جيئن ته ڪجهه وقت اڳ اطلاع ڏنو ويو هيو ته سنڌ سلامت کي جلد ڪلائوڊ هوسٽنگ تي منتقل ڪيو ويندو.. ۽ مون کي اهو ٻڌائيندي سرهائي ٿي رهي آهي ته اهو عمل ڪجهه اضافي نقصان کان بغير ڪاميابي سان ٿي چڪو.. گذريل هوسٽنگ گوڊيڊي جي محدود سپورٽ سروس ۽ شيئرڊ هوسٽنگ جي مقابلي ۾ لائنوڊ جي ڪلائوڊ هوسٽنگ ۽ سپورٽ جو تجربو ڪيئن رهيو اهو ته وقت ٻڌائيندو.. في الحال سنڌ سلامت جي مسقتبل جا هر وقت رهندڙ خدشا ختم ٿي چڪا آهن.. نئين هوسٽنگ تي منتقل ٿيندڙ سنڌ سلامت فورم، سنڌ سلامت فونٽ سرور ۽ سنڌ سلامت ڪتاب گهر جي رفتار ۾ واضح فرق ته محسوس ڪندو ئي پر ان کان علاوه ڪو وڏو فرق توهان کي هن وقت نظر انه ايندو جو پهرين مرحلي ۾ فورم کي جهڙي تهڙي بنياد تي رڳو منتقل ڪرڻ جو فيصلو ڪيو ويو هو.. موجوده جامع هوسٽنگ تي منتقلي کان پوءِ ترت سنڌ سلامت تي مرحلي وار اضافي سهولتون رکيون وينديون جن بابت ضروري آڳهيون به ڏبيون.. پر ان کان اڳ منتقلي جي هن مرحلي کان پوءِ ڪجهه ڏينهن تائين فورم جي بنيادي ڍانچي کي گهرائي سان نظر ۾ رکبو.. گڏ سموري سٿ کي غلطين يا توجه ڏيندڙ شين کي ٻڌائڻ جي درخواست پڻ ڪجي ٿي.. نئين هوسٽ تي منتقلي جي عمل کي هوئن ته 24 ڪلاڪ گذري ويا آهن پر ڊي اين ايس بدلڻ جي اصولن مطابق مڪمل تبديلي 48 ڪلاڪن تائين وٺي ويندي آهي... ان دوران انديشو رهي ٿو ته سسٽم استعمال ڪندي ڪي ايرر سامهون اچن اهڙن ايررز کي ونڊيندا رهو ته جيئن مسئلن کي جلد فڪس ڪندو رهجي... نئين هوسٽ تي منتقلي جو تجربو ڪيئن رهيو.. ؟ ان سوال جي جواب ۾ ڪاٿي سنجيدگي، ڪاٿي مٿي تي هٿ ته ڪاٿي وري “هُري” جا نعرا تصور ۾ پيا اڀرن ... پر ان باوجود ايترو ضرور ٻڌائبو ته ڪلائوڊ هوسٽنگ کي بنائيڻ دوران اصل پگهر نڪري ويا.. مان ان مرحلي تي پنهنجي دوست ساٿي محترم سجاد علي چنا جن جو پڻ شڪر گذار آهيان جيڪي گڏ نه رڳو موجود رهيا پر منهنجي طبيعت جي ناسازگي ڪري ڏنل ٽاسڪس کي به تڪڙو تڪڙو اڪلائيندا رهيا آهن.. ان کان علاوه محترم عبدالحفيظ لغاري ۽ سليمان وساڻ جن جي پڻ مهرباني جن بار بار فون ذريعي رابطو ڪيو ۽ نه رڳو اپڊيٽ بابت تفصيل معلوم ڪيا پر ڏکيائون سامهون اچڻ تي همت پڻ وڌائيندا رهيا... هتي هڪ دفعو وري ساٿين کي ٻڌائيندو هلجي ته ٿي سگهي ٿو ته فورم تي موجود اڳ جي سهولتن مان ٿي سگهي ٿو ڪجهه عارضي طور نه ملنديون هجن ... پر توهان طرفان نشاندهي ڪرڻ تي اهي سهولتون ٻيهر پڻ لڳايون وينديون... ته دوستو.. سنڌ سلامت جي ڪلائوڊ هوسٽنگ واري سفر جي ابتداء وٺجي ٿي.. شل ساٿ سلامت رهي...!!
ڪجه ڏينهن جي انتظار کان بعد نيٺ اڄ سنڌ سلامت فورم آنلائن ٿيو آهي... خوشي جي ڳاله آهي ته فورم جي ڪاميابي سان ڪلائوڊ هوسٽنگ تي منتقلي ٿي آهي. جيڪڏهن ڪجه تفصيل ٻڌايا وڄن ته بهتر رهندو ته ڪيئن نئين ڪلائوڊ تي منتقل ٿيڻ سان ڪهڙا فائدا ٿيندا.. باقي فورم جي سائيڊ پينل تي نظر ايندڙ فعال موضوع نظر ڪون پيا اچن..... سنڌ سلامت سٿ کي هن سنگ ميل تي مبارڪون.....
سڄي سنگت کي ڪامياب منتقلي تي مبارڪباد... فيس بڪ ذريعي لاگ اِن ڪم نه پيو ڪري. ايرر ميسيج هي آهي: Can't Load URL: The domain of this URL isn't included in the app's domains. To be able to load this URL, add all domains and subdomains of your app to the App Domains field in your app settings. يوزرنيم ۽ پاسورڊ سان لاگ اِن ڪري سگهيس.
دوستو اهو ڪم به ٿيندو رهندو ... سڀ کان اڳ پراڻي ڊيٽا ۽ پراڻا ليک منتقل ڪرڻا هيا. اهو ڪم ٿي ويو. باقي فورم کي سجائڻ ۽ سنوارڻ وارو ڪم به هلندو رهندو. اوهان دوستن جا قرب
مان بيحد شڪر گذار آهيان سنڌ سلامت سٿ جو ،جن هر ممڪن ڪوشش ڪري فورم کي هڪ نئين پليٽ فارم ڪلائوڊ هوسٽنگ تي منتقل ڪيو ، سنڌ سلامت سٿ جون اهي ڪوششون واقعي ساراھ جوڳيون آهن ،سدا سلامت هجو مرڪندا رهو ،سنڌ سلامت ساٿ سلامت
انتطاميا ۽ ساٿ ڏيڻ وارن جو اڻ ٿڪ محنتون، سچون نيتون ڏسڻ ۾ پيون اچن ته ڪهڙو تبصرو ٿي سگهي ٿو ما سوا ان جي ته جُڳ جُڳ جيئو! ڪلائوڊ تي منتقلي لا مُبارڪون قبول پون.
معاف ڪجو دوست ڪجهه ڏينهن طبيعت جي ناسازي جي ڪري ڪم اڳتي اڪلائي نه سگهيم.. ڪلائوڊ تي منتقلي جا سبب ڪئي آهي.. جن جو ذڪر اڳ ئي هن موضوع ۾ ٿي چڪو آهي.. ان جو مقصد ته هاڻي اهي خدشا ختم ٿي چڪا آهن.. ها البته ڪلائوڊ جي اضافي خوبين کي وقت سر آگاهي ڏبي رهبي.. في الحال بس ايترو عرض ته سنڌ سلامت تي هاڻي آهستي آهستي ڪافي تبديليون آنديون وينديون جنهن کان پوءِ سائيٽ وڌيڪ فائيديمند ثابت ٿيندي.. سائيڊ بار ۾ نظر نه ايندڙ ويجٽز کي ٻيهر بحال ڪيو ويو آهي... لک لائق
ايوارڊ ملڻ تي مبارڪون... ها البته جيئن ته ايوارڊ ملڻ جي عمل کي نئين سر ترتيب ڏنو ويو ان ڪري ساڳيا ايوارڊ ٻيهر رڪنن تائين پهچايا ويا جيڪي اهي اڳ حاصل ڪري چڪا هئا..
فيس بوڪ لاگ ان لاءِ فيس بوڪ وارن هڪ دفعو وري تبديليون آنديون آهن جيڪي 10 آگسٽ کان اڳ اپلائي ڪرڻيون هيون.. طبيعت جي ناسازگي ڪري ان طرف ڌيان نه وڃي سگهيو... ايررز کي فڪس ڪرڻ لاءِ فيس بوڪ کي لکيو ويو آهي .. جلد ان کي درست ڪيو ويندو.. نشاندهي لاءِ لک قرب..
