جواب: ” منهنجي امڙ “ ادا نثار ابڙو صاحب اسلام عليڪم۔دنيا ۾ ماء جهڙي ڪا عظيم هستي نه آهي۔قران شريف ۾ بار بار والدين سان سٺو سلوڪ رکڻ جي تاڪيد ڪئي وئي آهي۔اسان جي نبي سڳوري جو به فرمان آهي ته پنهنجي ضعيف والدين کي آف به نه چئو ۽ هنن سان تيز لهجي ۾ نه ڳالهايو۔ماء جهڙي عظيم هستي جو گهر ۾ هجڻ جي ڪري،الله پاڪ جي بي شمار رحمتون جو نزول ان گهر تي ٿيندو آهي۔ ماء جو ڪو به نعيم البدل نه ٿو ٿئي سگهي۔ماء جي هڪ رات جي اوجاڳي، ٻار جي ننڍپڻ ۾، جو قرض اهو ٻار جوان ٿيڻ تي لاهڻ جي قابل نه هوندو آهي۔ماء جي عظمت جو اعتراف ٻين مذهبن جي ڏاهن به ڪيو آهي۔ونسٽن چرچل هڪ پبلڪ خطاب جي دوران چيو ته اوهان مونکي هڪ سٺي ماء ڏيو۔مان توهان کي هڪ سٺي قوم ڏينديس۔اسان جي والده ته هن فاني دنيا مان منهن مٽائي هليون ويون آهن،پر جنهن به اسان جي دوست،ميمبر،سڄڻ جي والده زنده آهن،مهرباني ڪري هن سان تمام سٺو سلوڪ ڪن،هن کي ڪنهن به قسم جي تڪليف نه ڏين،بزرگن جو فرمان آهي جنهن والده جي دل ڏکوئي ،ان الله پاڪ جي عذاب کي دعوت ڏني۔سائين منهنجا اوهان جي اڄ ماء جي عظمت تي ونڍ ڪيل تصوريون ۽ ليک،پوين ليک کي گڏائي پڙهڻ سان،اسان کي اسان جي مٺڙي والده مرحوم جون ياديون تازا ڪرائي ڇڏيون۔
جواب: ” منهنجي امڙ “ رب العالين دنيا جي امڙين کي صحت ۽ تندرستي عطا فرمائي ۽ انهن جي اولاد کي انهن جو فرمانبردار ۽ خدمتگذار بڻائي .... ۽ جيڪي امڙيون فوت ٿي ويون آهن، انهن کي جنت ۾ اعلا مقام عطا فرمائي ... آمين ماءُ جي لفظ ئي اهڙو آهي جنهن کي نه ته تشريح جي ضرورت آهي ۽ نه ئي انجي اهميت تي ڪجهه چوڻ جي، دنيا جو هر انسان پئدا ٿيندي ئي جيڪو لفظ پنهنجي وات تي آڻي ٿو اهو آهي ” امان“ مونکي جيڪڏهن ڪنهن انسان کي سجدي جي اجازت ملي ها ته آءُ پنهنجي ماءُ کي سجدو ڪريان ها. جيڪڏهن الله تعالا مونکي پئدا ڪيو ته منهنجي ماءُ مونکي پالي تاتي جوان ڪيو ۽ دنيا ۾ هلڻ سيکاريو. جيڪڏهن فطرت مان مونکي بيماري لڳي ته امڙ مونکي ان سان وڙهڻ ۽ علاج ڪرڻ سيکاريو گرم موسم جيڪڏهن منهنجي پيرن کي گرم ڪيو ته امڙ منهنجي پيرن هيٺان پنهنجا هٿ رکيا، جي منهنجا هٿ ٿڌا برف ٿيا ته امڙ منهنجن هٿن کي پنهنجن هٿن ۽ بگلن ۾ وجهي گرم ڪيو. امڙ کي مون پاڻ سان ايترو پيار ڪندي ڏٺو جو هوند موت به اچي ها ته امڙ ان سان وڙهي پوي ها ... پر افسوس جو جڏهن امڙ کي موت آيو ته اسين ان سان وڙهي نه سگهياسون. شايد اسانجي وس جي ڳالهه نه هئي.
جواب: ” منهنجي امڙ “ ادا نثار ابڙو صاحب اسلام عليڪم۔سچا آهيو ادا سچا آهيو۔ماء جهڙي عظيم هستي جو ڪوبه نعيم ابدل نه آهي۔اسان کان هر خوشِ وٺڻ سان جيڪڏهن اسان جي مرحوم والد واپس اچي سگهي ٿي ته اها ان عظيم هستي جي واپسي جي ڪا قيميت نه چئبي۔ماء انمول اهي۔ماء توکي سلام۔
