جواب: سنڌ جي ترقيءَ قوم پرست تنظيمن جو ڪردار
1 امن ۽ سڪون جي لاءِ يا لساني فسادات ۽ تعصب جي باھ ٻارڻ جي لاءِ
2 سنڌ جي ترقي انهن کائوپٽ تنظمين جي هوندي ناممڪن آهي
3 پنهجي ختم هجڻ جو اعلان ڪري سنڌ واسين تي احسان ڪري مفيد ثابت ٿي سگهن ٿيون
مٺا بشير احمد:
اوهانجا خيال پڙهي ڏک به ٿيو ۽ اها ڳالهه سمجهه ۾ به نه آئي ته اوهان جهڙو پڙهيل لکيل ماڻهون قومي ڳالهه ڪرڻ کي لساني فساد ۽ تعصب چوي !!!
محترم دوست، سنڌي قوم هزارن سالن کان هڪ قوم آهي نه ڪي ڪو گروه يا ڪو قبيلو جو پنهنجي قومي حقن جي ڳالهه ڪري ته کيس لسانيت پسند يا فسادي چيو وڃي بلڪه دقيانوس ملن جي ٻولي ۾ کيس ڪافر چيو وڃي ۔۔۔ ڇاڪاڻ جو اهي ملان پاڪستان کان الڳ ٿيڻ کي مسلماني تان هٿ کڻڻ جي برابر سمجهندا آهن ۔۔۔ (جڏهن ته اڄڪلهه پاڪستان ئي واحد ملڪ آهي جو ڪفار جو سڀ کان وڏو يار آهي) ۔۔۔
جڏهن ته اسين سنڌي نه ته پاڪستان ڪري مسلمان ٿيا آهيون، نه ئي پاڪستان ۾ موجود قومن کان ڌار ٿيڻ سان ڪي ڪافر ٿي وينداسون ۔۔۔الحمد الله اسين برصغير هند ۾سڀني کان اڳ مسلمان ٿيا هئاسون ۽ اڄ به سٺا ۽ پرامن مسلمان آهيون ۔۔۔
باقي رهيو قومي تنظيمن جو سوال ته ۔۔۔ الله جا لک شڪر جو اهي لوليون لنگڙيون تنظيمون موجود آهن جنهن سبب وري به سنڌ جي حقن جي ڳالهه ڪجي ٿي ۽ چورن جي اکين ۾ ڪجهه ڀئو نظر اچي ٿو ۔۔۔ نه ته ڀائڙا بشير، اسين جنهن قوم سان سلهآڙيا ويا آهيون۔۔۔ اها دنيا جي ويڪائو قوم آهي جا پئسي جي خاطر ڪجهه به ڪري سگهي ٿي ۔۔۔ اوهانکي ٽڪا خان جو ڀٽي جي دور ۾ جنرل هو جا لفظ ياد ڏياريان
ته:
”بنگلاديش ته اسانکان پري هيو انڪري آزاد ٿي ويو، سنڌ ته اسانجي بغل ۾ آهي صرف مارچ ڪنداسون ته سنڌين کي تباه ڪري ڇڏينداسون، اسانکي سنڌ جا ماڻهون نه سنڌ جي زمين کپي“
ماشاء الله هن وقت وڏيون ۽ خطرناڪ قربانيو ڏئي بنگلاديش آزاد آهي ۔۔۔ ترقي ڪري رهيو آهي ۔۔۔ هاڻ اوهان چاهيو ته بنگلاديش جي مسلمانن کي لساني فساد ڪندڙ ۽ تعصبي چئي ڪافر جو لقب ڏئي سگهو ٿا جو پاڪستان کان آزاد ٿي ويو آهي ۔۔۔
ها سنڌ جي تنظيمن ۾ خاميون آهن، ۽ خطرناڪ خاميون آهن، اهي به پاڪستان ايجنسين جون پئدا ڪيل آهن ۔۔۔ جنهن سبب اسانکي سندن چهرو مڪروهه نظر اچي رهيو آهي ۔۔۔ پر الله ۾ اميد آهي ته هڪ ڏينهن حق ۽ سچ جو سج اڀرندو ۽ سنڌي قوم پنهنجي وڃايل (مسلماني جذبي سبب) حيثيت ٻيهر حاصل ڪري وٺندي ۔۔۔
منهنجا پيارا عزيز دوست، اميد ته منهنجون ڳالهيون دل ۾ نه ڪندا ۽ سنڌي قوم تي ٿيندڙ ظلم جي اسانجي ئي مذهب سان تعلق رکندڙ قومون ڪري رهيون آهن، انهن کي سمجهڻ جي ڪوشش ڪندا ۔۔۔
دين اسلام ۾ ڪٿي به اهو ناهي لکيل ته ڪو منافق يا ڪو ڦورو يا ڪو قاتل مسلمان اوهان سان ظلم ڪري ته اوهان برداشت ڪريو ۽ ظلم کي ظلم به نه چئو ۔۔۔ ڀائڙا مسلمانن ۾ اهڙا به ماڻهون پئدا ٿيا جن جون نمازون اسانجي نمازن کان هزار دفعا بهتر هيون، جن جو قرآن شريف پڙهڻ اسانجي پڙهڻ کان گهڻو بهتر هو پر وري به انهن خلاف جهاد ڪيو ويو ۔۔۔ مديني جا منافق سهڻيون مسجدون ٺاهي مسلمانن کي ڌوڪي ۾ رکندا هئا ۔۔۔ انهن کي به ختم ڪيو ويو هو ۔۔۔ خدارا حقيقتن کي سمجهو ۽ سنڌي قوم جي حقن جي جدوجهد کي سهي رخ ۾ آڻڻ جي ڪوشش ڪريو ۔۔۔
الله تعالا اسان سڀني جو حامي ۽ ناصر هجي ۔۔۔
