اي سنڌ سلامت ! ! ! الوداع . . . . . . . . . .

مون کي هڪ دوست ٻڌايو ته
سنڌ سلامت
هڪ اهڙو فورم آهي،
جتي توهان کي
علم، ادب، ڄاڻ، پروڙ، سکيا وغيره وغيره
حاصل ٿيندي.
بس !!!!
پوءِ سنڌ سلامت تي حاضر ٿيس.
پر !!!!
افسوس جو هتي،
نفرت ئي نفرت پکڙجي رهي آ،
هتي ته هڪ دوست، ٻئي دوست جي خيالن جو دشمن بڻجي ٿو.
مڃان ٿو ته منهنجي تحرير جي ڪري
ڪافي دوست، دشمن بڻجي ويا هوندا،
محبت، نفرت ۾ بدلجي وئي هوندي.
فاصلن ۾ دوريون ٿي ويو هونديون،

هي فقير انهن سڀني جي خدمت ۾ هٿ ٻڌي عرضگذار آهي ته
خدارا مون کي معاف ڪجو.
۽ هي سوچ ويچار ڪري فيصلو ڪيو آهي ته

اي سنڌ سلامت ! ! ! ! ​

الوداع . . . . . . .

الوداع . . . . . . .

الوداع . . . . . . .

الوداع . . . . . . .​

 

سنڌ سلامت جي اڱڻ تي هر رڪن هڪ گل وانگر آهي ۽ هر گل جي پنهنجي هڪ خوشبو هوندي آهي.

توهان جو ايئن دل برداشته ٿي سنڌ سلامت کي ڇڏڻ جو فيصلو پڙهي تمام گهڻو افسوس ٿيو.

توهان جي لکڻين ۽ توهان جي محنتن جو قدر سنڌ سلامت جا ڪيترائي پڙهندڙ ڪندا رهن ٿا. توهان جي ڪيل ديني جاکوڙ هميشه سنڌ سلامت تي توهان جي موجودگي ۽ توهان جي ياد ڏياريندي رهندي.

مذهب ماڻهن کي ڳنڍيندو آهي، نفرتون دلين مان مٽائيندو آهي ۽ محبتن جي ڇانوَ مهيا ڪندو آهي.

محترم ڀا...ڪجهه رڪنن جي ڪيل غير ذميدارانه تحريرن جي سزا سنڌ سلامت کي ڏيڻ نانصافي آهي. پنهنجي ڪيل تحقيقي تحريرن کان اسان کي محروم نه ڪريو.

سنڌ سلامت جي انتظاميه شايد مذهبي سيڪشن تي چيڪ اينڊ بيلينس رکڻ ۾ ناڪام وئي آهي انهيڪري انتهائي بداخلاقي وارو مضمون مختلف پڙهندڙن طرفان نشاندهي ڪرڻ باوجود ڪيترائي ڏينهن عام پڙهندڙن جي پهچ ۾ رهيو ۽ لکندڙ کي ڪا به تنبيهه نه ڪئي وئي.. جنهن سان سنڌ سلامت جو اميج نهايت خراب بڻجڻ لڳو.

توهان جي ، منهنجي ۽ ٻين دوستن جي ڪوششن ۽ مثبت انداز سان جواب ڏيڻ باوجود ان مضمون کي هڪ صحت مندانه بحث بدران ڄاڻي واڻي هٿ وٺي خراب کان خراب رخ ڏانهن موڙيو ويو....

مذهبي رواداري ، برداشت، تحمل جا لفظ ته استعمال ڪيا پر انهن تي عمل ڏسڻ ۾ نه آيو. نتيجي ۾ توهان جهيڙو دوست اسان کان جدا ٿي رهيو آهي..مان وري به اهو ئي چوندس ته توهان جو سنڌ سلامت کي ڇڏي وڃڻ جو فيصلو انتهائي نامناسب آهي..برا مهرباني ان تي نظر ثاني ڪندا ۽ پنهنجي تحقيق ۽ دين جي علم کي ٻين تائين پهچائيندا رهندا. دنيا جي ڪنڊ ڪڙڇ ۾ رهندڙ سنڌين جي هڪ وڏي انگ کي ان کان محروم نه ڪندا. اهو هن ڌرتي جو توهان تي قرض آهي.

 

افسوس ٿيو آهي ڏک آهي ته اسانجي دوست جذبات ۾ اچي فورم ڇڏيو آهي

[انتظاميه طرفان ترميم ڪيو ويو.. برائي مهرباني موضوع جي عنوان مطابق جواب لکو... ]

 

تڪڙ ۾ اهڙو فيصلو ڪيو.ڪهڙي سبب جو توهان سنڌ سلامت کي الوداع ٿا ڪريو.؟

 

اسان جي دوست عبد الله السندي جو جذباتي فيصلو آهي. الله کيس سمجھ ڏيس. سنڌ سلا مت ۾ اهڙي ڪا به نفرت واري ڳالھ ڪا نهي. سائين مهرباني ڪري فيصلي کي تبديل ڪيو.

 

ادا ذيشان...توهان جي اها ڳالهه درست آهي ته مذڪوره مضمون جي رپورٽ نه ڪئي وئي پر ان تي تحفظات موضوع اچڻ شرط شروع ٿي چڪا هئا.
بحرحال جيئن ته هي فورم سڀني مڪتبه فڪر جي ماڻهن کي گڏ وٺي هلڻ جي پاليسي تي قائم آهي ۽ هميشه افهام ۽ تفهيم چاهي ٿو، انهي ڪري انتطاميه جو اهو اهم فرض آهي ته مذهبي سيڪشن کي درست سمت ۾ هلائيندي رهي. مان مڃان ٿو ته اهو واقعي هڪ سخت ۽ ڏکيو ڪم آهي پر ان کانسوا هتي اهڙا بحث ڪنهن نه ڪنهن صورت ۾ ٿيندا رهندا، رنجشون وڌنديون رهنديون ۽ اسان جا پيارا محترم دوست ايئن ئي اسان کان جدا به ٿيندا رهندا....!!


[انتظاميه طرفان تحرير ۾ تبديل ڪئي وئي آهي... براءِ مهرباني موضوع کان هٽيل ڳالهين لاءِ الڳ موضوع يا ڪچهري شروع ڪريو]

 

[انتظاميه طرفان ختم ڪيو ويو... بهتر رهندو ته موضوع مطابق لکو]

 

سائين يقينن ل آزاري کان پوءِ ڪنهن به فورم تي ڪنهن به محفل ۾ ڪنهن به ڪچهري ۾ باقي رهڻ هڪ مجاهدو آهي.
پوين ليکن ۾ اسان کي پڻ ڏک ٿيو پر اهي زيادتي گهڻي زماني کان ٿينديون پيون اچن. تنها رهي ڪري دين خلاف ٿيندڙ روپيگينڊه جو جواب ڏيڻ ممڪن ناهي.
اوهان سامهو انتظاميه جو صبر ۽ تحمل به آهي انهن جو به ڪو فڪر آهي، هوندو ايتري زيادتين بعد به اهي هن فورم تان ههڙي سيڪشن کي ختم نه ٿا ڪن ان لاِ ءِ انهن جي حوصلي کي اسان جو سلام آهي.
اوهان ثابت قدم رهو اوهان جي تحريرن مان ڪنهن جي دل آزاري ناهي ٿي اوهان اسان لاءِ قابل عزت آهيو.
اوهان هي اڱڻ ڇڏي باطل خيالن جي ماڻهن کي مظبوط ڪري رهيا آهيو.
باقي اوهان اسان کان بهتر ٿا ڄاڻو اوهان جي سڄي عمر تحصيل علم ۾ گذري آهي.
جيترو به ساٿ رهيو سڍو ساٿ رهيو. جي نه چاهيندي به اسان کان اوهان جي دل کي ڪو آزار پهتو هجي ته اسان هٿ ٻڌي اوهان ڱان معافي جا طلبگار آهيون.
جاڏي پير تاڏي خير.

 

[انتظاميه طرفان ختم ڪيو ويو... بهتر رهندو ته موضوع مطابق لکو]

 

سائين عبدالله السندي سڀ دوست توهان کي فيصلو تي نظرٽاني ڪرڻ جي التجا ڪري رهيا آهن ۽ اميد ته توهان فيصلو تبديل ڪيو هوندو.

 

حق جي راھ تي هلڻ ۾ هميشه رڪاوٽون اينديون رهنديون آهن ، صبر تي گامزن رهڻ گهرجي ، ڪجھ ماڻهن جي ڪري هن فورم کي ڇڏي ڏيڻ بهتر نه آهي ، اوهانسان ذاتي ڪچهري ۾ به اگر ڪنهن دل آزاري ڪئي آهي ، انجو مصداق هي شعر سمجهو ، هو چون تون مَ چئو واتان ورائي ، اڳ اڳرائي جو ڪري خطا سو کائي............. ، اوهانجي فورم کي ڇڏي وڃڻ سان يقينن اسان کي دلي صدمو رسيو آهي ، هتي هر مڪتب فڪر جا ماڻهون آهن، انڪري توهان پنهنجو سلسلو جاري رکو جنهن مان ڪافي دوستن کي لاڀ حاصل ٿيندو والسلام

 

محُترم پنهنجي فيصلي تي نظرثاني ڪريو! سنڌ سلامت جي پليٽ فارم تان توهانجي جهڙي دوست جي ڪاٽ علمي بحث لا هاڃا ڪار ثابت ٿيندي ۽ بائڪاٽ، ناراضگي، ضد اُهي ڪندا آهن جن جي علم جو ذخيرو ختم ٿي ويندو آهي. توهان ته ماشا الله علم فهم ۽ عقل سان انسائڪلو پيڊيا آهيو توهان طرفان ٻارڙن وانگر اها رُٺ رُٺان اهو مطلب ڪڍندي ته دليل کُٽي پيا آهن ۽ جواب جڏنهن ته سچ جا دليل ۽ حوالا کُٽن ئي ڪونه. ها ممڪن آهي هن وقت هڙون نه هُجن ته اُن لا حديثن ۽ قرآن جي ريسرچ ڪري کوٽي ڪڍڻا آهن.

[اتنظاميه طرفان تبديل ڪيو ويو .. موضوع کان وڌيل گفتگو ذاتي ڪچهري ۾ موڪلڻ جي گذارش ڪجي ٿي]

 

اڙي بابا ! مون کي ته ڪو پرچائيندوئي ناهي . رسان به پاڻ ته وڃي پرچان به پاڻ . ڇاڪاڻ ته پاڻ کي ڪنهن ٻئي جي مٿان پنهنجي مرضي مڙهڻ جي عادت ناهي . به قول ڀٽائيءَ جي
رتي رس م تن کان جن ريءَ سري نه ساه ،
ه جهيڙين تون جهڪو ٿيءُ،پاند ڳچيءَ ڳل پاءِ،
پاڻ وڃي پرچاءِ متان رٺوئي رهجيو وڃي .

 

واه چاچا ڪريم صاحب، اوهان ته چئو ٿا رسان به پاڻ پرچان به پاڻ، پر عبدالله السندي پرچي به ڪونه ٿو

 

اها ته ان جي مرضي آهي سائين اسان ته پنهنجي دل جو حال اوري ڇڏيو .