هي ڪير پيو دانهون ڪري ؟

ڪراچي جي ڪنهن اداري جي ڪنهن هڪ آفيس ۾ هڪ ڪم ڪرڻ واري ڪلرڪ جو ڳالهائڻ جو آواز ڪافي بُلند هوندو هو ۽ جڏنهن به هو فون تي ڪنهن سان ڳالهائيندو هو يا ناراضگي ظاهر ڪندو هو يا ڪنهن بحث ۾ الجهي پوندو هو ته اڃا زور زور سان رڙ يا دانهون ڪري ڳالهائڻ لڳندو هو.

هڪ ڏينهن به موسوف ائين ئي رڙ يا دانهون ڪري ڳالهائي رهيو هو ته سندس آواز جنرل مئنيجر جي ڪمري تائين اچڻ لڳو هُن گهنٽي وڄائي پٽيوالي کي سڏائي پُڇڻ لڳو (هي ڪير آهي جو ايتريون رڙيون ڪري پيو ڳالهائي) سر ! قربان آهي لاڙڪاڻي ڪنهن عزيز سان پيو ڳالهائي (پٽيوالي ورندي ڏني)

پو بيوقوف فون ڇو نٿو استعمال ڪري؟ آخر اسان آفيسن ۾ فون ڇا لا لڳاري ڏنا آهن ! جي ايم ڪاوڙ ۾ چوڻ لڳو!