پيارا ذيشان رشيد اوهان پاران هي نئون سافٽويئر ذين فورو متعارف ڪرائڻ کان پوءِ جتي کوڙ ساريون سٺايون ٿيون آهن اتي ڪجهه شيون اهڙيون به آهن جيڪي هڪ طرح اوهان ته مثبت نتيجن جي پيشِ نظر تبديل ڪيون پر سچ پُڇو ته مون سميت ڪافي دوستن کي اهي تبديليون هضم نه ٿيون۔ خاص ڪري تازه ترين وارو ٽيب۔ پهرين ايئن هو ته تازه ترين موضوع ۾ اهي موضوع هوندا هئا جيڪي هڪ مخصوص وقت کان پهرين (مثلا 24 ڪلاڪ ، 48 ڪلاڪ يا 72 ڪلاڪ) پهرين جا موضوع هوندا هئا۔ هاڻي انهي کي تبديل ڪري تازه ترين موضوع ۾ پوسٽ ٿيل موضوع جي ٽائيم موجب ترتيب ۾ ته رکيا ويا آهن پر اوهان هڪ دفعو اهي پڙهي ڇڏيا ته وري تازه ترين ۾ ظاهر نه ٿيندا۔ توڙي جو اها مڃڻ جهڙي وضاحت/ دليل آهي ته هڪ دفعو پڙهڻ کان پوءِ اُهو موضوع تازه نه رهيو پر اڪثر ايئن به ٿيندو آهي جو موضوع پڙهندي بجلي وئي، غلطي سان بندا ٿي ويو يا وري ٽائيم نه هجڻ سبب پوءِ جواب ڏيڻ جو ارادو ڪيو۔ انهي سڀني شين ۾ ڏکيائي اها ئي اچي ٿي ته وهان موضوع ڏسي چُڪا سو هاڻي اهو هتي نه رهندو۔ جڏهن ته وي بليٽن ۾ ايئن نه۔۽ منهنجي ذاتي راءِ اها آهي ته موضوع پڙهڻ سان پڙهيل ته ٿي وڃي ٿو پر پراڻو نه ٿو ٿئي۔ پراڻو ٿيڻ لاءِ موضوع ڏسڻ نه پر وقت گذرڻ جو شرط هُجڻ کپي۔ هاڻي ڳالهه کُٽائيندي عرض ڪندس ته جيڪڏهن ٽيڪنيڪلي ممڪن ئي ناهي ته ٺهيو پر جي اهو ٿيڻ ممڪن آهي ته اڄ ئي ڪيو وڃي نه ته عرس پريو جهڙا دوست ته اڳي ئي انتظاميه کي پاڪستان گورنمنٽ جو لقب ڏيئي ويٺا آهن۔ ۽ ها هن موضوع جي تائيد يونس ملڪاڻي ۽ سليمان وساڻ ته ضرور ڪن جو مون کي ذاتي طرح خبر آهي ته هو به اها تبديلي چاهين ٿا۔
توهان جي ڳالهه جي مان به تائيد ڪندس هاڻ اهو ڪون چوندس ته انتظاميه پاڪستاني گورنمٽ آهي اها تبديلي به ٿي ويندي
حفيظ جي ڳالهه جي مان به تائيد ڪيان ٿو۔ جيوڻيڪ مونکي ڪا پريشاني ڪانه آهي پر هر وقت دوستن جا سوال ٿيندا رهن ته موضوع نه ٿو ملي۔ خير بهتر رهندو ته پراڻي سنڌ سلامت وانگر هن ۾ به ٻن، ٽن، يا هڪ ڏينهن وارا موضوع واري ترتيب ڏني وڃي،
زين فورو جي نئين سافٽويئر تي رڪنن کي سهولتون درست ۽ سهي طريقي ڪار مطابق پهچائڻ جو سٺو انتظام ڪيل آهي۔۔۔ اهڙين سهولتن ۾ تازه ترين به شامل آهي۔۔ جنهن تحت ڪنهن به موضوع جي سمورين تحريرن کي هڪ دفعو ڏسڻ کان پوءِ زين فورو جي ڪوشش هوندي آهي ته جيئن ان موضوع کي توهان ڏسي ڇڏيو آهي ان ڪري وري وري اهو موضوع توهان آڏو نه آندو وڃي۔۔۔ پر ادا عبدالحفيظ لغاري پنهنجي شڪايت ۾ وضاحت ڪئي ته اڪثر بجلي هلي وڃڻ ڪري يا بعد ۾ مفصل جواب ڏيڻ ڪري ساڳي موضوع کي جانچڻ ڏکيو آهي۔۔۔ اهو بلڪل سهي آهي ته جتي تازه ترين جي موجوده سيٽنگ ڪافي حد تائين بهتر آهي اتي ان ۾ ڪجهه اڻ وڻايون آهن۔۔۔ شايد زين فورو وارن کي پاڪستان جي موجوده حالتن جي ڄاڻ سهي طريقي سان نه هئي نه ته شايد ان کي بهتر بڻائين ها۔۔۔ خير ان جو حل هوئن ته اڳ ئي موجود به هيو پر پيچيده هجڻ ڪري شايد گهٽ دوستن کي خبر هجي۔۔ ته توهان ڪنهن به موضوع جي تحرير کي پسند ڪري پنهنجي پروفائيل جي موجوده سرگرمي ۾ ان موضوع کي شامل ڪري سگهندا آهيو جنهن سان ان موضوع کي ڳولي سگهجي پيو۔۔۔ ٻيو حل اهو هو ته ڪو اهڙو موضوع جنهن ۾ توهان مفصل جواب يا تسلي سان جواب ڏيڻ چاهيندا هجو ان کي مشاهدي هيٺ آڻي ڇڏيو ۔۔ جيڪو پوءِ تيسين توهان جي مشاهدي هيٺ موضوعن ۾ موجود رهندو جيسين توهان ان کي پاڻ مشاهدي کان هٽايو نه ٿا۔۔۔ پر جيئن مٿي عرض ڪيم ته شايد اڃان تائين دوست زين فورو کي سمجهڻ ۾ ڏکيائون پيا محسوس ڪن۔۔۔ ڪجهه ڪلاڪن جي سردردي کان پوءِ آخر ڪار هڪ اضافي بٽڻ ”فعال موضوع“ جيڪو تازه ترين سان گڏ ئي آهي۔۔۔ جو اضافو ڪرڻ ۾ ڪاميابي ٿي ۔۔۔ جنهن تي ڪلڪ ڪري توهان گذريل هڪ مهيني (30 ڏينهن) جا ايندڙ سمورا موضوع چاهي اهي توهان جا اڳ ڏٺل هجن يا نه ڏٺل هجن۔۔۔ تاريخ جي ترتيب سان موجود ملندا۔۔۔ اميد ته ان طرح دوستن خاص طور ادا عبدالحفيظ لغاري، ادا سليمان وساڻ، ادا يونس ملڪاڻي ۽ محترم عرس پريو جو مسئلو سلجهي ويو هوندو۔۔۔۔
ڀاء ذيشان رشيد اوهان جون مهربانيون۔ هاڻ ڪم ڀلو ٿي ويو ۔۔۔۔۔۔۔۔۔۔ شاباس اٿئي جو ڪمن کي پيو سڌو ڪرين، باقي پاڻ ته آهيون ڪُٽيء جا مجنا
مون کي ڪٍجهه ڀي سمجهه ۾ نه ٿو اچي، تنهن ڪري هن وقت هن موضوع تي ڪو به تبصرو ڪرڻ نه ٿو چاهيان،سنگت سان گڏ آهيان۔
ادا ذيشان رشيد اوهانجي وڏي مهرباني جو اوهان ايڏو وڏو مسئلو حل ڪيو آهي ڇوته حقيقت ۾ ان سان وڏا مسئلا پيش اچي رهيا هئا، هر ڪنهن وٽ هر وقت ايترو وقت ناهي هوندو جو هو جواب ڏي پر اها سنڌ سلامت سان محبت آهي ته ڪيڏا به مصروف هجون يا نيٽ تي ڪيترو به اهم ڪم ڪرڻ لا ويهجي پر سنڌسلامت تان ڀيرو ضرور ڀربو آهي ان دوران ڪو خاص موضوع ڏسي اهو پروگرام ڪبو آهي ته واندڪائي ۾ يا آفيس مان گهر موٽي جواب ڏبو پر جڏهن وري ڏسبو ته اهي غائب هوندا آهن ۽ انهن جي جا تي ٻيا اهڙا موضوع هوندا آهن جيڪي پنهنجي جا تي ساڳئي اهميت وارا هوندا آهن، انهن جي چڪر ۾ اڳ ڏٺل موضوع وسريو وڃن۔ هاڻي اوهان ان مسئلي جو حل ٻڌائي پريشاني ختم ڪري ڇڏي آهي۔ اوهان جي وڏي وڏي مهرباني
