سنڌ سلامت جي سرگرم رڪن ۽ پياري دوست حفيظ لغاري کي جنم ڏينهن جون واڌايون

325 اٽيچمينٽ ڏسو ​

سنڌ سلامت جي سٿ پاران پياري دوست ۽ فورم جي انتهائي سرگرم ساٿي عبدالحفيظ لغاري کي سندس جنم ڏينهن تي واڌايون پيش ڪيون ٿا۔

حفيظ سان واسطو تڏهن کان شروع ٿيو جڏهن کان هو پي سي ايس آء آر ليبارٽري ڪراچي ۾ آفيسر ٿيو، تڏهن کان سچل ڳوٺ ۾ رهائش اٿس۔ هڪ نهايت ايماندار، سچار ۽ محنتي نوجوان آهي جيڪو پي ايڇ ڊي ڪري هڪ اهم سنگ ميل عبور ڪري چڪو آهي۔ سندس لکڻ جو انداز به ادبي ۽ دلچسپي وارو آهي، پر لکڻ کان اڪثر ڪيٻائيندو رهندو آهي، پر منهنجي گهڻي ٽوڪڻ يا اسرار تي اڄڪلهه تمام سٺو لکي رهيو آهي۔

سنڌ سلامت تي گهڻو سرگرم هجڻ سان گڏ نوان سوال اٿاريندو رهندو آهي، رشيد جو گهڻو فين آهي ۽ چاچي ڪريم سان ڪچهري ڪرڻ جو به ڪوڏيو آهي، اها ٻي ڳالهه آهي ته چاچو ڪريم سندس جان نه ڇڏيندو آهي ته مونکي وچ ۾ اچڻو پوندو آهي۔

دعا آهي ته نئون سال سندس زندگيء ۾ بهار ۽ مسڪراهٽن سان گڏ نيون خوشيون کڻي اچي۔

 

شاعرن جي باري ۾ مشهور آهي ته پنهنجي شاعري ٻڌي داد وٺڻ سندن پسنديده مشغلو آهي۔۔۔ جڏهن مون به سنڌ سلامت تي راتيون گذاري بهتري آڻڻ جي جستجو ڪئي ته طبيعت ۾ اهو شاعراڻو انداز اچي ويو ۔۔۔ دل چاهي پئي ته پنهنجي ڪيل محنت جي داد ملي۔۔۔ دوستن جون مهربانيون جن منهنجي ڪم کي هر وقت ساراهيو۔۔۔ پر حيرت ٿيم ته ان باوجود هڪ خال ڀرجڻ کان رهجي ويو ۔۔۔ ائين شايد شاعرن سان نه ٿيندو هجي۔۔۔ پوءِ مونسان ڇو ٿي رهيو هو۔۔۔
جلد ئي ادا عبدالحفيظ لغاري جن سان ملاقات ٿي۔۔ سندس هر ملاقات کان پوءِ لڳو ته اهو خال ڀرجڻ لڳو آهي۔۔۔ جڏهن غور ڪيم ته خبر پئي ته شاعري ٻڌائي داد وٺڻ نه پر شاعرن جو شاعري ٻڌائڻ پسنديده مشغلو هوندو۔۔۔ اهو ئي سبب آهي جو مون کي داد وصول ٿيڻ تي ايتري خوشي محسوس نه ٿي جيتري ادا حفيظ لغاري طرفان پڇندڙن سوالن جي جوابن تان۔۔۔ مون کي اها خبر ڀلي دير سان پئي هجي پر ادا حفيظ کي شايد اها پهرين خبر هئي۔۔۔ هوئن به پي ايڇ ڊي ڪندڙ اسان جو هي دوست مونکي هميشه نفسياتدان وڌيڪ لڳندو آهي۔۔۔
ادا سليمان سميت ڪئي دوست اڪثر سنڌ سلامت بابت جڏهن ڪو سوال ڪندا آهن ته جواب ڏيندي جلد ئي احساس ٿيندو آهي ته موضوع ختم ڪجي جو دوستن اجهو اوٻاسيون ڏيڻ شروع ڪيون۔۔۔ پر ادا حفيظ جو معاملو مختلف هوندو آهي۔۔۔ صاف لڳندو آهي ته کيس خبر آهي پر ان باوجود سندس سوال کٽندا ناهن ۽ پوء ظاهر آهي مونکي به ڳالهائڻ جو وارو ملي ويندو آهي۔۔۔ پوءِ ڀلي ڪچهري ۾ ادا سليمان، علي علي يا عرس ٽوڪيندو رهي اسان جا بيان جاري رهندا آهن۔۔۔ ڪڏهن ڪڏهن جواب ڏيندي ادا حفيظ جي مخصوص مرڪ سان تڪيندڙ نظرون روڪينديون به آهن پر پڪ سان اها سندس شخصيت ئي چئبي جو جيسين کيس جواب ڏئي مڪمل نه ڪجي ۔۔ ڪچهري جو مزو ڪاٿي اچي۔۔۔ پوءِ ادا سليمان ڀلي اسان جي ڪچهري کي روڪڻ لاءِ چاچا ڪريم جن ئي گهرائي پر کيس وارو ڪاٿي ٿو ملي۔۔۔ هاڻي ته اهڙي صورتحال آهي جو سچل ڳوٺ وڃڻ لا بس منهنجو هڪ ئي شرط رکيل هوندو آهي ته ڪچهري ۾ حفيظ جن به هجن۔۔۔۔

دعا آهي ته اسان جو هي دوست سدا خوش و خرم رهي۔۔۔ ڏکيو ڏينهن نه ڏسي۔۔۔

 

هاهاهاهاها ۔۔۔۔ ادا ذيشان رشيد پوء به ڪا تبديلي ناهي آئي، ڳالهه کي مختصر بيان ڪرڻ به هڪ هنر هوندو آهي، ڪجهه ئي جملن ۾ سڀ ڪجهه چئي وڃو۔ اميد ته سائين نثارابڙو جي نقش قدم تي هلي اوهان به اهو سمجهي ويندا ۽ اسان جي اوٻاسين اچڻ کان اڳ ئي موضوع مڪمل ڪري ڇڏيندا۔

 

هاهاهاهاها ۔۔۔۔۔

يار واهه جو ٻڌائي اٿئي، شايد هاڻي ڪا تبديلي اچي ۽ اهو مختصر قصو سمجهه ۾ اچيس

 

ها ادا هن دنيا ۾ قدر وارن جو اصل قدر ڪونهي۔۔۔ وري به شابس هجي ادا عبدالحفيظ لغاري کي۔۔

 

اڃان ته اهو ڀلو ٿيو جو اوهان شاعر ناهيو ۔۔۔۔!!!!!

 

​

ڀائرن جهڙي دوست ۽ سلجهيل لکيل پڙهيل ۽ اعلى تعليم يافته ساٿي، تمام سٺو لکندڙ ۽ ڳالهين جي تهه تائين جلدي پهچندڙ سنڌ سلامت جي سرگرم رڪن ڊاڪٽر عبدالحفيظ لغاري کي جنم ڏينهن جون واڌايون.

سچل ڳوٺ ۾ رهندي ڪيئي دوست ۽ اڳواڻ آهن جن سان ڪچهريون ٿين ٿيون پر انهن مان حفيظ لغاري شايد هن وقت اهڙو دوست آهي جنهن سان گهڻو ڪري روز ملاقات ٿيڻ سان گڏ ڪيترن ئي موضوعن تي گفتگو ٿيندي آهي۔ شائسته زبان استعمال ڪندڙ حفيظ جي جنم ڏينهن تي سندس لاء دعائون ۽ اها نيڪ خواهش ته شال هي سال سندس زندگيء ۾ نئين بهار جيان اچي۔ ان بهار جي شروعات ٿي به چڪي آهي۔