انتظار

نرس : هي ايمرجنسي ۾ ڪنهنجو آپريشن پيو ٿئي ؟
وارڊ بوا : ميڊم هڪ غريب ماڻهو جو ! هي جڏنهن گولف ڪورٽ وٽان گُذري رهيو هو ته هن کي اوٻاسي اچي وئي. سيٺ ڪريم داد جڏنهن بال کي زور سان اسٽڪ هنئي ته بال اڏامي سڌو ندس پيٽ ۾ هلي ويو.
نرس : هون ! ته هو آپريشن ٿيٽر کان ٻاهر جيڪوشخص بيچيني سان چهل قدمي پيو ڪري ، شايد ان جو ڪو ويجهو مٽ يا عزيز آهي.
وارڊ بوا : نه ميڊم ! اهوئي ته سيٺ ڪريم داد آهي . انتظار پيو ڪري ته آپريشن ڪڏنهن ختم ٿيندو ته هو پنهنجو بال کڻي هلندڙ راند مُڪمل ڪندو.