جسمم ڪارڪنن خلاف پوليس ۽ ايجنسين جي ڪريڪ ڊائون کانپوء جڏهن ڪالهه احتجاجي ڪال ڏني وئي ته ڪارڪنن جو وڏو انگ حيدرآباد باء پاس (هٽڙي) وٽ ڪٺو ٿيو۔
پوليس ۽ رينجرز اهلڪارن ڪارڪنن تي بد ترين تشدد ڪيو، پوليس جي مظاهرين مٿان فائرنگ، لٺبازي، شيلنگ، عورتن ۽ ٻارڙن مٿان وحشياڻو تشدد، عورتن، ٻارڙن ۽ مردن سميت ڪيترائي زخمي ٿي پيا، نه صرف اهو پر 6 سالن جي معصوم ٻارڙي کي به تشدد ڪري نشانو بڻايو ويو۔ هوڏانهن جڏهن ڪراچي جي سياسي پارٽي سڄي شهر کي يرغمال بنائي ٿي ته ان خلاف ڪابه ڪاروائي نه ٿي ٿئي۔ هڪ ڏينهن ۾ 50 ماڻهو مارجن ٿا ته به ڪجهه نه ٿو ٿئي۔۔۔ پر جڏهن سنڌ جي حقن جي ڳالهه ٿئي ٿي ته پوء معصوم ٻارڙا به نشانو بڻجن ٿا۔
ڪشمير، فلسطين ۽ شام جي ماڻهن لاء احتجاج ڪندڙ مذهبي ٺيڪيدارن کي به شايد هن ٻار جو چهرو نظر نه آيو، نه ئي سنڌين تي ٿيل تشدد ۽ ڏاڍ نظر آيو ۔۔۔۔
