ٻن مختلف ميون جو هڪ ئي نالو (منهنجي رهنمائي ڪندا)

[شاهجهان سُميل]

اُميد ته دوست خيريت سان هوندا.

هن موضوع کي شايد مون ڪجهه دوستن سان پهرين به ونڊ ڪيو هو پر ٻيهر اوهان دوستن جي رهنمائي گهربل آهي. مان ٻولي جو هڪ طالبِ علم آهيان ۽ غير سنڌي معاشري ۾ عمر جو گهڻو حصو گذارڻ ڪري مون وٽ ٻولي جو اهو ذخيرو ناهي جنهن تي ڪڏهن ڪڏهن مونکي پشيماني پڻ ٿيندي آهي. انهي ڪري مون کي ٻن مختلف ميون جو هڪ سنڌي نالو به پريشان ٿو ڪري جيڪو شايد ائين نه هجي پر اسان ننڍي هوندي انهن کي هڪ ئي نالي سان سڏيندا ٿا اچون.

زيتون جنهن کي اردو ۾ به "زيتون" سڏيو ويندو آهي ۽ انگريزي ۾ Olive
پر هڪ ٻيو ميوو جنهن کي اردو ۾ "امرود" ۽ انگريزي ۾ Guava سڏيندا آهن ان کي به اسان ننڍي هوندي کان زيتون ئي سڏيندا اچون ٿا.

ڇا Guava جي ڪو سنڌي نالو آهي جيڪو مون شايد ٻڌو اڻ ٻڌو ڪيو هُجي يا کيس زيتون ئي سڏيو ويندو آهي.. دوست رهنمائي ڪن.

 

[عبدالغني لوهار]

ادا اسان به ننڍپڻ کان زيتون ئي سڏيندا آهيون ، ۽ نج سنڌي معاشري ۾ ننڍپڻ کان تربيت حاصل ڪئي آ وڌيڪ ٻولي جا ماهر ئي صحيح رهنمائي ڪري سگهن ٿا

 

[سليمان وساڻ]

اهو سوال مون به ڪجهه دوستن اڳيان رکيو هو ....
جواب مان خوش ڪونه هيس .....

 

[سائين بخش چانڊيو]

جام

 

[Bakhsh Jogi]

سنڌيلا جي ڊڪشنري موجب Guava يا زيتون جو ٻيو نالو جام آهي.

 

[شاهجهان سُميل]

قرب ادا سائين بخش ۽ بخش جوڳي.... مون کي ڪنهن دوست ڄام ڦل سندس نالو ٻڌايو هو پر مون ڪنهن جي واتان ڄام ناهي ٻڌو اڃ تائين. اوهان حوالن سان واضح ڪيو، قرب.