• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

سنڌ فيسٽيول شروع ٿي ويو، موهن جي دڙي تي رنگ برنگي تقريب، آرٽسٽن جي پرفارمنس

سليمان وساڻ

مينيجنگ ايڊيٽر
انتظامي رڪن
لائيبريرين
jLQFYMfEbSRSj.jpg


ڪاوش رپورٽ

(موهن جو دڙو/لاڙڪاڻو (نمائندن وٽان) سنڌ ماٿري جي تاريخي ماڳ موهن جي دڙي تي رنگ برنگي پروگرام سان سنڌ فيسٽيول جو باضابطا آغاز ٿي ويو آهي، فيسٽيول جا پروگرام 15 فيبروري تائين سنڌ جي مختلف شهرن ۾ جاري رهندا، پ پ چيئرمين بلاول ڀٽو سنڌ فيسٽيول جي پروگرامن جو افتتاح ڪيو، هن جو چوڻ آهي ته سنڌ جي شاهوڪار تهذيب کي سڄي دنيا ۾ روشناس ڪرايو ويندو، فيسٽيول ۾ موجود سڀني ماڻهن کي ثقافت لاءِ وڙهڻ گهرجي، سنڌ جي ثقافت کي اجاگر ڪرايو ويندو، سنڌ فيسٽيول جو پهريون پروگرام ڪالهه موهن جو دڙو تي اسٽوپا آڏو ٺاهيل اسٽيج تي شروع ٿيو، عيني خان ۽ ٻين آرٽسٽن موهن جي دڙي جو پراڻو ناچ ڏيکارڻ لاءِ آئٽم پيش ڪيو، افتتاحي تقريب ۾ شهيد بينظير ڀٽو جون ٻئي نياڻيون بختاور ۽ آصفه به موجود هيون، جڏهن ته يوسف رضا گيلاني، راجا پرويز اشرف، آزاد ڪشمير جو وزيراعظم چوڌري عبدالمجيد، وڏو وزير سيد قائم علي شاهه، ايم اين اي فريال ٽالپر، ڊاڪٽر عذرا پيچوهو، ڊاڪٽر فهميده مرزا، ذوالفقار مرزا، تاج حيدر، سنڌ اسيمبلي جو اسپيڪر آغا سراج دراني، نثار احمد کهڙو، چوڌري اعتزاز احسن ۽ قمرالزمان قائره سميت پيپلزپارٽي جا مرڪزي اڳواڻ، چونڊيل نمائندا توڙي مختلف ملڪن جا سفير ۽ پرڏيهي مهمان شريڪ ٿيا، موهن جو دڙو ايئرپورٽ تي منجهند کان وٺي خاص اڏامن ذريعي مهمانن کي موهن جو دڙو جي تاريخي ماڳ تائين پهچايو ويو، بلاول ڀٽو زرداري ۽ ٻين وي آءِ پيز کي بلٽ پروف گاڏين ۾ سخت سيڪيورٽي هيٺ پروگرام ۾ پهچايو ويو، پروگرام ۾ شرڪت لاءِ خاص پاسون جاري ڪيون ويون هيون، ميڊيا کي به پروگرام ۾ شريڪ ٿيڻ جي اجازت نه ڏني وئي، ٻاهر گيٽ وٽ وڏي اسڪرين لڳائي ميڊيا کي ڪوريج ڪرڻ ڏني وئي، موهن جو دڙو کي مختلف رنگن جون روشنيون پيدا ڪندڙ لائيٽن سان سينگاريو ويو هو، مختلف ثقافتي اسٽال لڳائڻ سان گڏ اسٽيج تي موهن جو دڙو جي هزارين سال پراڻي زندگي بابت فلمايل ڊاڪيومينٽري به پيش ڪئي وئي، سنڌ فيسٽيول جي افتتاح دوران پيپلزپارٽي جي چيئرمين بلاول ڀٽو زرداري چيو آهي ته سنڌ فيسٽيول انقلابي قدم آهي، موهن جو دڙو جو تاريخي ماڳ سڄي دنيا اندر ڌيان جو مرڪز بڻيو آهي، ثقافت توڙي تاريخ کي سڄي دنيا ۾ روشناس ڪرائڻ ۽ ترقي وٺرائڻ لاءِ هي سنڌ فيسٽيول منعقد ڪيو ويو آهي، هن چيو ته هن پنهنجي ناني شهيد ڀٽي ۽ شهيد امڙ جي نقش قدم تي هلندي سنڌ جي تهذيب کي دنيا ۾ روشناس ڪرڻ، محفوظ ڪرڻ ۽ ترقي وٺرائڻ لاءِ اڄ اهڙو قدم کنيو آهي، جنهن جا ايندڙ وقت ۾ بهتر نتيجا ملندا، هن آخر ۾ نعرو هنيو ته ”مرويسون، مرويسون، پر سنڌ نه ڏيسون“، جڏهن ته سنڌ فيسٽيول جي افتتاحي تقريب دوران سنڌ جي مشهور فنڪار شمن ميرالي گيت ”ڪيٽي بندر تي“ ڳايو ته بلاول ڀٽو زرداري سميت وڏو وزير سيد قائم علي شاهه، قومي اسيمبلي جي اڳوڻي اسپيڪر ڊاڪٽر فهميده مرزا توڙي پرڏيهي مهمان جن ۾ ليڊيز جو به وڏو تعداد هو، تاڙيون وڄائي جهومندا رهيا، راحت فتح علي خان ۽ سائين ظهور به پرفارم ڪيو.
 
چون ٿا ته بختاور ڀٽو ڪو ”اسپيشل ريپ سانگ“ پڻ ڳايو هو۔۔۔ اهو راڳ ڪيئن ٿيندو آه۔۔۔ ۽ جن سنڌين لاءِ ڳايو ويو آ۔۔ پر ٻڌي نه سگهيا هجن ته ٻڌي وٺو۔۔۔

 
خبر اها به آهي ته سنڌ فيسٽيول ۾ سنڌي ثقافتي صوفي راڳين کي اچڻ ئي نه ڏنو ويو۔۔۔ جنهن تي لوڪ فنڪارن اها پنهنجي بي عزتي سمجهندي جتي جاءِ ملي اتي ئي ڳائي روانا ٿيا۔۔۔

 
سنڌ فيسٽيول جي ڳالهه سمجهه کان ٻاهر هئي جو مان اردو اسپيڪنگ دوستن سان گڏ ويٺو هيس ته هو ٽوڪي رهيا هئا ته سنڌ فيسٽيول جي شرعات اردو گيتن سان ڪئي وئي ڪافي دير کانپوءِ سنڌي کيت شروع ٿي۔

مان ته سمجهان ٿو ته سنڌي ثقافت واري پروگرام ۾ اردو گيتن جي ضرورت ڪان هئي صرف سنڌي گيت ڳايا وڃن ۔۔۔۔۔۔۔۔۔۔۔

پر وري سوچيم ته فيسٽيول ڪرائڻ واري ۽ پاڻ کي سنڌي سڏائيندر کي ئي سنڌي ڪون ٿي اچي پوءِ ان تي ڪهڙي ميار
 
اهڙا فيسٽيول هزارين ٿيڻ گهرجن ۽ هر روز ٿيڻ گهرجن اسان فيسٽيول جا حمايتي آهيون پر ڪوشش ڪجي ته ورثي ۽ ٻولي کي پوئتي نه ڪجي جيئن فيسٽيول ۾ صرف سنڌي فنڪارن سنڌي ٻولي استعمال ڪئي باقي پروگرام ۾ رڳو اردو هلي رهي هئي اسان جي فطق ايتري گهر آهي ته جيڪڏهن فيسٽيول سنڌ جي تاريخ کي اجاگر ڪرڻ لاءِ ئي جوڙيو ويو آهي ته انهن مڪمل طور تي اجاگر ڪجي ٻولي سان ثقافت سان تهذيبي تمندن سان۔۔۔ مهرباني
 
Back
Top