جو جنم ڏينهن آهي.

وڇوڙو:

24 جنوري 1905ع مذهبي اسڪالر مولوي عبدالعزيز لغاري جي وفات ٿي.
24 جنوري 1907ع خيرپور رياست جو اڳوڻو وزير سردار محمد يعقوب لاڏاڻو ڪري ويو.
24 جنوري 1977ع افسانا نگار، ريڊيو، ٽي.وي، فلم ۽ اسٽيج جي نامياري فنڪاره غزالا رفيق لاڏاڻو ڪري وئي.
24 جنوري 1983ع شاعر مولوي ثناء الله بدر (نوابشاھ) لاڏاڻو ڪري ويو.
24 جنوري 1990ع موسيقار ۽ راڳي استاد محمد جمن لاڏاڻو ڪري ويو.
24 جنوري 1994ع نامور ليکڪ حبيب الرحمان ڏيپلائي لاڏاڻو ڪري ويو.
24 جنوري 2000ع چانڊيا قبيلي جو سردار نواب احمد سلطان چانڊيو (غيبي ديرو) جو انتقال ٿيو.
24 جنوري 2007ع شاعر احسن الهاشمي جي وفات ٿي.
24 جنوري 2010ع ڪالم نگار ۽ صحافي ارشاد احمد حقاني جو انتقال ٿيو.
24 جنوري 2023ع مشھور ملھ پھلوان الهداد راهو جو انتقال ٿيو.

واقعا:

24 جنوري 1985ع محمد خان جوڻيجو پاڪستان جو ڏھون وزيراعظم ٿيو.

حوالا :

ڊاڪٽر در محمد پٺاڻ
روزانہ ڪاوش
سنڌ جي تاريخ : فقير محمد سنڌي
سنڌسلامٿ

 

[ممتاز علي وگهيو]

سائين در محمد صاحب ۽ سليمان وساڻ صاحب جي هي محنت به قابل تعريف آهي، در محمد صاحب اسان جي سنڌي ٻولي جو هڪ بهترين جاکوڙي عالم اديب آهي، جنهن جي سوانح تي ته اسان جو دوست محترم سليمان وساڻ صاحب ڪم ڪري چڪو آهي، جيڪا هيٺ پيش ڪجي ٿي،​

ڊاڪٽر در محمد پٺاڻ سنڌ جي هڪ علمي، ادبي شخصيت۔محمد سليمان وساڻ​

سنڌ جي ناليواري، ليکڪ، محقق، تاريخدان، شاعر، ڪهاڻيڪار، ڊرامه نگار، مترجم، ڪالم نگار ۽ تعليمدان ڊاڪٽر در محمد پٺاڻ کي سندس جنم ڏينهن تي واڌايون پيش ڪجن ٿيون.

ڊاڪٽر در محمد پٺاڻ جو جنم 25 مئي 1945 ع تي خير محمد آريجا تعلقو ڏوڪري ضلعي لاڙڪاڻي ۾ ٿيو۔ پاڻ 1971 ۾ بي ايڊ، 1972 ۾ ايم اي سنڌي ادب ۾، ۽ 1979ع ۾ سنڌ يونيورسٽي مان ”ڪراچي جو سنڌي ٻولي ۽ علم ادب جي ترقيءَ ۾ حصو “ جي عنوان تي اپي ايڇ ڊي جي ڊگري حاصل ڪئي۔۔۔۔۔۔۔۔۔۔۔۔۔۔۔۔۔۔ وڌيڪ تفصيل پڙهڻ لاء هت ڪلڪ ڪندا۔

 

[ممتاز علي وگهيو]

اڄوڪي ڏينهن 24 جنوري تي جنم وٺندڙ ۽ وڇڙندڙ معروف شخصيتون
24 جنوري 1929ع ليکڪ معمور يوسفاڻي جو جنم ڏينهن آهي.

علم ۽ ادب جو پارکو معمور يوسفاڻي - حاجي گل حسن آريسر
امراڻو جتي عظيم شخصيتن جنم وٺي سياسي، سماجي ۽ ادبي خدمتن عيوض پنهنجو ڳاٽ اوچو ڪيو پر هن امراڻي جي ڌرتي تي جنم وٺندڙ معمور يوسفاڻي علم ۽ ادب جي پرچار ڪري پنهنجو پاڻ ملهايو. 25 جنوري 1929ع تي ڳوٺ حاجي پير محمد پلي ۾ جنم وٺندڙ محمد عمر معمور يوسفاڻي جو خاندان ناري پٽ جي معزز برادري ”پلي“ سان آهي.
معمور يوسفاڻي جي خاندان ۾ وڏا عالم، فاضل، شاعر، حڪيم، سخي ۽ چڱا مڙس پڻ ٿي گذريا، معمور يوسفاڻي سندس ڳوٺ جي مدرسي ۾ ابتدائي عربي ۽ فارسي جڏهن ته معمولي سنڌي تعليم پڻ حاصل ڪئي. جنهن بعد معمور يوسفاڻي پنهنجي ٻني ٻاري جي ڪم سان منسلڪ ٿي ويو پر علم جي پياس هڪ ڀيرو ٻيهر کيس تعليمي درسگاهن ڏانهن کڻي وئي.
معمور يوسفاڻي 1952ع ڌاري سنڌي فائنل جو امتحان پاس ڪيو. معمور يوسفاڻي 16 سالن جي ڄمار ۾ شعر ۽ شاعري جي شروعات ڪئي. ابتدا ۾ ڪجهه شعر لکيا، 1952ع کان باقائده شاعري جي شروعات ڪيائين. معمور يوسفاڻي جو علم جي دنيا ۾ وڏو نالو آهي.

معمور يوسفاڻي 1963ع ۾ مئٽرڪ جو امتحان پاس ڪرڻ بعد منشي فاضل (فارسي)، اديب فاضل (اردو) ۽ اديب فاضل (سنڌي) جي امتحانن ۾ پوزيشن حاصل ڪئي. پاڻ 1955ع ۾ تعليم کاتي ۾ پرائمري استاد طور ڀرتي ٿيو. 1978ع تائين پرائمري استاد رهڻ بعد ٻن سالن تائين ٽيڪسٽ بوڪ بورڊ ۾ سبجيڪٽ اسپيشلسٽ طور ڊيوٽي جا فرائض سرانجام ڏنا. معمور يوسفاڻي جو 1980ع ڌاري پروموشن ٿيو ۽ جنهن بعد ايڇ ايس ٽي ٿيو. هن ايڇ ايس ٽي ۾ پروموشن ٿيڻ بعد ڪافي عرصي تائين تعليم کاتي ۾ سپروائيزر (بيٽ آفيسر) طور خدمتون سرانجام ڏنيون. پاڻ 1989ع ۾ ملازمت تان رٽائر ٿيو.

معمور يوسفاڻي علم ۽ ادب جو وڏو پارکو رهيو. معمور يوسفاڻي شاعر، ادب، محقق، استاد سان گڏ سگهڙ پڻ هو. ڳجهارت، ڏهس، سورٺا، ڏٺ، پرولي کان وٺي لوڪ شاعري جون مڙيئي صنفون سندن قلم جون مرهون منت رهيون آهن. معمور يوسفاڻي مشاعرن ۽ مذاڪرن کان علاوه ريڊيو پاڪستان حيدرآباد ۽ ڪراچي اسٽيشن تان سگهڙ طور پروگرام پڻ ڪيا. ڳوٺاڻن ڀائرن جي پروگرام ۾ ته سندس ڪچهري سيد صالح محمد شاهه سان خوب ڄمندي هئي. پاڻ ٽيليويزن لاءِ پڻ ڪافي ڊرامان، اسڪرپٽ لکيا.

معمور يوسفاڻي نه رڳو هڪ بهترين ۽ سٺو ڊبيٽر هو پر ڪجهه اسٽيج ڊرامن ۾ پڻ ڪم ڪيو. معمور يوسفاڻي جي سنڌ جي سڀني ادبي تنظيمن سان سندن خط و ڪتابت، ميمبرشپ ۽ نسبت رهي. معمور يوسفاڻي صوفي فقير ۾ بزم ادب ۽ مهراڻو اڪيڊمي جو بنياد رکيو. معمور يوسفاڻي پائر پبليڪيشن، اداره نوائي ادب، شاخ بزم طالب الموليٰ، بزم سروري، سنڌي ادبي سنگت، تنظيم فڪر و نظر سکر جون شاخون پڻ صوفي فقير ۾ قائم ڪيون. کيس ڪيترا ئي ادبي انعام ۽ ايوارڊ مليا، سنڌي علم، ادب ۾ تصنيف جو حوالي سان نامور تاريخ دانن مخدوم طالب الموليٰ، ڊاڪٽر نبي بخش خان بلوچ، ڊاڪٽر غلام علي الانا، پروفيسر اسد الله ڀٽو، سيد علي مير شاهه، ڊڪٽر عبدالجبار جوڻيجو، تاج صحرائي، عبدالله ورياهه، فقير بشير احمد لغاري ۽ مير محمد بخش سان سندن ويجهڙائپ رهي.​