سمارٽ فون رکندڙ دوست مفت ڪالز ۽ ميسيجنگ سروس وائبر بابت ضرور ڄاڻندا هوندا۔۔ خوشي جي ڳالهه اها آهي ته هاڻي وائبر جي سروس ڪمپيوٽر استعمال ڪندڙن لاءِ موجود آهي۔۔ اسرائيلي ڪمپني وائيبر ميڊيا طرفان ڪجهه ڏينهن اڳ مشهور VoIP سروس اسڪائيپ جي مقابلي ۾ وائبر جي ڪمپيوٽر ايپليڪيشن متعارف ڪرائي ڇڏي آهي۔۔۔ ان سان وائبر استعمال ڪندڙ هاڻي رڳو سمارٽ فون تي ئي نه پر ڪمپيوٽر تي ويهي به پنهنجي دوستن سان ميسيجنگ ۽ آڊيو ڪالز ڪري سگهندا۔۔۔ ڪمپيوٽر سروس ان لحاظ کان به وڌيڪ بهتر آهي ته پاڪستان ۾ اڃان ٿري جي ٽيڪنالاجي لانچ نه ٿي آهي ۽ موبائيل ٽوجي جي ذريعي وائيس ڪال مان درست طور فائدو حاصل نه ٿي رهيو آهي۔۔۔ وائيبر جو ڪمپيوٽر ورجن به بلڪل موبائيل وانگر ئي ڪم ڪري ٿو۔۔۔ پر ان کي هلائڻ لاءِ موبائيل نمبر ايڪٽيويشن ضروري آهي۔۔ وائيبر توهان جي دوستن جي معلومات پنهنجي سرور تي اپلوڊ ڪندو آهي۔۔ ۽ پوءِ جن دوستن وائبر سروس حاصل ڪئي هوندي آهي توهان انهن سان ڪنهن به وقت مفت ڪالز ۽ ميسيجنگ ڪري سگهو ٿا۔۔۔ وائيبر ميڊيا طرفان تازو اهو دعوو ڪيو آهي ته سندن سروس استعما ڪندڙن جو تعداد 200 ملين کان وڌي چڪو آهي۔۔ ۽ هاڻي ڊيسڪٽاپ ايپليڪيشن تي اچڻ کانپوءِ يقينن ان ۾ اضافو ٿيندو ۔۔۔ وائيبر تقريبن سڀني آپريٽنگ سسٽم لاءِ موجود آهي جهڙوڪ، آئي او ايس، اينڊروائيڊ، ونڊوز فون ۽ بليڪ بيري۔۔۔۔ وائيبر طرفان ڪجهه ڏينهن اڳ موبائيل فونز لاءِ به نئون ورجن 0۔3 لانچ ڪيو ويو آهي۔۔ جنهن ۾ وڊيو ميسيجنگ جي سهولت پڻ شامل ڪئي وئي آهي۔۔۔ جڏهن ته ڪميپوٽر ورجن ۾ به بلڪل اسڪائيپ وانگر وڊيو ڪال ڪري سگهجي ٿي۔۔۔ وڌيڪ تفصيل لاءِ هي وڊيو ڏسو۔۔۔ جيتوڻيڪ وائيبر سروس کي سمارٽ فونز جا ڪيترائي ڪسٽمر استعمال ڪري رهيا آهن ۔۔۔ پر ان باوجود ڪافي ماهر هن سروس جي پرميشنس کان الجهيل آهن۔۔۔ ڇو ته هي سروس توهان جي فون ۾ موجود تصويرن، وڊيوز، ميسيجز ۽ توهان جي ميلز يا فيس بوڪ کاتي جي خفيه معلومات تائين پهچ رکي ٿي۔۔۔ ان طرح هي ايپليڪيشن توهان جي فون بوڪ جو ريڪارڊ پڻ پنهنجي سرور تي محفوظ رکي ٿي۔۔ هتي ڪلڪ ڪري توهان وائبر جي ڪمپيوٽر ايپليڪيشن کي ڊائونلوڊ ڪري سگهوٿا۔۔۔ جنهن کان پوءِ باقي ساٿين کي به ڏس ڏجو ته اسڪائيپ ۽ وائبر سروسز مان توهان ترجيح ڪنهن کي ڏيندو۔۔۔
مان استعمال كريان بيو. سامسنك كليكسي تي. بهترين آهي بر اسرائيلي جاسوس آهي ان كري احتياط سان استعمال كريو. جيئن رشيد صاحب لكيو آهي ته اوهان جي موبائل تي مكمل دسترس ركي تهو. جنهن م كانتيكت . تصويرون وغيره مطلب سبه كجه
مون کي پهريان سمجه ۾ نه پيو اچي ته وائبير ڇا آهي۔پو مون انٽرنيٽ تي سرچ ڪيم ته جواب مليو۔هي هڪ چيٽ ميسيجنگ آهي۔ هي هاڻي نوڪيا ۾ به موجود اهي۔
