• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

سنڌ اڃا ڪيترو ڀوڳيندي؟

رشيد سمون

Founder
انتظامي رڪن
منتظمِ اعلى
روزاني ڪاوش تي محترم عزيز اسلام جو پڇيل سوال سڀني ساٿين سان سَلي رهيو آهيان۔۔۔۔ سڀ کان پهريان توهان سندس پڇيل سوال کي غور سان پڙهو پوءِ پنهنجي راءِ کي وضاحت سان ٻڌايو جيئن سموري سنڌي ساٿ کي سنڌ سان ٿيندڙ هڪ ٻي نا انصافي جي سُڌ پئجي سگهي۔۔۔۔

سنڌ اڃا ڪيترو ڀوڳيندي؟​

اسان کان اڃان 1947ع واري لڏ پلاڻ ئي نه وسري آهي، ته هينئر وري سوات متاثرين جو رخ سنڌ ڏانهن آهي، اسان کي بحيثيت هڪ انسان ساڻن ڪافي همدرديون آهن، ڇاڪاڻ جو هو پنهنجا ٺهيل ٺڪيل گهر برباد ٿيندي ڏسي آيا آهن، پنهنجي پيارن کي تڙپندي ۽ مرندي ڏسي آيا آهن، پر سڀ کان وڏي ڳالهه اها آهي ته اسان تصوير جي صرف هڪ رخ کي ڏسي رهيا آهيون، جڏهن ته ان جو ٻيو رخ سوات جي منظرن جهڙو ڀيانڪ پڻ ٿي سگهي ٿو، ڇاڪاڻ جو اسان اهو نٿا ڄاڻون ته انهن پناهگيرن مان ڪيترا طالبان آهن ۽ ڪيترا عام ماڻهو؟ اسان کي اها به ڪل ناهي ته اڄ جن کي اسان جيءُ ۾ جايون ڏئي رهيا آهيون سي سڀاڻي شايد اسان جي ئي نياڻين جي تعليم بند ڪرائين ۽ اسان کي 1400 سال پراڻي دنيا ڏانهن ڌڪڻ جي ڪوشش ڪن! هي مسئلو تمام حساس آهي، جنهن بابت اسان ڪجهه چئي نٿا سگهون، هن وقت سنڌ جي ڪافي شهرن ۾ پناهگير پهچي چڪا آهن، جنهن ۾ حيدرآباد جي آس پاس جا ڳوٺ، ڪوٽڙي ۽ ڄامشوري سميت ٻيا شهر به شامل آهن، خير هي وقت سنڌ لاءِ تمام ڏکيو آهي، ڇاڪاڻ جو سنڌ اڳي ئي لساني جهيڙن ۽ قبيلائي تڪرارن جي ور چڙهيل رهي آهي ۽ هاڻي ڪٿي ائين نه ٿئي ته سنڌ جو عوام به انتهاپسندي جي ور چڙهي وڃي، ڇو ته جن ماڻهن مذهب جو ٺيڪو کنيو آهي سي پنهنجي نظريي واري ڪيسيٽ وڄائڻ بند ڪونه ڪندا، تنهن کانسواءِ هڪ ٻي ڳالهه اها آهي ته 1947ع واري لڏپلاڻ سبب آيل پناهگير ڀائرن کي ”پاڪستان آگي هي“ چوڻ وارو پنجاب هاڻي ان صورتحال کي ڪيئن منهن ڏيندو؟ جڏهن لکين پناهگير پنجاب جو رخ ڪندا ته ٿي سگهي ٿو ته ”وڏو ڀاءُ“ هاڻي به ڪو حربو هلائي انهن کي سنڌ جو رستو ڏيکاري، ڇاڪاڻ جو سنڌ ته اها ڌرتي آهي، جتي ڌرتي ڌڻي دربدر ۽ ڌاريا موجون ڪندا آهن.

عزيز سلام پنهور/حيدرآباد
 
ادا، سنڌ امڙ جو الله آهي، بس ڏک جلد ئي دور ٿي ويندا۔
اگر اسان جا ڪامورا سنڌ امڙ سان سچا ٿين ته سنڌ واقعي سنڌ لڳندي۔
 
ڀاءُ رشيد سمون
اسان سنڌي ڀائر سنڌ کي ايترو مظلوم ڪري ڇو ٿا پيش ڪيون جڏهن ته سنڌ جي تاريخ هزار سال پراڻي آهي سنڌ جي ڌرتي تي عظيم هستين جنم ورتو آهي سون جي تعداد ۾ ايندڙ پناهگير اسان تي قابض ٿي ويندا اسان رڳو احساس ڪمتري جو شڪار رهندا سين
هئير به توهان سنڌ ۾ نظر فرايو ڌارين جو ڪيترو راڄ آهي پنهجي وطن ۾ پاڻ کي مظلوم ڇو ٿا تصور ڪيون اسان بجائي انهي جي ته پنهجي پاڻ کي مظلوم تصور ڪيون اسان کي گهرجي ته پنهجي نوجوانن ۾ علمي شعور پيدا ڪرڻ گرجي اسان سنڌي علم ۽ هنر جي ذريعي اڳتي اچون اسان خود سنڌي سنڌ سان ڪيترا وفادار آهيو؟ خصوصا تعليمي نظام ۾ ثقافتي نظام ۾ ۔۔۔وغيره ۔سنڌ ۾ خود اان جا سنڌي استاد آهن سڀ واڳون سنڌين جي هٿ ۾ آهن پوءِ پنهجي پاڻ کي مظلوم چوڻ کان بهتر آهي ته پنهجي سنڌ جي سڌاري لاءِ جاکوڙ ڪيون ۔
 

پر ادا سمان ظلم اهو ئي ته آهي ته اسان کي پنهنجن ماريو آ ادا۔۔ پراوا ڇا ڪندا۔۔۔ پڙهائي جو ٻيڙو غرق۔۔ سڀ ڪامريڊ ڪاپي ڪندا ۽ ٻين کي ڪاپي ڪرائيندا۔۔ ۽ پو وري سنڌ جي ڳالهه۔۔ سنڌ جي تاريخ جون ڳالهيون ڪندا۔۔ ادا ماضي ڀلي ڪيتري به ڀلوڙ هجي۔۔ مستقبل انهن ڪاپي ڪري پاس ٿيڻ وارن جي هٿن م اٿئي ماما۔۔۔

يار پاڻ ب ڪاپي ڪري پاس ٿياسون۔۔ انٽرنيٽ هلائڻ اچي ويو۔ ان جي معنا اها ڪانهي ته اسان هوشيار آهيون۔۔ انڌاري آ ادا۔۔ صفا انڌاري اٿئي۔۔ باقي پاڻ کي خوش رکڻ لا ڀلي چئو ت سب ٺيڪ آهي۔ ڀالي چئو ادا۔۔ چوندو ره۔۔ پر سچ اهو اٿئي ت ڪجه ب ٺيڪ نه اٿئي
 
ايڊيٽر صاحب
اڃا وقت ويو ناهي اوهان جهڙا سجاگ نوجوان ايتري پيش قدمي ڪري سگهن ٿا اسان هن ئي فورم ذريعي پنهنجي سنڌي ماروئڙن کي بيدار ڪري سگهو ٿا اسان ڪيستائين ڪامورن جاغلام هوندا سين ڪيسستائين اسان وٽ ڪارو ڪاري ڪڌي رسمون وغيره ۔۔۔۔۔۔۔۔هلنديون هتي فورم ۾ اهڙن موضوئن تي چڳي طرح بحث ڪئي وڃي رڳو سافٽوئر شئر ڪرڻ تي زور نه هجي سافٽوئرن جون ته بازار ۾ کوڙ ساريون سي ڊيون موجود آهي پر سنڌ جي سجاڳي لاءِ فقط توهان جهڙا نوجوان ئي ڪجه ڪري سگهن ٿا ۔sadayeen gud
 
ايڊيٽر صاحب
اڃا وقت ويو ناهي اوهان جهڙا سجاگ نوجوان ايتري پيش قدمي ڪري سگهن ٿا اسان هن ئي فورم ذريعي پنهنجي سنڌي ماروئڙن کي بيدار ڪري سگهو ٿا اسان ڪيستائين ڪامورن جاغلام هوندا سين ڪيسستائين اسان وٽ ڪارو ڪاري ڪڌي رسمون وغيره ۔۔۔۔۔۔۔۔هلنديون هتي فورم ۾ اهڙن موضوئن تي چڳي طرح بحث ڪئي وڃي رڳو سافٽوئر شئر ڪرڻ تي زور نه هجي سافٽوئرن جون ته بازار ۾ کوڙ ساريون سي ڊيون موجود آهي پر سنڌ جي سجاڳي لاءِ فقط توهان جهڙا نوجوان ئي ڪجه ڪري سگهن ٿا ۔sadayeen gud
ادا بلڪل سچ ٿو چئين.
 
Back
Top