فيس بوڪي ڌماچوڪڙي. چڱو جو اسان ڪا شيء ايجاد نه ڪئي ايمان ۾ خلل پئي ها... ڪافرن ڪافي خرافات ايجاد ڪيون آهن.. جينئن موبائيل فون، انٽر نيٽ، ڪمپيوٽر وغيره اسين انهن جو بيجا ۽ بي ڍنگو استعمال ڪري انهن کان خوب بدلو پيا وٺون. فيس بوڪ به ڪافرن جي ٺاهيل آهي. اسان جي مرضي ڪيئن به استعمال ڪيون. پر هڪڙي ڳاله ضرور تسليم ڪبي ته فيس بوڪي اوطاق ۾ اچڻ جو دروازو آهي، باقي واپسي جو ڪو چانس ڪونهي. ڀنگ جي نشي وانگر ٿڌو ۽ دير تائين هلندڙ نشو. صبح جو چانه پي فيس بوڪ تي ويهو اتي سلام دعا سان گڏ قران ، حديث ، حالات حاضره، اخبار جون تازه ترين سرخيون، انٽرٽينمينٽ ، راند جون خبرون، شعر ۽ شاعري، راڳ رنگ آخر ۾ مُلن تي، سنڌين تي، پاڻ تي ۽ دنيا تي لعنت ملامت ڦتڪار سميت هر رنگ مليو وڃي. پوء پيسا ڀري اخبار ڇو وٺون؟ هڪ اندازي موجب مون سميت هر ماڻهو روزانه جي بنياد تي باقائدگي سان 50 کن لائيڪ، 30 کن شيئر ۽ 20 جي لڳ ڀڳ ڪمنٽس ڪري ٿو. دوستن کي راضي جو ڪرڻو آهي. هڪڙا هڻن ٻيا کڻن. موت، بيماري حادثي جي خبر ته به ”لائيڪ“...اصل مزو لڳو پيو آهي. مختلف سوچ رکندڙن جا گروپ ٺهيل آهن جيڪي هڪ ٻئي کي وٺي کڻن ٿا جو اڳلي جو مٿو خراب ٿيو وڃي. Awesome هڪ اهڙو لفظ آهي جو هر پوسٽ تي ٺهڪيو اچي . روزمره ۽ هلڪي ڦلڪي موضوع تي ڪو ڳالهائڻ لاء تيار نه آهي. الله خوش رکي ٽيگ ڪرڻ وارن کي ڪنهن کي ان موضوع ۾ دلچسپي هجي يا نه هرو ڀرو ٽيگ ڪري گهليندس....... فيس بوڪ جو سڀ کان مزيدار آئيٽم ڪوڙي آئي ڊي وارا عورت نما مرد آهن ...عورت جي خوبصورت تصوير رکي سوين دوست ٺاهيو هڪڙي پوسٽ ڪندا ”مين آج حيدرآبادجا رهي هون“ پوء ته سائين 700 لائيڪ ۽ ڪمنٽس هي هي هاها..... سڀ کان مسڪين طبقو اهڙن شريف ۽ عالم فاضل دوستن جو آهي جيڪي واقعي به ڪجھ سکڻ يا سيکارڻ اچن ٿا وڏي عرق ريزي سان ڪا چيز تيار ڪري پوسٽ ڪن ٿا کين ٻه ٽي لائيڪ ته مليو وڃن پر گھاگھه قسم جي فيس بوڪين ۾ اچي ٿا ڦاسن . جينئن ”رضيه غنڊون مين پهنس گئي“... اهڙو غير ضروري ۽ غير متعلقه بحث ۾ الجھائيندس جو همراه فيس بوڪ ڇڏي الله الله ڪندو وتندو. فيس بوڪي فلاسافر اسان کي پنهنجو فلسفو ٻڌائين ٿا جنهن جي هر حالت ۾ آمين ڪرڻي آهي نه ته چڙيو پون ” مان جتي ڳالهايان پيو تون ان تائين پهچي به نه ٿو سگھين“ ڪي فيس بوڪي درويش آهن جيڪي صحيح معني ۾ خلوص سان پنهنجي سوڇ ۽ ڄاڻ ۽ شوق مطابق ڪم ڪن ٿا پنهنجو هم ذوق حلقه احباب تيار ڪن ٿا، پسند ناپسند، حوصله افزائي جي پرواه ڪرڻ بغير ڪم ۾ مگن رهن ٿا، کين دوست به ملنگ مليو وڃن ... هي فيس بوڪ جي دنيا اهڙن سان آباد آهي ..منهجا اهڙا مخلص ملنگ دوست شل شاد و آباد رهن.
پر ان نشي مان جان ڇڏائڻ ڏکيو ضرور آهي ناممڪن ناهي. .آء جون 2014 ۾ ان نشي ما ن جان ڇڏائي.قيمتي وقت جي لاء فيس بڪ زهر قاتل آهي.
زبردست ادا قريشي شبير احمد ......سوشل نيٽورڪ ٽيڪنڪل نيٽورڪ آهي زندگي ۾ جتي انسان روبرو دوکو کائي ٿو ته اتي پسي پرده رابطي ۾ ته دوکو لازم آهي چند اهڙا ماڻهون ملندا جن کي ڪنهن مان به ڪي مطلب ناهن هوندا سواءِ ڪجهه سکڻ پڙهڻ جي...مان ايترو چوڻ چاهيندس ته اسان جي وچ ۾ ڪيڏا به عقابر رهندا هجن پر ڊگهي پرک رکڻ باوجود به دوکو کائي ويندا آهن انهن جو ڪو ڏوهه ناهي بس هو اهڙن ماڻهن کي پنهنجو قيمتي ڌيان نه ڏيندا ڪن اهڙن ڄارن ۾ عقلمند جو ڦاسڻ جا سبب هي به آهن ته اسان مان هر انسان وٽ مصروفيت ناهي ٻيو ته انٽرٽيلمنٽ نه هوئنڻ جي برابر آهن.. ٻاهرين ملڪن ۾ ته گهر آئي مهمان کي سلام دعا ڪري وري ڪتاب پڙهڻ لڳي ويندا چاهي مهمان جيڪو سمجهي پر هتي جيستائين ڪلاڪن جا ڪلاڪ مهمان کي انٽرٽلمينٽ نه ڪجي تيستائين لڳيا پيا هجو ڀلي توهان جا ڪيترا ڪم سريل ڇونه هجن........رهي ڳالهه فيس بوڪ جي ته هي نشو به وقت سان گڏ جلد ختم ٿي ويندو ته جئين موبائيل جو جهان آهستي آهستي ختم ٿيندو پيو وڃي ۽ ماڻهون سمجهي ويا آهن ته رانگ نمبر جو مطلب ڇا آهي.... ائين فيس بوڪ مان رانگ نمبر جلد ختم ٿي ويندا..
فيس بُڪ ۽ گوگل سميت ڪيتريون ئي انٽرنيٽ ڪمپنيون پنهنجي يوزرجي باري وقتا فوقتا سروي ڪنديون رهنديون آهن. ايستائين جو ڪڏهن ڪڏهن ڪنهن شيءَ جي ڳولا ڪندا آهيون ته انهي شيءَ جي باري ۾ جيڪي اشتهار هوندا آهن کڻي اسان جي اڳيان رکنديون آهن. اهي ڪمپنيون اسان جي نفسيات کان به واقف هونديون آهن. اسان جهڙي سوچ رکندا آهيون، اسان کي اهو ئي مواد پيش ڪن ٿيون...
هي وٺو فيس بوڪ جي نشي مان جند آجي ڪرڻ لاء ٽڪيون هڪ صبح جو پاڻي سان وٺو ۽ هڪ شام جو توهان جو مسئلو حل ٿي ويندو
فيس بوڪي فلاسافر اسان کي پنهنجو فلسفو ٻڌائين ٿا جنهن جي هر حالت ۾ آمين ڪرڻي آهي نه ته چڙيو پون ” مان جتي ڳالهايان پيو تون ان تائين پهچي به نه ٿو سگھين“ فيس بوڪ تي هر تحرير تي آمين ھا سهي سٺو چوڻو آ ڪافي سٺو لکيو اٿو سائين
