• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

ڪراچي رتوڇاڻ ۾ سڀئي پارٽيون ملوث آهن،

حاڪم

سينيئر رڪن
ڪراچي (رپورٽ:مجيد عباسي/ضياءَ قريشي) سنڌ جي گهرو وزير ڊاڪٽر ذوالفقار مرزا چيو آهي ته ڪراچي ۾ ٿيندڙ رت جي هولي ۾ سڀئي سياسي پارٽيون ملوث آهن، مفاهمتي پاليسي سبب راز جون ڳالهيون دل ۾ دفن ڪريان ٿو. جيڪڏهن هيرو ٿيڻ لاءِ ڪجهه چوان ٿو ته وڌيڪ 10 ماڻهو مري سگهن ٿا. ٽارگيٽ ڪلنگ ۾ 60 جوابدار گرفتار ڪيا آهن. جن ۾ سنڌي، بلوچ، پشتو ۽ اردو ڳالهائيندڙن سميت سڀني قومن جا ماڻهو ملوث آهن ۽ حڪومت وٽ اهڙو ڪو به فرشتو ناهي، جيڪو بنا نظر ايندي جوابدار کي سڳ سميت سوگهو ڪري وٺي. هن وزيراعليٰ هائوس ۾ اعليٰ سطحي اجلاس جي صدارت کان پوءِ صحافين کي بريفنگ ڏني. پريس بريفنگ ۾ اطلاعات واري صلاحڪار شرميلا فاروقي، صوبائي وزير رفيق انجنيئر، وقار مهدي ۽ ٻيا موجود هئا. ڊاڪٽر ذوالفقار مرزا چيو ته ڪراچي ۾ هلندڙ ٻن ڏينهن واري ٽارگيٽ ڪلنگ ۾ 25 ماڻهو مارجي ويا آهن ۽ 45 زخمي ٿيا آهن ۽ اهي اسپتالن ۾ علاج هيٺ آهن. هن چيو ته 10-2009 ۾ 53 ٽارگيٽ ڪلر گرفتار ڪيا هئا، جوابدارن ڇهه ڇڪا هنيا هئا، انهن کان جاچ ۾ خبر پئي ته انهن جو سياسي پارٽين سان تعلق هو، آئون ڪنهن هڪ به سياسي پارٽي تي الزام نٿو هڻان. ڪراچي ۾ ٿيندڙ خون جي هولي ۾ شرمندگي سان چوڻو ٿو پوي ته ان ۾ اسان سڀ ملوث آهيون، مون کي اهو چوڻ ۾ آساني محسوس ٿيندي ته انهن واقعن ۾ ٻاهرين طاقت يا ”را“ ملوث آهي پر مان پنهنجي ذميواري ٻين تي نٿو وجهڻ چاهيان، ٽارگيٽ ڪلنگ ۾ پيٽ بکايل سياسي پارٽين جا ڪارڪن قتل ٿي رهيا آهن، هن چيو ته ڪراچي ۾ گارڊن مان اغوا ٿيل ٻن ماڻهن جي قتل کان پوءِ قتل وڌيا ۽ انهن جي جاچ ڪيون پيا ته اهي ڪاروبار جي سلسلي ۾ ٻئي علائقي ۾ ويا هئا يا ڪو ٻيو سبب هو ۽ ان کان پهرين به واقعو پيش آيو هو ۽ جاچ بعد خبر پئي ته اهو ماڻهو ڇوڪريءَ جي چوڻ تي ان علائقي ۾ ويو، جتي کيس ڇوڪري جي ڀاءُ قتل ڪيو، جڏهن ته عمران فاروق جي قتل کي به 3 هفتا گذري ويا آهن پر خبر نه پئي ته ان کي ڪنهن قتل ڪيو آهي. بهتر جاچ ۾ وقت لڳندو آهي ۽ اسان کي به مناسب وقت ڏنو وڃي. هن چيو ته ڪراچي صورتحال کي ڪنٽرول ڪرڻ لاءِ سياسي پارٽين جي ليڊرن کي اپيل ڪئي آهي ته ٻاهر نڪرن ۽ سندس ساٿ ڏين، جيئن اسان ڪراچي کي ٻيهر روشنين جو شهر بڻائڻ ۾ ڪامياب ٿيون، هن چيو ته ڪراچي واقعي ۾ ملوث 60 ماڻهو ڪراچي ايسٽ، ويسٽ ۽ نارٿ زونن مان گرفتار ڪيا آهن، جن جو تعلق سنڌي، بلوچ، پشتو ۽ اردو ڳالهائيندڙن سان آهي. هن چيو ته ڪراچي ٽارگيٽ ڪلنگ ۾ سڀ بي قصور ماڻهو ماريا ويا آهن. هن وڌيڪ چيو ته ڪجهه ميڊيا جا ماڻهو افواهه هلائن پيا ته ڪراچي ۾ آپريشن ڪيو پيو وڃي. اهو سراسر غلظ آهي، جيڪڏهن ڏوهاري ماڻهو گرفتار ڪيو آهي ته پرچي يا خط لکي گرفتار نه ڪيو آهي. ان لاءِ فورس گهرائي ڇاپا هنيا آهن ۽ ڪجهه علائقا اهڙا آهن، جن ۾ فورس گهرائي گرفتاريون ڪيون ٿا، جيئن رتوڇاڻ نه ٿئي.
 
جواب: ڪراچي رتوڇاڻ ۾ سڀئي پارٽيون ملوث آهن،

ڊاڪٽر ذوالفقار مرزا سر توهان ت پنهنجو ڪم صحيح پيا ڪيو پر
اگيان بليڪ ميلر جي هٿ گورو آ سائين ۔
 
Back
Top