سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

​

الطاف شيخ : سنڌ جو سيلاني (جنم ڏينهن تي ڀيٽا)

محمد سليمان وساڻ

جڏهن به ڪنهن سفرنامي جو ذڪر نڪرندو آهي ته مونکي الطاف شيخ ياد اچي ويندو آهي. سفرنامي جي صنف جي حوالي سان مشهور ليکڪ ، سنڌي اسڪالر ، مئرين انجنيئر ۽ استاد (پروفيسر) الطاف شيخ 14 نومبر 1944 ۾ هالا ۾ ڄائو. سندس پورو نالو الطاف احمد شيخ ولد گل محمد شيخ آهي. انٽر ڪئڊٽ ڪاليج پيٽارو مان 1963 ۾ ڪرڻ کانپوء مئرين انجينئرنگ جي ڊگري چٽگانگ (هاڻي بنگلاديش ، ان وقت اوڀر پاڪستان ) مان حاسل ڪيائين. ايم ايس سي ان ميرين سيفٽي ايڊمنسٽريشن وري ورلڊ ميريٽائم يونيورسٽي مان ڪيائين. مڪينيڪل انجينئير امتحان انسٽيٽيوٽ آف انجنئير لنڊن، بي اي ايل ايل بي يونيورسٽي آف سنڌ، ڊپلوما ڊجيٽل ڪمپيوٽر ٽيڪنڪ انسٽيٽيوٽ آف ميرن انجنيئرس لنڊن اينڊ انسٽيٽيوٽ آف نيول ارڪيٽيڪٽ انگلينڊ مان ڪيائين. ان کنسواء دنيا جي مختلف ملڪن مان انجنيئرنگ سان لاڳاپيل ڪيترائي ڪورس ڪيا اٿس.

پاڻ لکڻ جي شروعات ته 13 سالن جي عمر کان ئي گلستان رسالي ۾ لکڻ سان ڪيائين پر باقائدي لکڻ جي شروعات چٽگانگ ۾ مئرين انجنيئرنگ ڪورس دوران هلال پاڪستان لاء لکيل ڪالم “دريائن جي ديس مان ” سان ڪيائين. انکانپوء شپنگ ۾ نوڪري دوران هو جنهن به ملڪ ويو ، جنهن به شهر ويو ان تي سفرنامو لکي ورتائين. سندس لکڻين خاص ڪري سفرنامن ۾ تفريح سان گڏ انيڪ معلومات پڻ هوندي آهي. دنيا جي ملڪن جي حالتن کي سمجهائڻ لاء هميشه سنڌ جي ڳوٺن، شهرن ۽ بازارن جي ان ملڪ سان ڀيٽ ڪندو آهي ته ملائيشيا جو فلاڻي ڳوٺ جون گهٽيون اسان جي ٽنڊي آدم شهر وانگر پر ويڪريون آهن. سندس لکڻين جو اهو ڏانء کيس ٻين لکندڙن کان الڳ ڪري خاص سڃاڻ بڻجي ويو آهي.

سندس 75 کان مٿي ڪتاب ڇپيا آهن. جن ۾ گهڻوڪري سفرنامه ۽ ٻيون ڪهاڻيون ۽ ترجمه آهن. سندس ڪتابن ۾ هيٺيان ڪتاب گهڻو مشهور آهن:

بندر بازاريون 1971، جاني ته جهاز ۾ 1972، پيار جي گهُٽ 1973، دنيا آهي ڪاڪ محل 1975، وايون وڻجارن جون 1976، سي ئي جوڀن ڏينهن 1977، ارائونڊ دي ورلڊ 1979، ڪويت ڪنارا 1980، سانباهو سمونڊ جو 1980، هي بيت هي ڪنارا، ملير کان مالمو تائين، ڇا جو ديس ڇا جو وديس، اڇن جي ديس ۾ اسين ڪارا، ماسٽر هريام جو بئنڪاڪ وڃڻ، دهليء جو درشن، سي ٻيڙيون رکين ٻاجھ سين، منهنجو ساحل منهنجو ساگر، سمنڊ جن ساڻيھ، سي ئي جوڀن ڏينهن، بندر ديسان ديس، خبرون خيرن جون، جاني ته جهاز ۾، جپان جن جي جيء سين، ڳالهيون تنهن جپان جون، خدا ڏي خط، جپان رس، موج نه سهي مڪڙي، الطاف شيخ جي نوٽ بوڪ تان، بهترين سفرنامه، لنڊن تائين لفٽ، ٻارن جون آکاڻيون، ٽوڪيو جي گيشا گرل، مڪليء کان ملاڪا تا ئين، سنگاپور ويندي ويندي، ڪوللمپور ڪجهه ڪوھ، دنيا منجھ درياء، ڏاهي جهرڪي ۽ ٻيون آکاڻيون، جِت جر وهي ٿو جال، يادن جي انڊلٺ، ڳالهيون آهن ڳچ، اي جرني ٽو ٿائيلينڊ، اوهريا جي عميق ڏي، جت برف پئي ٿي جام، ڪراچيء کان ڪوپن هيگن، رُٺي آهي گهوٽ سان، يورپ جا ڏيهن ۽ يورپ جون راتيون، اي روڊ ٽو مدينه، هيلنسڪي جي حسينه
سنگاپور ٿو ساڙ ڪري، آل ابائوٽ سنگاپور، ملائيشيا منهنجي مَن ۾، سوزيء سان پيار، جل پريون، تيستائين گُڊ باء، جپان پنجويهن ورهين بعد، نيو هالا کان نيو يارڪ، بخشو لغاريء کان بالٽيمور، ايران ڏانهن اوڏام، چنڊ چوانء سچ، اناميڪا، خدا ڏي خط، مس سدابهار چنبيلي، پکي اڏاڻا پنهنجي ڏيهه، ممباسا شيدي باشاه هم باشا، هلي ڏسجي هندستان، بمبئي منهنجي ڀاڪر ۾، ڀلي پار تان ڀيرو وغيره شامل آهن. ان کان علاوه اردو ۾ به سندس ڪجهه سفرناما ڇپيا آهن جهڙوڪ سمندر ڪي دن سمندر کي راتين، مليشيا ڪي دن، يورپ ڪي دن، ڪراچي سي ڪوپن هيگن، ايران ڪي دن.

انکانسواء الطاف شيخ جا ڪيترن ئي رسالن ، اخبارن م آئي ڏينهن سفر جا قصا ، ڪهاڻيون پيون ڇپجن. جيڪڏهن کيس سنڌي سفرنامي جو سنڌ باد سڏجي ته ان ۾ ڪوبه وڌاءُ ڪونهي. الطاف شيخ جي هڪ ٻي خوبي آهي فوٽوگرافي هو جتي به ويندو، جنهن سان به ملندو ته سڀ کان اڳ تصوير ڪڍندو ۽ پاڻ به بيهي تصوير ڪڍرائيندو. فيسبوڪ، سوشل ميڊيا ۽ انٽرنيٽ تي سندس ڪٺي ڪيل هزارين تصويرون مختلف البمس جي صورت ۾ محفوظ آهن ، جنهن تائين هر ڪنهن کي آسان رسائي به حاصل آهي. مان سوچيندو آهيان هي شخص جيڪو گهڻو عرصو يا ته سفر ۾ جهازن تي رهيو، يا ملڪ کان ٻاهر رهيو يا وري گهڻو عرصو لکڻ ۾ گذاريائين ان وٽ پنهنجي علائقن ، ڳوٺن ۽ ماڻهن جي ايتري ڄاڻ ڪٿان آئي؟ ڇو ته سندس سفرنامن ۾ بيان ڪيل پنهنجي ئي سنڌ جي گهڻن ڳالهين کان اسان به واقف ناهيون هوندا.

الطاف شيخ سنڌ جو اهو ليکڪ آهي جنهن کي شايد سڀ کان گهڻو پڙهيو ويندو آهي، سندس سفرنامن جا ڪيترائي ايڊيشن ڇپيا آهن. هو سنڌ جو اهو ليکڪ آهي جيڪو مسلسل لکندو رهي ٿو. الطاف شيخ هڪ سٺي ليکڪ سان گڏ بهترين ۽ ملنسار انسان پڻ آهي. هو جڏهن به ۽ جتي به مليو آهي سدائين حوصلا افزائي ۽ لکڻ جي صلاح ڏيندو رهيو آهي. دعا آهي ته سنڌ جو هي ڏاهو ڏات ڌڻي سدائين خوش رهي، زندگيء جون ڪيئي بهارون ڏسي ۽ دنيا گهمندي اسان کي به گهر ويٺي دنيا جو سير ڪرائيندو رهي.

اسان جي دوست ممتاز وگهيو پاران ونڊ ڪيل الطاف شيخ بابت مضمون لاء هيٺ ڪلڪ ڪيو :

http://www.sindhsalamat.com/showthread.php?t=5819

الطاف شيخ جا سفرناما پڙهن لاء هن لنڪ تي ڪلڪ ڪيو






​

 

جواب: سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

سائين نثار ناز سلام

جي سائين اوهان بلڪل صحيح فرمايو ته 14 اڄ ناهي پر ٿي سگهي ٿو مان اڄ رات يا صبح جو سوير پنهنجي ڳوٺ لاء روانو ٿيان۔ اتي مون وٽ نيٽ جي سهولت ڪا نه هوندي۔ سنڌ سلامت جي دوستن کان ڪجه ڏينهن جي دوري رهندي۔

ٻيو ته سائين الطاف شيخ اسان تي خاص مهربان آهي۔ پاڻ سچل ڳوٺ ايندو رهندو آهي ۽ سائين سان ڪچهري ٿيندي آهي ۽ سفر جا ڪيئي داستان ٻڌائيندو آهي۔ پر وقت جلدي ختم ٿي ويندو آهي۔ پاڻ وري جنوري ۾ ايندا ۔اهو ذڪر هڪ ميسيج ۾ فيس بوڪ تي ڪيو اٿن۔

http://www.facebook.com/photo.php?fbid=1657118586046&set=a.1388445229380.2056662.1179567033


اوهان جا قرب

 

جواب: سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

ادا عاشق مهرباني پنهنجي راء ڏيڻ جي

ادا الطاف شيخ جا سفرنامه ته هاڻي اوهان کي انٽرنيٽ تي آساني سان پيا ملن ۔ جيڪي سولائي سان پڙهي سگهجن ٿا۔
الطاف شيخ جيڪا ڄاڻ ڏني آهي اها انمول آهي۔ سندس پوري ڄمار ڪم ڪرڻ سان گڏ لکڻ ۾ گذري آهي۔

ادا منهنجو ڳوٺ ڪوٽڏجي لڳ ضلع خيرپور ۾ آهي۔

 

جواب: سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

سائين نثار صاحب اوهان بلڪل بجا فرمايو آهي۔

هيترا سارا ڪتاب لکڻ ڪو سولو ڪم ناهي پر الطاف شيخ صاحب بهتر طريقي سان سنڌي ٻولي ۾ اڻ مٽ ليک لکي پنهنجو نالو امر ڪري ڇڏيو آهي۔

 

جواب: سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

دوستو الطاف شيخ صاحب هي ليک پڙهيو آهي۔

کيس سنڌ سلامت جو اڱڻ سٺو لڳو آهي۔ جنهن جو ذڪر پاڻ فيس بوڪ تي ڪيو اٿن۔


http://www.facebook.com/permalink.php?story_fbid=133130450076208&id=771840959&notif_t=share_comment

[/IMG]​

 

جواب: سنڌ جي سيلاني ۽ سنڌ جي سنڌباد الطاف شيخ جي سالگرھ جي موقعي تي کيس ڀيٽا

محترم الطاف شيخ جن کي هر اهو ماڻهو سڃاڻي جنهن ڪتاب پڙهيو آهي۔۔ سندس جا سفرناما اڄ ڪلهه اردو اخبارن ۾ به تسلسل سان اچي رهيا آهن۔۔۔ يقينن اها اسان لاءِ فخر جي ڳالهه آهي ته محترم الطاف شيخ جهڙو برک ليکڪ ۽ سيلاني سنڌ سلامت بابت پنهنجي پسنديدگي جو اظهار ڪري۔۔۔
سائين الطاف جا اهي لفظ سڌو سئون فيس بوڪ تي ڏسڻ لاءِ جڏهن لنڪ تي ڪلڪ ڪيم ته نه کليو ۔۔۔ ٿوري ئي دير ۾ ڳالهه واضح ٿي وئي ته توهان دراصل سائين الطاف شيخ جي پروفائيل تي سنڌ سلامت جو لنڪ لڳايو هيو جتي سائين الطاف شيخ پنهنجي پسنديدگي جو اظهار ڪيو۔۔۔ ۽ جيئن ته مان سائين الطاف جي فرينڊس ۾ شامل نه هيم ان ڪري اهو ڏسي نه سگهيس۔۔۔
خير فرينڊس ۾ شامل ٿيڻ لاءِ درخواست موڪلي آهي۔۔۔ جنهن کان پوءِ توهان جي ان لنڪ تي به جواب ڏبو۔۔۔ توهان جي وڏي مهرباني جو توهان سنڌ سلامت کي مختلف قابل ماڻهن جي اڳيان پڻ متعارف ڪرائي رهيا آهيو۔۔۔

 

سنڌي سفرنامن جي بادشاهه، ليکڪ، مئرين انجنيئر ۽ بهترين انسان سائين الطاف شيخ کي سندس جنم ڏينهن تي سنڌ سلامت سٿ پاران جنم ڏينهن جون واڌايون پيش ڪيون ٿا۔​

​

​

 

روزانه هلال پاڪستان جي 14 نومبر 2012 ۾ ڇپيل ڪالم​

​

​

​

​

 

​

​

 

جنم ڏينهن مُبارڪ. الله کين صحت ڏي ۽ اڃان گهڻو گهُمي ڦِري ۽ ڏِسي ته جيئن سندس قلم سان اُڪريل اکرن جي اکين آسري اسان جا ماڻهو به اُهو سڀ ڏِسن جتي هو پُڄي نه ٿا سگهن پر ڄاڻڻ گهُرن ٿا.

 

​