سنڌ سلامت جي زين فورو جي جديد ورشن تي اپگريڊنگ

السلام عليڪم دوستو۔۔
گذريل هڪ مهيني کان سنڌ سلامت فورم کي زين فورو جي پراڻي ورشن 4۔1۔1 کان جديد ترين ورشن 4۔2۔1 تي ٽرانسفر ڪرڻ جون ڪوششون جاري هيم۔۔۔ هي ڪم جيترو آسان پئي سمجهيم ان کان به ڏکيو هيو جو نئين ورشن ۾ ڪافي ساريون تبديليون ٿي چڪيون هيون۔۔۔ سڀ کان اهم تبديلي هئي زين فورو ايڊيٽر جي ۔۔ اڳ ٽني ايم سي اي نالي ايڊيٽر استعمال پئي ٿيو جڏهن ته جديد ورشن تي ريڊڪٽر ايڊيٽر استعمال ٿي رهيو ۔۔ جنهن تي پاڻمرادو سنڌي لکڻ کي فعال ڪرڻ به آسان نه هئو۔۔ هر دفعي وانگر هن دفعي به ادا @عامرضياء چارڻ کي تڪليف ڏيڻي پيم۔۔۔ سندن مهرباني جو وقتائتي موٽ ڏنائون۔۔۔
نئون ورشن جي رڳو ايڊيٽر جو ئي مسئلو نه هو پر اچانڪ فورم وزني ٿيڻ لڳو ۽ موجوده ڊيٽابيس جو بيڪ اپ وٺڻ پڻ ڏکيو ثابت ٿيڻ لڳو۔۔ مختلف پلگ ان هٽائي به ڪوشش ڪئي وئي پر ناڪامي موجود ملي۔۔۔ لائيو فورم کي اپڊيٽ ڪرڻ ۾ وڏو رسڪ هيو۔۔۔ جو قيمتي ڊيٽا ضايع ٿيڻ جو انديشو هيو۔۔۔
جڏهن حل لاءِ هوسٽنگ ڪمپني سان رابطو ڪيو ويو ته جواب مليو ته توهان جي سائيٽ تي ٽريفڪ جو ڪافي اضافو آهي۔۔ سڀ سهولتون ۽ مسئلا ختم ڪرڻ لاءِ هوسٽنگ پيڪيج اپگريڊ ڪرڻو پوندو۔۔۔
فورم کي لائيو رکڻ لاءِ اڳ ئي ڪافي خرچ ٿي رهيا هيا ۽ هاڻي اضافي خرچ منجهائي وڌو۔۔ خير همت نه هارايم حل لاءِ ٻيا جڳاڙ ۽ ڪوششون جاري رکيم پر اڄ لڳ ڀڳ هڪ مهيني کان پوءِ آخرڪار سنڌ سلامت جو موجوده ڊيٽابيس وڌيڪ وزن برداشت نه ڪري سگهيو ۽ ڪريش ٿيڻ لڳو ۔۔۔ ان سلسلي ۾ پهرين خبر ادا @سليمان وساڻ ان وقت ٻڌائي جڏهن آ آفيشلي ڪافي مصروف هيم۔۔
ڊيٽا بيس کي وڌيڪ نقصان کان بچائڻ لاءِ تڪڙو بغير اطلاع جي فورم کي آف ڪرڻو پيو ۽ پوءِ رات جو لڳ ڀڳ هڪ بجي جيئن ئي واندڪائي ٿي۔۔ هوسٽنگ پيڪيج کي عارضي طور هڪ مهيني لاءِ اپگريڊ ڪندي شيئرڊ هوسٽنگ مان ڊيڊيڪيٽنگ هوسٽنگ تي منتقل ڪيم۔۔۔ (ان سلسلي ۾ هڪ دوست جو مشڪور آهيان جنهن پنهنجي ڪريڊٽ ڪارڊ مان 20 ڊالر استعمال ڪرڻ لاءِ ڏنا)
ائين سمورا مسئلا چٽڪين ۾ حل ٿيڻ لڳا۔۔۔ فورم ڊيڊيڪيٽڊ سرور تي منتقل ٿيندي ئي پنهنجي رفتار پهرين جي مقابلي ۾ 10 دفعا وڌائي ڏيکاري جيڪا توهان به محسوس ڪندو۔۔ سٺي رفتار ڪري ٻن ڪلاڪ اندر نه صرف ڪريش ٿيل ڊيٽا بيس رپيئر ٿيو پر ڊيٽابيس جو بيڪ اپ، ريسٽور ۽ نئين ورشن تي اپگريڊنگ ڪاميابي سان منتقل ٿي۔۔۔

پهرين ورشن جي مقابلي ۾ موجوده نئين ورشن بي شمار تبديليون سامهون اينديون۔۔ ۽ وري پراڻا ڪجهه فيچرس ڪجهه عرصي لاءِ غير فعال پڻ هوندا۔۔۔ خاص تبديلين ۾ رچ ٽيڪسٽ ايڊيٽر جو اضافو۔۔ آٽو سيو ڊرافٽ۔۔۔ ۽ ريسپانسوِ ڊيزائين جنهن ڪري هاڻي سنڌ سلامت ننڍي اسڪرين واري ڊيوائيسز ۾ پڻ آساني سان استعمال ڪري سگهبو۔۔۔ في الحال سنڌي ايڊيٽر موبائيل فونز جي ڪروم برائوزر ۾ ڪم نه پيو ڪري پر ان سهولت کي ترجيحي بنياد تي درست ڪيو ويندو۔۔۔ ان کان علاوه فورم تي هن دفعي سنڌي فونٽ کي امبيڊ ڪري رکيو ويو آهي ته جئين جن ساٿين وٽ سنڌي فونٽ ڪمپيوٽر ۾ انسٽال نه هجن انهن وٽ پڻ سنڌ سلامت جو نظارو درست نظر اچي۔۔۔

جيئن ته اڳ ڳالهه ٿي چڪي ته سنڌ سلامت فورم کي عارضي طور ڊيڊيڪيٽوِ سرور تي آندو ويو آهي۔۔۔ ان جو سبب اهو آهي ته سرور پائيدار هوسٽنگ ڪافي مهانگي آهي جيڪا بغير مالي سهائتا جي جاري رکڻ ممڪن نه آهي۔۔۔ ان ڪري جيڪڏهن فورم جي موجوده رفتار ساٿين کي پسند اچي ۽ ان کي جاري رکڻ چاهين ته ڪوشش ڪري سگهجي ٿي۔۔۔ (تڪڙو ان سلسلي ۾ هڪ موضوع شروع ڪري ساٿين کان مشورو ورتو ويندو)

هميشه وانگر جڏهن فورم کي ميجر اپڊيٽ مان گذاريو ويندو آهي ته ڪافي تبديليون هجڻ ڪري الجهنون پڻ پيدا ٿينديون آهن جن کي آهستي آهستي ختم ڪيو ويندو۔۔۔ دوستن کي درخواست آهي ته پنهنجا ويچار ۽ مشورا هن ئي موضوع موڪلين۔۔ ۽ فورم تي غلطين جي نشاندهين سان گڏو گڏ فورم تي مختلف جڳهين تي موجود انگريزي لفظن کي سنڌي ترجمي ۾ تبديل ڪرڻ لاءِ نشاندهي ڏياريندي پڻ مدد ڪن۔۔

فورم کي اپڊيٽ ڪندي خبر ئي نه پئي وقت ڪافي لنگهي چڪو۔۔ ۽ گهڙي رات جا 4 وڄائي ڇڏيا۔۔ ان ڪري ساٿيو هاڻي اجازت۔۔
والسلام

 

لک قرب ۔۔۔ ٻڻ ڏينهن کان آيل ان مسئلي جو تڪڙو حل ڳولهي اواهن تمام سٺو ڪم ڪيو آهي۔ اوهان جي مصروفيتن کي ڏسي ۽ ڪريڊٽ ڪارڊ واري الجهيل مسئلي سبب مونکي لڳي رهيو هو ته اپگريڊيشن ۾ ٽي کان چار ڏينهن لڳندا، اهوئي سبب هو جو مون فيسبوڪ تي اپڊيٽ ڪيو جيئن دوستن ۽ ميمبرن کي آگاهي ملي سگهي۔

فورم جي اسپيڊ تمام سٺي آهي، باقي ڪم ڪرڻ کانپوء ئي خبر پوندي ته ڪٿي ڪٿي تبديلين جي ضرورت آهي۔ ايريل فونٽ کي امبينڊ ڪرڻ وارو ڪم ته تمام سٺو لڳو۔

هڪ ٻي ڳالهه نوٽ ڪيم ته ورڊ مان ڪاپي ڪري پيسٽ ڪيل مواد جي فارميٽنگ آٽو تبديل ٿي رهي آهي۔ اوهان به چيڪ ڪيو۔

 

3262 اٽيچمينٽ ڏسو ​

اڄ صبح جيئن موبائيل تي فيسبڪ ميسيجز کوليم ته @ذيشان رشيد جو ميسيج هو جنهن ۾ هن موضوع جي لنڪ ڏنل هئي. ڪروم برائوزر ڊفالٽ هجڻ ڪري ان ۾ ئي کليو. اکيون ٺري پيون نئين ورشن کي ڏسي. جنهن ۾ موبائل جي مطابقت به هئي ته ايمبيڊ فونٽ پڻ. هي جواب آئون موبائل تان ئي ڏيئي رهيو آهيان. ايم بي سنڌي ڪي بورڊ وسيلي.گذريل هڪ مهيني کان رشيد جون ننڊون ڦٽل هيون سنڌي جي سڀ کان وڏي فورم کي بنا نقصان رسڻ جي اپگريڊ ڪرڻ لاء. سندس قابليت تي يقين هو سو پڪ هئي ڪم ٿيندو بس رڳو انتظار هو. اميد ته ٻيا ننڍا وڏا مسئلا به حل ٿي ويندا.

 

ادا رشيد مونکي تمام گهڻي خوشي اڄ ان وقت ٿي جڏهن موبائل تان لاگ ان ٿي ڪروم، ڊولفن ۽ اوپيرا مني ۾ سنڌ سلامت هلايم ته ٽنهي برائوزرس مڪمل سپورٽ ڪيو، سچ پڇو ته خوشي ته تڏهن به ٿي جڏهن فورم جي اسپيڊ ايڪسپريس اسپيڊ لڳي۔

تنهنڪري عرض ڪندس ته تجرباتي يا عارضي طور ڊيڊيڪيٽيڊ سرور بجاء اسانکي هاڻي دائمي طرح ڊيڊيڪيٽيڊ سرور تي اچڻو پوندو۔ ڪاٿو لڳايو ته ڪيترو خرچو ايندو۔ خرچو ڪجهه وڌيڪ ايندو پر مان سمجهان ٿو ته اسان پاڻ ئي ان خرچ کي مينيج ڪري سگهون ٿا۔ اجايو دوستن کي تڪليف نه ڏبي۔

 

۔ممتاز قريشي ادا وهان جي ڳالهه بلڪ صحيح آهي ته سڀني کي سهڪار ڪرڻ گهُرجي۔ پر ڳالهه اها آهي ته انتظامي لڏو (جنهن تي وقت بوقت رُڪنن توڙي ٻين پاران) تنقيد ٿيندي رهي ٿي۔ اهي قطعي نه ٿا چاهين ته ڪو سڀني دوستن کي تڪليف اچي۔ مالي طور ته پنهنجي کيسي تي بار وجهه ٿا سو وجهن ٿا پر جيتري قدر آئون کين ذاتي طرح سُڃاڻان ٿو هو سڀ اهڙن ذريعهِ مُعاش سان واڳيل آحن جو کين وقت جهڙي قيمتي شئي ڏيڻ تي به جس هُجي۔
اوهان موضوع ۾ ڏسو ته ۔ذيشان رشيد لکي ٿو ته رات هڪ بجي واندو ٿيس ته ۔ ۔ ۔ ۔سوچيو ته جيڪو ماڻهو رات جو هڪ بجي واندو ٿيندو هُجي اُهو ڪيترو مصروف هوندو۔
توڙي جو ڪڏهن رتي برابر پتي به نه وڌي اٿم پر عرض ڪبو ته تعاون لاءِ چوندا ته حاضر آهيون۔

 

پسنديدگيءَ لاءِ لک لائق۔۔۔
توهان جا ڏسيل لڳ ڀڳ سمورا انگريزي لفظ سنڌي ۾ تبديل ڪيا ويا آهن۔۔۔ جيسيتائين ايڊيٽر جو تعلق آهي ته ايڊيٽر تي لکائي واري فونٽ جيئن ته جاوا ڪوڊنگ ۾ ڏنل آهي ان ڪري اهو امبيڊ ٿي نه سگهيو آهي۔۔۔

 

موبائيل ورشن کي اڃان تائين مڪمل طور نه جانچي سگهيو آهي۔۔ جيڪڏهن توهان اڪثر موبائيل تي سنڌ سلامت جو وزٽ ڪندڙ آهيو ته غلطين جي نشاندهي ڪندا رهندا۔۔۔ فورم جي نئين تبديلي کي پسند ڪرڻ جي مهرباني ۔۔۔ يقينن هن خوبصورتي ۾ توهان پڻ مهرباني جا مستحق آهيو۔۔۔
دوستن لاءِ اطلاع ته سنڌ سلامت تي موجوده امبيڊ ڪرڻ لاءِ فونٽ تيار ڪري ڏيڻ ۾ ادا صارم جي مڪمل محنت شامل ۔۔۔ سندن ٿورا جو ڪافي اڳ ئي فونٽ تيار ڪري موڪلي ڏنو هو۔۔۔ فونٽ کي اپلائي ڪرڻ سان ڪجهه ٽيڪنيڪل الجهنون نظر مان گذرن پيون جن کي نوٽ ڪيو پيو وڃي۔۔ ترت ان ۾ وڌيڪ بهتري لاءِ ادا صارم جن کي اضافي درخواست ڪبي۔۔۔ سندن سهائتا لاءِ لک لائق

 

جئين ته ڊيڊيڪيٽڊ سرور تي اڳ ڪم ڪرڻ جو تجربو نه هو۔۔ ان ڪري اندازو نه هو ته ڪم تڪڙو اڪلي سگهندو۔۔۔ هوئن به اپڊيٽنگ جا ڪئي مرحلا ۽ تجربا اڳ ٿي چڪا هئا ان ڪري ڪم ٿورو ترت ٿي پيو۔۔۔
جي ها نئين ايڊيٽر ۾ اها خاصيت شامل ڪئي وئي آهي ته مواد ڪنهن به جڳهه تان کڻي جڏهن پيسٽ ڪيو وڃي ته ان جي فارميٽنگ کي پاڻ مرادو تبديل ڪري فورم جي ڊيفالٽ فارميٽنگ ۾ آڻي سگهي ۔۔۔ ان طرح رڪنن جي ڪاپي پيسٽ ٿيل مواد کي انتظاميه طرفان درست فارميٽنگ ۾ تبديل ڪرڻ جي اضافي ڪم جي پڻ ضرورت نه رهندي ۽ ساٿين طرفان آندل مواد درست سنڌي فارميٽنگ ۾ نظر ايندو۔۔۔
جلد فورم تي آيل تبديلين کي الڳ موضوع سان ساٿين اڳيان آگاهه ڪبو۔۔۔