ممتاز علي وگهيو
سينيئر رڪن
پي ٽي وي جا ڪجهه غير معمولي آرٽسٽ
پاڪستان ٽيليويزن ڪارپوريشن کي وجود ۾ آئي 45 سال کان وڌ جو عرصو گذري چڪو آهي، ان وچ ۾ ڪيئي تبديليون آيون ڪيترن ئي پي ٽي وي جي نون ڪرتا ڌرتائن، اصل تفريحي فيلڊ ڊرامي، موسيقي، ڪاميڊيءَ جهڙن پروگرامن تي راتاهي هڻڻ جي ڪوشش ڪئي پر عوام جي مقبول سلسلن ۽ ڪردارن کي اهي گهڻو وقت بندش هيٺ نه آڻي سگهيا، پي ٽي وي 45 ساله دور ۾ بليڪ اينڊ وائيٽ کان ڪلر ٽرانسميشن ۽ ڪل ستن ڪلاڪن جي ريڪارڊ نشريات کي 24 ڪلاڪن جي لائيو نشريات ۾ عملي شڪل ڏئي وڏو ڪارنامو انجام ڏنو هو.
ان ۾ رڳو پي ٽي جي ڪارڪردگي اهميت نه لهڻي بلڪ عالمي ليول تي ميڊيا، خاص ڪري اليڪٽرانڪ ميڊيا، پنهنجا اثر ڇڏيا، انهن جي روشنيءَ ۾ پي ٽي وي به ارتقا جا مرحلا طئي ڪيا آهن. پي ٽي وي ڪجهه غير معمولي آرٽسٽن جي فني ڪارڪردگيءَ تي روشني وجهندي، انهن جي فن، ڪردار نگاري، ادائيگي، مڪالمي ۽ ڊرامي تي سندس اثر واري رخ تي ڳالهائيندي.
شفيع محمد شاهه: شفيع محمد شاهه،
شفيع محمد شاهه، پنهنجي زندگيءَ جي آخري ڏينهن تائين پي ٽي وي جو مصروف ۽ مهانگو اداڪار رهيو هو هڪ ئي وقت سنڌي ۽ اردو ڊرامن ۾ پرفارمنس ڏيندو رهيو.
شفيع محمد، ڪراچي مرڪز جي مشهور ڊرامائي سلسلي ناٽڪ رنگ ۾ پڻ خدمتون انجام ڏنيون، هن جي ڪردار نگاري ڏسڻ وٽان هوندي هئي خاص ڪري جذباتي منظر ۾ ڪردار جو حصو ٿي ويندو هو، اصغر نديم سيد جي سيريل چاند گرهن جنهن ۾ شفيع محمد هڪ ئي وقت پير، زميندار ۽ سياستڪار جي روپ ۾ ڏسندڙن اڳيان هو.
محترمه نور الهديٰ شاهه جي سيريل جنگل ۾ شاهه صاحب هڪ مهاڻي جي ڪردار ۾ سامهون آيو آهي، توڙي جو اهو ڪردار ڪو وڏو نه هو پر ان ۾ به سندس پرفارمنس ڏسڻ وٽان هئي، چاند گرهن ۾ سندس ويجها ڪردار گوهر ۽ اصغر جا آهن، چاند گرهن پنهنجي دور جي مقبول۽ مشهور سيريل هئي، جنهن جي سڄي ٽيم کي ليکڪ سميت گهڻي پذيرائي ملي.
شاهه صاحب، سنڌي ڊرامي غلام ۾ پڻ هڪ وڏيري جي ڪردار ۾ خوب نڀايو آهي، هن لا تعداد ڳڻپ کان ٻاهر سنڌي ۽ اردو ڊرامن ۾ اداڪاري ڪري نالو ڪمايو، ٻه چار فلمن ۾ به ڪم ڪيائين جيئن ايسا ڀي هوتا هي، بيوي هو تو ايسي، تلاش وغيره.
شفيع محمد شاهه پرائيڊ آف پرفارمنس يافته هڪ ليجنڊ آرٽسٽ هو هن جي ٻين ڪو اسٽارز ۾ خالده رياست، بشريٰ انصاري، روبينا اشرف ، محمود صديقي، گلاب چانڊيو، سڪينه سمون وغيره رهيا.
محبوب عالم:
محبوب عالم، سنڌي فلمن ۾ ته اڳ ئي ايندو هو ڊرامن کان پوءِ اردو فلمن ڏانهن ويو، اتي کيس ڪم ته مليو پر کيس ڪا گهڻي پذيرائي نه ملي سگهي.
عظميٰ گيلاني:
هيءَ اڻ ڳڻين پنجابي ۽ اردو ڊرامن ۾ ڪردار نگاري ڪندي رهي. هڪ افغان مجاهدين جي موضوع تي ٺهيل سيريل پناهه هن جي ڪيريئر ۾ سنگ ميل جي حيثيت رکي ٿو. عظميٰ گيلاني پڻ لاتعداد ڊرامن ۾ پرفارمنس ڪندي، پنهنجو نالو ڪمايو، هن جي ساٿي آرٽسٽن ۾ قوي، عابد علي، فاروق ضمير، جميل ملڪ، علي اعجاز، فردوس جمال، شجاعت هاشمي، خالده رياست، صبا حميد، بيگم خورشيد شاهد وغيره کي ڳڻپ ۾ آڻي سگهجي ٿو.
سليم ناصر:
ترقي پسند ڊرامه نويس شوڪت صديقي جي سيريل ”جان گلوس“ پرفارمنس ڪندي، بسليم ناصر دل جي دوري سبب وفات ڪري ويو.
منصور بلوچ:
خالده رياست:
خالده رياست جي ٻين ساٿي فنڪارائين ۾ عظميٰ گيلاني، ثمينه احمد، ثمينه پيرزاده، ثروت عتيق، صبا حميد ۽ روبينا اشرف کي ڳڻي سگهجي ٿو.
خالده رياست هڪ ور اسٽائيل آرٽسٽ هئي جنهن هر ڪردار چئلينج سمجهي کنيو ۽ پرفارمنس ڏني، هو پڻ وقت کان اڳ ۾ لهي وئي ۽ پنهنجي لازوال اداڪاريءَ جا نقش ڇڏي وئي. خالده رياست، پاڪستان تحريڪ تي لکيل ڊرامي تعمبير ۾ اقبال ترين سان ليڊنگ رول ۾ آئي، اقبال ترين ڊرامن کان اڳ جيئي سنڌ اسٽوڊنٽس فيڊريشن جو ليڊر هو ۽ موجوده جسقم جي جهنڊي جي ڊزائين جو باني پڻ اقبال ترين آهي، اقبال ترين آمريڪا وڃي اتي پڻ سنڌين جي ايڪتا لاءِ سانا جو بنياد رکيو.
خالده رياست، هڪ ور اسٽائيل آرٽسٽ ۽ ڪردار جي گهر مطابق پرفارم ڪرڻ کي اوليت ڏيندي هئي. خالده رياست جي ڊرامن جو تعداد تمام گهڻو آهي، پر هوءَ گهڻو ڪري فيملي سبجيڪٽ جي ڊرامن ۾ ڪم ڪرڻ کي اهيمت ڏيندي هئي.
شُجاعت هاشمي:
محمود صديقي:
محمود صديقي، گهڻو تڻو سنڌي ڊرامن ۾ پاڻ مڃرايو. هلندي هلندي، کيس اردو ڊرامن جي پروڊيوسرن به چانس ڏيڻ شروع ڪيو. محمود صديقي، جي پرفارمنس، نورالهُديٰ شاهه جي ٽيلي پليز ”جنگل“ ۽ ”اب ميرا انتظار ڪر“ ۾ ڏسڻ وٽان هئي. هي ”جنگل“ ۾ هڪ فالج زده جاگيردار جي روپ ۾ آيل هو ۽ اب ميرا انتظار ڪر ۾ مغل بادشاهه، بهادر شاهه ظفر جي ڪردار ۾ بهتر پرفارم ڪندڙ اداڪار طور پاڻ مڃرائي ويو. محمود صديقي، هڪ پرائيڊ آف پرفارمنس يافته اداڪار هو.
علي اعجاز:
يوسف علي:
روبينا اشرف:
صلاح الدين تُنيو:
سڪينا سَمون
يعقوب ذڪريا:
شگفته اعجاز:
پرفارمنگ آرٽ جي حوالي کان توڙي سنجيده ڪردار نگاريءَ جي حوالي کان خالده رياست ۽ ”بُشريٰ انصاري کان پوءِ شگفته اعجاز سٺي فيميل آرٽسٽ آهي. هن جو شمار اڄ جي مقبول اداڪارائن ۾ ٿئي ٿو.
نورمحمد لاشاري، تعليم کاتي مان رٽائرمينٽ کان پوءِ ڪراچي سينٽر تان سنڌي ڊرامن جي سلسلي ”ناٽڪ رنگ جي ٽيلي پليز ۾ اچڻ لڳو. هُو عمر رسيده هئڻ جي باوجود اداڪاريءَ جو بي بها سمنڊ هو. نورمحمد لاشاري، جنگل، ديوارين، چهوٽي سي دنيا، مٽيءَ جا ماڻهون وغيره جهڙين سيريليز ۾ فنڪاراڻه صلاحيتن کي مڃايو. نورمحمد لاشاري جي ڪردار نگاريءَ کي ڏسي چئي سگهجي ٿو ته هي پيدائشي فنڪار هو. نورمحمد لاشاريءَ جي ساٿي آرٽسٽن ۾ منصور بلوچ، سڪينه سَمون، يوسف علي، شهزادي، روشن عطا، انور سولنگي ۽ شهباز دُراني اهم نالا آهن. عابد علي: عابد علي، لاهور مرڪز کان پنجابي ڊرامن ۾ اداڪاري ڪرڻ کان شروعات ڪئي. عابد علي، به انهن اداڪارن مان هڪ آهي. جن کي ”وارث“ کان پوءِ شهرت ملي. عابد علي، اداڪاريءَ جي ميدان ۾ سُٺي ناماچاري ڪمائي. هُو ڪنهن دؤر ۾ لاهور مرڪز جي ڊرامن جو مصروف آرٽسٽ ڳڻيو ويندو هو. پي ٽي وي کان سواءِ هن ذاتي پروڊڪشن ۾ به ڊراما ٺاهيا آهن، جيڪي خانگي چئنل تان هليا آهن. هُو پاڻ به نجي چئنلن تان ڪم ڪندڙ آرٽسٽ آهي. عابد علي، جي ڪو آرٽسٽن ۾ محبوب عالم، فرودس جمال، منور سعيد، قوي، اورنگ زيب لغاري، عُظميٰ گيلاني، صَبا حميد، فاروق ضمير، نگهت بٽ، سجاد ڪشور اهم نالا آهن. عابد علي، هر ڪردار ۾ پاڻ مڃرايو آهي. هُو ڪجهه وقت فلم انڊسٽريءَ ۾ به آيو. پر، کيس ڪا گهڻي پذيرائي ڪا نه مليس.
سهيل اصغر:
بشڪريه عوامي آواز
