تعليم بچايو سنڌ سنواريو

سڀ چور آهن انهن جو ضمير بلڪل آرام ۾ آ

 

ادا جنهن وٽ گهڻو آهي انهي کي گهڻي بک آهي

 

علي قاضي ته پنهنجي پاڻ کي انقلابي چوندو آهي هن جو مطلبت ته زبان تي انقلاب اندر ۾ وري ..... !!اگر واقعن تبديلي چاهيندڙ آهي ته اهڙن کي فارغ ڪري ڇڏي ۽ تعليم جو دشمن نه بڻي .

 

اسان جا پنهنجا ئي ڌرتي واسين جا دشمن آهن، ڪنهن ڏاهي جو قول آهي ته ”اگر ڪنهن قوم کي ختم ڪرڻو هجي ته انهن جي تعليم، درسگاهون، ڪتب خانا ختم ڪيا وڃن، اُن قوم جي سڃاڻپ ختم ٿي ويندي“ سو اسان جا پنهنجا ان عمل ۾ ڏينهن رات جُتيا پيا آهن.

 

جي توهان گهوسڙو اُستاد ناهيو! يا توهان گهوسڙو اُستادن جا ساٿاريدار ۽ ٻانهه ٻيلي ناهيو ته پوءِ توهان کي گهوسڙو اُستادن خلاف هلندڙ مهم تي اعتراض نه ورائڻ گهرجي. ٻي صورت ۾ اعتراض وارائڻ وارو مٿين ٻن ڪيٽاگرين ۾ شمار ٿيندو آهي. ياد رهي ته (اُستاد) هڪ مُحترم پيشو آهي جيڪو ڪشش ثقل (گريوٽي جي مخالف سفر ڪرائي ٿو. يعني اُبتڙ رُخ ائين جيئن (ما ۽ پيءُ) جو! انسان کي(ڪشش ثقل) طرف اُماڻڻ. ماءُ پيءُ (آدم ۽ حوا) جي تخليق الله جي مهربانيءَ سان انساني نسل وڌائڻ لاءِ هُئي (يعني روحن کي عالم ارواح مان ڪڍارائي زمين تي لاهڻ جي، ته اُستاد (جبرئيل) وري انهن رُوحن ۾ الله جي حڪم سان علم ڦوڪي ، دين و دُنيا جي اڀياس ڪرائي عالم اروح ۽ ٻين الله جي نعمتن (ڪائنات)سان روشناس ڪرائي ٿو زمين کان آسمان طرف ئي ٿو. سائنسي بُنياد تي به گريوٽي جي خلاف سفر جاري رکڻ ڏکيو مرحلوآهي انڪري اُستاد کي ماءُ پيءُ کان به افضل قرار ڏنل آهي.

پر گهوسڙو اُستاد ته ان شيطان مثل آهي جيڪو ُاستاد جي پيشي ۾ بد ديانت ٿو ڪري ۽ علم ته نٿو ڏي پر پنهنجي دُنياوي ضرورتن لا وياساگهاتيون ڪري پنهنجيون ۽ پنهنجن ڀوتارن جون گهرجون پوريون ٿو ڪري، شيطان وانگر ، جنهنکي الله علم ته ڏنو پر هن اُن علم جو غلط استعمال ڪيو ۽ الله جي سيکاريل علم جي مخالفت ۾ غير فطري عمل ڪرائي ٿو. ۽ انسان کي چرس، ڀنگ، آفيم، وڏيرن جي گهوسٽ اسڪولن جي رکوالي، پاٿاريداري، ڪرڻ سان گڏوگڏ ماستري يا ٻين ڪوڙين نوڪرين جا آرڊر (اهي گهوسٽ اُستاد ئي ورهائيندا آهن) ۽ اوهان کي هر هوٽل ، ڪچهريءَ ۾ آسانيءَ سان ملي ويندا. پوءِ ڪي پنهنجي گهوسٽ ماستري بچاءَ لاءِ ميڊيا (اخبارن ۽ چئنلن) جو به سهارو وٺندا آهن ۽ ڳوٺن جي اسڪول ۾ رهي به شهرن ۾ اخبارن ۽ چئنلن لاءِ ڪم ڪندآهن، عزتدارن جي پڳڙي به لاهڻ ۾ عار محسوس ڪونه ڪن ۽ بليڪ ميل ڪري پئسا به اوڳاڙين،اخبارن، مئگزينن، ٽيوي چينلن جي آڌار تي اثر رسوخ وارن سان لهه وچڙ ڪن ۽ پوءِ هڪ گروپ جوڙي علم ۽ ميرٽ وارن جو رستو بند ڪندا آهن. انهن کي چئبو آهي گهوسڙو اُستاد. انهن جي سڃاڻپ جي خاص نشاني (ڇاپ يا ٽريڊ مارڪ) آهي (موالي ڪلچر). جنهن آڌار تي هي جُڙن به ته ٿڙن به.

RESPONSIBLES OF DESTRUCTION OF EDUCATION IN SINDH (GHOST TEACHERS)
تمام بهترين موضوع ڇيڙيل آهي ۽ هر ڪنهن کي، هر ڪنهن اشو تي ته ڳالهائڻ جي ۽ لکڻ جي آرٽيڪل 19 تحت مُڪمل آزادي آهي ما سواءِ ذاتي ۽ شخصي تنقيد تي جنهن ۾ ڪنهنجي عزت نفس داءُ تي لڳي ٿي، اهڙي صورت ۾ قانون موجب، شهادتون پيش ڪري ٻنهين ڌُرين کي قانوني چاره جوئيءِ سميت (سُو) به ڪري سگهجي ٿو. مضمون قومي اشو تڏنهن بڻجي ٿو، خاص طور جڏنهن سنڌيت ۽ قومي شعور داءَ تي لڳل هُجي. جنهنجو گُنهگار اُهو اڻ سيکڙاهٽ ۽ معمولي پڙهيل ليکڪ، اديب ۽ شاعر ۽ گهڻي ڀاڱي گهوسٽ اُستاد آهي جيڪو سنڌي ميڊيا ۾ به ته سرڪاري اسڪولن، ڪاليجن ۽ يونيورسٽين ۾ جاءِ وٺي ٿو پر فرض جي ادائگي نٿو ڪري. ۽ اها ٽهي جيڪا عشق مشق ۽ ڀنگ سُوٽي ۽ ٺري ۾ وڦلجي سنڌي ٻولي، رسمن، رواجن، تهذيب ۽ تمدن سان گڏ صحيح سنڌي تاريخ سان کلواڙ ڪري ٿو. انهن ڪرتوتن جي ڪري ئي ۽ اثر رُسوخ سان علم ، ادب ۽ تعليمي ميدان ۾ گهسڻ وارن گهڻي ڀاڱي سنڌي ٻوليءَ جو خانو خراب ڪيو آهي. جنهن ۾ بلخاص سنڌي اصلي رسمن، روايتن ۽ تهذيبن کي ڪڍي، هلاڪو خانن، جابلي جاگيردارن ۽ ڌارين (غير سنڌين) قومن ۽ جي جاهل پڻ کي(جهڙوڪ ڪارو ڪاري ڪلچر، مفت ونگار وٺڻ، ڌاڙيلگيري، موالي ڪلچر وغيره)۽ غير اسلامي دينن کي (نبي جو سيکاريل دين، ّجيڪو اڳيان آندو ويو خلفاءِ راشدين، تابعين ۽ طبع تابعين) طرفان، مُسلم ۽ غير مُسلم سنڌي ڪلچر مڪس ڪري پيش ڪجي ٿو. هتي هن اشوز تي جهڙيءَ به طرح، (صحيح يا غلط) بحث به لازمي آهي ته اڀياس ڪري اصليت تي پهچجي. مُسلم سنڌي ۽ هندو سنڌي ڀلي پنهنجون رسمون ۽ رواج گڏ کڻي هلن پر اُهي ڌار ڌار پيش ٿيڻ گهرجن جن ۾ يڪسانيت يا مذهبي ڇيد نه هُجي. ڇو جو سنڌ ۾ خراب ۽ نه هُجڻ جهڙو مُڪمل تباه و برباد ٿيل تعليمي نظام، سنڌ جي بقاءَ کي خطري ۾ وجهي ڇڏيو آهي ۽ ان جو ڪاڙن اُهي گهوسٽ اُستاد آهن، جيڪي يونيرورسٽين، ڪاليجن ۽ اسڪولن ۾ سرڪاري نوڪري ڪري به ڪونه ٿا وڃن ۽ خانگي اخبارن، ٽي وي چينلن تي يا ادارن ۾ پنهنجو گهڻو وقت ڏين ٿا ۽ قانون ۽ سول سروينٽ ۽ سروس ايڪٽ 1973 تحت پهرئين پنهنجي اداري کان اجازت ناهي ورتل. ته اهڙا ادارا، اخبارون، يا چينل جن کي خبر پوي ٿي ته فلاڻو گهوسٽ اُستاد سرڪاري ملازم آهي ۽ گڏوگڏ سندس اداري سان به واباستيل آهي ته اُهو به اوترو ئي مُجرم آهي جيڪڏنهن هو ان سرڪاري ملازم کان سندس اداري ۾ ڪم ڪرڻ جي پنهنجي اداري کان اجازت نامون ورتل نٿو پيش ڪري. ته ٻنهين پارٽين (اداري ۽ ڪم ڪندڙ سرڪاري ملازم) تي قانوني ڪاروائي ڪو به عاري ڪرائي سگهي ٿو. هن وقت اڪثريت گهوسٽ اُستادن جي آهي جيڪي پنهنجي اثر رُسوخ سان ۽ رشوتون ڏئي، تعليمي ڊپارٽمينٽس يا ايجيڪيشن سيڪريٽريٽ يا ايم.پي.اي، ايم.اين.اي، منسٽرن جي ڪارندن جي مدد سان ڪوڙيون نوڪريون وٺي ميدان تي لٿل آهن اُهي به سنڌ جي تعليمي ميدان ۾ ايترا ئي مُجرم آهن، جن جي ڪري ميرٽ سنڌي بيروزگار آهي ۽ سنڌي معاشرو به، غلط سنڌي ٻولي، الفابيٽ، محاورن وغيره سان پنهنجي ٻيڙي اهڙن ئي گهوسٽ اُستادن يا جيڪي اسڪولن ۽ ڪاليجن بدران، جرنلزم، رپورٽنگ، ٽي وي چينلن يا اخبارن ۾ ڪم ڪري رهيا آهن. اهڙن گهوسٽ استادن جي نشاندهي لازمي هُئڻ گهرجي ڇو جو اُهي قومي مُجھرم آهن ۽ سنڌي جو تعليمي نظام تباه و برباد ڪرڻ جا جوابدار به . اهڙن ناسورن کي سوشل ميڊيا تي پبلڪ ڪرڻ کان پوءِ سڌو سئنون لاڳاپيل ادارن کي لکت ۾ موڪلجي ته انهن گهوسٽ اُستادن کي يا رُشوت ڏئي آرڊر وٺندڙ اُستادن کي کي جيڪي ٻن سالن کان پوءِ هاڻ ننڊ مان اُٿيا آهن ۽ پنهنجا حق پيا گهرن، اُنهن جو احتصاب ڪرڻ سان گڏ، اُنهن خلاف عدالت ۾ به وڃڻ گهرجي ۽ قوم کي انهن قومي مُجرمن ۽ تعليم جي تباهي ڪندڙن کي هرگز معاف نه ڪرڻ گهرجي. جن وٽ ڪوڙيون يا سچيون ڊگريون ته آهن پر هو هڪ سٽ به لکي يا سمجهي نٿا سگهن ماسواءِ سياست، نوڪري وڪڻڻ ۾ ڀائيواري، اسڪينر ۽ ليزر پرنٽر جي مدد سان ڪوڙا نوڪرين جا آرڊر وغيره. اسان هر اُن ماڻهون سان گڏ آهيون جيڪو اهڙن سنڌ دُشمن ۽ قومي مُجرم ناسورن جي نشاندهي ڪري، واکو ٿو ڪري سنڌي ٻولي، سنڌي پُراڻي لکيل پٽي ۽ تعليمي نظام کي تباه ٿو ڪري. اسان چئنلن جي مالڪن ۽ اخبارن جي مالڪن کي به سنڌ جو واسطو ڏئي اپيل ٿا ڪريون ته اهڙن گهوسٽ اُستادن کي جيڪي ڪنهن به صورت ۾ سندن اداري سان لاڳاپيل آهن کي نوٽيس موڪلي ته هو پنهنجي سرڪاري محڪمي مان اداري جي هيڊ جي صحيح سان اجازت نامون آڻي ٻي صورت ۾ پنهنجا ٽپڙ گول ڪري ته بيروزگار ميرٽ سنڌي ان جاءِ تي اچي ۽ قومي ٻوليءَ جو تشخص وڌائي ۽ جهالت، غربت، مُفلسي مان قوم جي جان ڇڏائي.

 

وساڻ آء اڳ به ميسج ڪري چڪس فيسبوڪ تي ته اوهان کان معاملو مٿيرو آهي.

ڪجهه آء به اڳڀرو ٿيان

 

هي صاحب ذيشان خاصخيلي آهي. اي آر ٽي وي ٽنڊي محمد خان جو ضلعي رپورٽر. پرائمري استاد آهي پر صاحب اسڪول نه ويندو آهي. ٽريزري آفيس ۾ اڳ ئي ڪرپشن جو ڪيس هليس پيو پر سڀ ڊڄنس ٿا ڊسٽرڪٽ رپورٽر ۽ صحافي جو آهي.

ابل اسڪول جي، ٻارن جي ۽ سنڌ جي پارت ٿي .... ٻيلي سگهو اسڪول ور

 

هن همراهه سان ملو، علي محمد عرف علي ٿهيم، ٽنڊو آدم جو صحافي گذريل 10 سالن کان ڳوٺ حاجي خان ٿهيم جو استاد آهي پر ڪڏهن اسڪول ڪونه ويو آهي.

يار سنڌ جي پارت ٿي ، ٻيلي ڏاهو ٿي، استادن کي بدنام نه ڪري اچي ٻار پڙهاء​

 

ماجد مقصود

سوشل ميڊيا تي گوسڙو ماسترن خلاف مهم پنهنجي زورن تي آهي. الاهي ماڻهو ان ناسور خلاف لکي رهيا آهن. ماڻهو سمجهن ٿا ته سوشل ميڊيا سنجيده ۽ غير سنجيده ماڻھن جو پليٽ فارم آھي جنھن تي لکڻ سان ڪو به فرق نه پوندو، گذريل ڪيترن ورهين کان تعليم جي شعبي ۾ سنڌ جي تعليم جي تباھي ڏسڻ جهڙي آهي. سنڌ جي وڏن وڏن گوٺن ۾ اسڪول بند ملندا آھن ۽ ماستر پگھار ته حڪومت کان کڻندا آھن پر نوڪريون يا ڪنھن ٻئي نجي اداري ۾ ڪندا آھن ۽ ڳوٺن جا معصوم ٻار گدرا ۽ ڦٽيون پيا چونڊين يا ڳوٺن ۾ گھمندي نطر ايندا آھن. سنڌ کان ٻاھر رھندڙ دوستن سان به ان مسئلي تي ڳالھائبو ته اهي ڏسڻ ۾ پاڻ سنڌ جي تعليم تي تمام پريشان، پر افسوس ته سنڌ ۾ رھندڙ ھر طبقي جا ماڻھو ھن ڪرپٽ تعليمي نظام جو ڪنھن نه ڪنھن حوالي سان يا ته فائدا وٺندڙ رھيو يا وري خاموش تماشائي.

· سوشل ميڊيا سڀ کان پھرين سنڌ جي وڏن رائٽرز کي مخاطب ٿيندي لکيو ته اوھين سنڌ جي سياست تي روز وڏا وڏا ڪالم لکندا آھيو پر سنڌ ۾ تعليم حاصل ڪندڙ عمر جيترا ٻار اسڪولن کان ٻاھر آھن، اوھين ان تي ڇو نٿا لکو، ڪجھ ته چوندا ھئا اھو حڪومت جو ڪم آھي ڪجھ وري روائتي قسم جو ڪالم لکي چوندا ھئا ته سائين اسان لکيو آھي، پر انھن معاشري جي انھن ماڻھن جو پنھنجي ڪالمن ۾ ڪڏھن به اشارو به نه ڪيائون جيڪي سنڌ سنڌ ڪندي نه ٿڪندا آھن، پر سنڌ جي تعليم کي تباھ ۽ برباد ڪري رھيا آھن، ڇو ته اھي اسان جا وڏا رائٽر ھن سنڌ جي تعليمي تباھي ۾ ڪنھن نه ڪنھن حوالي سان پاڻ ملوث ھئا، ڇو ته گوسڙو استادن جو تمام وڏو تعداد انهن ليکڪن سان پڻ واسطو رکي ٿو. يا وري يونيورسٽين ۾ سياسي پروفيسر آھن، مرد توڙي مايون، جيڪي پاڻ يونيورسٽين ۾ ٻارن کي پڙھائڻ لاءِ تيار نه آھن، ۽ حقيقي نموني سنڌ جي تعليم کي تباھ ڪري رھيا آھن انھن جو ڪير به نالو نه پيو وٺي. ٻيو ھڪ وڏو طبقو گوسڙو ماسترن جو صحافي لڏي ۾ آھي، تنھنڪري انھن دوستن به ان تباھي تي خاموش رھڻ ۾ پنھنجي ڀلائي سمجھي. تنهنڪري پھريون ٽارگيٽ اھي ڌريون هجڻ گهرجن جيڪي ھن تباھي تي خاموش ھئا.

· ان ۾ ڪو به شڪ نه آھي ته تعليم جو حق ڏيڻ حڪومت جي ذميواري آھي پر بدقسمتي سان اسان جو حڪومتون ايتريون مضبوط ڪڏھن به نه رھيون آھن جيڪي ھن ڪرپٽ نظام خلاف ڪي پاپولر فيصلا ڪري سگھن. گذريل پي پي جي دور ۾ تعليم کاتي ۽ تعليم جي وزير ۾ پاڻ ۾ نه ٺهڻ جي باوجود پير مظھر ڪجھ تعليم لاءِ چڱا ڪم ڪرڻ پئي چاھيا پر ھو نه ڪري سگھيو، ان جو سبب صرف ۽ صرف حڪومتي ماڻھن جو پاڻ ۾ تڪرار ھو، تعليم جو وزير، سيڪريٽري ۽ وزير اعلي ڪڏھن به ھڪ پيج تي نه رھيا ، جڏھن وزير چڱو ڪم ڪرڻ پئي چاھيو ته وزير اعلي ان تي عتبار ڪونه پئي ڪيو ۽ وزير اعلي اگر ڪجھ ڪرڻ پئي چاھيو ته وزير ان جي مدد نه پئي ڪئي، ان جو پرپور فائدو تعليم دشمن ۽ ڌارين ورتو، انھن جي ڪرپشن تي ڪنھن جي نظر به ڪانه وئي ۽ اسان جا ھمراھ پاڻ ۾ وڙُھندا رھيا. گھڻو ڪري تڪرار انا ۽ عدم برداشت جو ھو تنھڪري آّخر ۾ پير مظھر به ڌڪ ڪري ويو ۽ جعلي ڀرتيون ڪري سنڌ تي ھڪ داغ لڳائي ويو. تنھنڪري مان سمجھندو آھيان سنڌ جي تعليم جي جيڪا تباھي ٿي چڪي آھي اُھا حڪومت اگر چاھي به تڏھن به اڪيلي ڪجھ نه ڪري سگھندي ۽ ان ۾ سنڌ جي سڀني پڙھيل لکيل ماڻھن کي پنھنجو پنھنجو ڪردار ادا ڪرڻو پوندو. سوشل ميڊيا تي هلندڙ مهم ۾ سنڌ جي ماڻھن جو ھڪ زبردست جذبو آهي جو اڄڪلھ گوسڙو ماسترن جون ننڊون حرام ٿي ويون آھن، ماڻھن گوسڙو ماسترن جون تصويرون ۽ ان سان تعليم دشمن ۽ سنڌ دشمن نالا ڏيئي شيئر ڪن ٿا ۽ سنڌ ۾ ھزارن جي تعداد ۾ سوشل ميڊيا استعمال ڪندڙ ماڻھو ان کي پسند (لائيڪ) ، شئير ڪري ۽ تبصرا ڪن ٿا اھڙي طرح ان گوسڙو ماسترن جو فوٽو پوري سنڌ جي ماڻھن ۾ مشھور ٿي وڃي ته ھي وڏا ماڻھو به سنڌ ۾ گوسڙو رھيا آھن. ڪجهھ ماڻھو اڃان به چون پيا ته ھن سوشل ميڊيا مھم جو ڪو فائدو ڪونه ٿيندو پر ھن مھم جا ڪجھه فائدا ضرور ٿيندا جنھن جو سنڌ جي تعليم تي وڏو اثر پوندو، جيڪي ھيٺ ڏجن ٿا.

1) ھڪ ته ھي سڀ گوسڙو ماستر پوري سنڌ جي اڳيان نروار ٿي چڪا آھن تنھڪري حڪومت اگر ھنن خلاف ڪو ايڪشن کنيو ته ان کي معاشري جا ماڻھو تسليم ڪندا .

2) سنڌ جي سڀني ماڻھن کي اھا خبر پئجي ويندي ته سنڌ جي اڌ آبادي جيترا ٻار تعليم نه پيا وٺن ان جا ڪھڙا سبب آھن ۽ ماڻھو حڪومت تي ايڪشن کڻڻ لاءِ دٻاءُ وجھندا.

3) اُھي وڏا رائٽرز جيڪي تعليم لاءِ روائيتي آرٽيڪل لکندا ھئا ھاڻي اُھي کُلي ڪري لکندا .

4) اُھي اين جو اوز جيڪي ان معاملي تي خاموش هيون سي پڻ تعليم بچائڻ ۾ پنهنجو ڪردار ادا ڪنديون.

5) معاشري ۾ گوشرو ماسترن کان عوام نفرت ڪندا.

6) ھر ماڻھو گوسڙو ماستر کان پڇا ڪندو ته ڪڏھن ٿو اسڪول وڃي ۽ گهڻا ماستر اسڪول ضرور ويندا.

ھڪ ننڊڙي سوشل ميديا مھم جا ايترا فائدا ٿين اُھا ڪنھن معاشري لاءِ تمام وڏي ڳالھ آھي، جيڪا تاريخ ۾ ضرور سٺن لفظن ۾ ياد ڪئي ويندي.

 

گوسڙو ماستر معاشري جو ناسور آهن.

انهن کي ظاهر ڪيو ۽ پنهنجو قومي فرض پورو ڪيو.

 

هي شخصيت ڏاڍي غريب آهي پر هاڻي بنگلو ٺاهڻ ۾ ڪامياب وئي آهي. ڪار به اٿس

هارون گوپانگ، هاء اسڪول بدين جو ورڪشاپ انسٽرڪٽر استاد آهي. اسڪول ڪونه وڃي صرف پگهار کڻي. ڪي ٽي اين ۽ ڪاوش جو نمائندو آهي.

واهه ڙي علي قاضي توهان جي ڏنل تبديلي،

 

سياسي قومي پارٽين جي ورڪرن به گهٽ ناهي ڪئي.

هي آهي آچر چنا، ترقي پسند پارٽي ڄامشوري جو صدر. مانجهند تعلقي جو گوسڙو ماستر. هي اسان کي سنڌ جا حق وٺي ڏيندو

​