تو کان پوءِ بادل برسيا

[نجيب جروار]

تو کان پوءِ بادل برسيا،

نيڻ اڃارا تو لاءِ ترسيا

شهر سڄو ٿي دشمن بيٺو

پٿر پٿر لڱ تي برسيا.

پل پل منهنجون پڪارون تو لاءِ

شهر سڄي ۾ پڇائون تو لاءِ

تو لاءِ اندر ۾ شعلا ڀڙڪيا

تو کان پوءِ بادل برسيا.

تنهنجو ڇا وڃڻ ٿي ويو

شهر سڄو ڄڻ ڀسم ٿي ويو

چئوڪ چئوڪ ۾ مون تي چرچا

تو کان پوءِ بادل برسيا

هاڻ حياتي ويراني ۾

گذري ويندي ڪنهن مئيخاني ۾

سورن جا هن مون تي سٽڪا

تو کان پوءِ بادل برسيا