ڇرڪائيندڙ خبر، اوهان جي فون ڪال محفوظ ناهي..

[مست]

جي ها! دنيا جي ڪنهن به ڪنڊ پاسي ۾ جتي به فون ڪالس ٿي رهيون آهن اهي آمريڪا جي سيڪيورٽي ايجنسيءَ جي ڊيٽا ۾ محفوظ ٿي رهيون آهن. نه صرف ايترو پر آمريڪا جي NSA ايجنسي (نيشنل سيڪيورٽي ايجنسي) وٽ اهڙي صلاحيت آهي جنهن سان هو گهٽ ۾ گهٽ هڪ مهينو اڳ ڪئي ويندڙ ڪال کي ريڪارڊ ڪري انهن کي 100 سيڪڙو روائينڊ يا فارورڊ ڪري سگهي ٿي.
واشنگٽن پوسٽ ۾ ڇپيل ان خبر ۾ چيو ويو آهي ته اهڙو انڪشاف ان ايجنسيءَ جي اڳوڻي ڪانٽريڪٽر ( ايڊورڊ سنائوڊين) ڪيو آهي.
اهو عمل سمجهڻ لاءِ ڀلي ۾ ڀلو مثال ٽائيم مشين جو آهي. وائيس انٽرسيپشن پروگرام (MYSTIC) جي شروعات 2009 ۾ ڪئي وئي. ڪليڪشن سسٽم جي تحت 30 ڏينهن جي هڪ رولنگ (گهمندڙ ) بفر ۾ هر سيڪنڊ جي اندڙ ڪيون وينديون ڪالس ريڪارڊ ٿين ٿيون جنهن کان پوءِ اهو بفر وري زيرو تي اچي وڃي ٿو اهڙي طرح انهن 30 ڏينهن جي اندر ان ملڪ جي اندر ڪيل ڪالن جو سمورو رڪارڊ آمريڪا جي NSA ايجنسي وٽ هجي ٿو. 2011 تائين اهو صرف هڪ مخصوص ملڪ جي اندر آپريشن ڪيو پئي ويو ان کان بعد اهو ٻين ملڪن تائين عام ڪيو ويو.
آمريڪي اختيارين جي درخواست تي واشنگٽن پوسٽ جي انتظاميه ان معاملي سان تعلق رکندڙ اڃان اهڙي گهڻي معلومات کي پبلش نه ڪيو آهي جنهن سان اها خبر پئجي وڃي ها ته ايجنسيءَ جو اهو آپريشن ڪهڙي ڪهڙي ملڪ ۾ هلندڙ آهي​

 

[ڏاڏل شينو]

بس پيا ان خوف ۾ جيئندا سين سائين .
ڀلي کڻي مرون هان پر موت به جي ڪنهن مقصد جي هجي ها .
وسلام

 

[گلزار احمد]

ادا سائين ايترڳ ساري ڊيٽا کي محفوظ ڪرڻ، ٽرانسفر ڪرڻ ۽ اسپيشلي ايتري ڊيٽا جو معائنو ڪرڻ ان کي فلٽر ڪرڻ ايترو آسان نه آهي، نه ئي ايتري حد تائين اهو ڪم ٿي رهيو آهي، اگر اهڙي حالت هجي ها ته امريڪا هنڌ هنڌ ناڪام نه ٿئي ها، اسامه جي تلاش ايتري مشڪل نه هجي ها.
صرف اهو اندازو لڳايو ته صرف پاڪستان جو اهڙو ڊيٽا ئي ڪيترو گهڻو آهي.
ان ڪري دوستو پريشان نه ٿيو ڪير ڪونه ٿو توهانجون پرسنل ڪالون ٻڌي.

 

[سمير عبدالله]

مست سائين ائين ناهي

 

[مست]

ڀائرو اهو مان ڪو افواهه ڦهيلائڻ واري جي حيثيت سان نه چيو آهي، مان پاڻ ٽيليڪام جي شعبي ۾ شاگرد رهي چڪو آهيان، توهان شايد ٽيڪنالاجي جي اصل رفتار کان سوين ڪوهه پري آهيو

 

[مست]

اڄوڪي ايڪسپريس اخبار هن خبر جي تصديق ڪئي آهي...

 

[گلزار احمد]

ڪنهن ڪم جي صلاحيت هٍجڻ جو مطلب اهو نه آهي ته اهو ڪم ٿي رهيو آهي.
باقي اسان جون اخبارون ڪيتريون معتبر حيثيت رکن ٿيون معلومات شيئر ڪرڻ ۾ ان لا ڪجهه چوڻ گهٽ ٿيندو.
باقي اسين واقعي ٽيڪنالاجي کان هزارين ڪوه پري آهيون.

 

[مست]

ايڊورڊ سنائوڊين Edword Snouden جي باري ۾ گوگل تي سرچ ڪريو، توهان کي سندس ڪيل انڪشافن جي خبر پئجي ويندي.

 

[نوردين ڏيٿو]

[quote="مست, post: 150804, member: 196"ادا مست جهڙو توهان جو نالو مست ته وري معلومات به مست تا رکو!
تمام سٺو!

 

[Sindhi Media]

ڪهڙي ڳالهه پيا ڪريو اها ڪمپريسڊ سافٽويئر ٽيڪنالاجي آهي، ڪيتري به ڊيٽا هُجي اسٽور ٿي سگهڻ ممڪن آهي ۽ ٿئي به پيو، ان ڪري ڊيٽا کي صدين تائين جمع ڪري ۽ فلٽر به ڪري سگهجي ٿي. ڇا ويب (نيٽ)نه پيا ڏسو پوري دُنيا جو گهڻ زباني مواد اسٽور ٿيل آهي ۽ چند سيڪنڊ لڳن ٿا صرف ڪرڻ ۾. باقر رهي پُهچ جي ڳالهه ته اينگهبي ضرور آهي ۽ گهربل وقت ۾ ئي ڳولي لهبي آهي ۽ اها سوشل سائنس آهي جنهن کي گهرج تحت استعمال ڪبو آهي.

 

[گلزار احمد]

سائين ميڊيا محترم
اوهان جي ڳالهه بجا آهي.
بالڪل انهن ادارن وٽ تمام ڪالز کي ٻڌڻ رڪارڊ ڪرڻ جي صلاحيت آهي. اهي ته ڇڏيو اسانجي خفيه ادارن وٽ پڻ اها صلاحيت آهي.
اهو منهجو پنهجو مشاهدو آهي.
باقي هر وقت هر ڪال کي ٻڌڻ، فلٽر ڪرڻ آسان ڪم نه آهي، ان ڪري اگر ضرورت پوندي آهي اهڙن ادارن کي ته پو اهي ڪن مخصوص نمبرن تي ايڪسيز حاصل ڪندا آهن.
اوهان کي ياد هوندو ته پاڪستان ۾ جڏهن بليڪ بيري سروسز جو آًغاز ٿيو هو ته سال کن کان پو بليڪ بيري سروس حڪومت طرفان معطل ڪيون ويون هيون سبب اهو هيو جو پاڪستان حڪومت کي بليڪ بيري سروسز تي ايڪسيز نه پئي ڏني وڃي، لڳ ڀڳ سال کن سروسز بند هيون جڏهن حڪومتي ادارن کي بليڪ بيري سروسز تي ايڪسيز ملي تڏهن سروسز بحال ٿيون هيون.
هاڻ اهو ڏسو جيڪڏهن اهو ڪم ايترو ئي عام هجي جو ايرو غيرو جڏهن چاهي جنهن جي چاهي ڪال ٻڌي ته پو پاڪستاني ايجنسيون خصوصا آئي ايس آئي جيڪا دنيا جي ٽاپ جي ايجنسي آهي ان کي بليڪ بيري تي ايڪسز نه هئي.
 طالبان جي ڪالز لا ڇا چوندئو ته پاڪستان کي صلاحيت نه آهي.
افغانستان ۾ ٿيندڙ آمريڪين سان جٺ نه ٿئي ها.