سنڌي ڪمپيوٽنگ ۾ هِجي پرکڻ وارو سوال؟ ...SPELL CHECKING ISSUE IN SINDHI COMPUTING

پيارا سڄڻو ....

جيئن ته توهان سڀني دوستن کي خبر آهي ته رشيد سمون نالو آهي اُتساھ جو، محنت جو، جوش ڏيڻ ۽ همت وڌائڻ جو سو ساٿيو مون سان به ڪجھ اهڙو ئي ٿيو، ڪجھ ڏيهاڙا اڳ سائين رشيد صاحب سان پرٻڌڻي (موبائيل) تي رات دير سان زري گهٽ ٻه ڪلاڪ کن ڪچهري ٿي ۽ سنڌي ڪمپيوٽنگ، سنڌي ميڊيا، سنڌي لغتن توڙي سنڌي رٿائن (Software) ۽ ويب سائٽس جي حوالي ساڻ تفصيلي بحث ٿي، جنهن ۾ پاڻ سنڌي ٻولي ۽ سنڌي ڪمپيوٽنگ تي وڏي تاريخ ٻڌائي ڄڻ ته مون کي ماهر مقام بڻائي ڇڏين. مون به گهٽ ڪانه ڪئي ۽ اهو ضد ٻڌو ته سائين آخر ايترا وڏا ادارا آهن، اسانجا ساڃاھ وند آهن، وڏا وڏا اسانجا سنڌي ڪمپيوٽنگ جا رٿيندڙ (Programmer) موجود آهن ته پوءِ ڇو اڃا تائين اسان ايم بي سنڌي رٿا ٺاهي هام هڻي ويهي رهيا آهيون؟ ڇا اڳتي ڪم ناهي ڪرڻو ؟ ... جيئن ته پاڻ محنتي بُت آهي سو چيائين سائين اهو به ڪري ڏيکارينداسين ..بس سنڌي همت ڪن...!!! سو دوستو پهرين همت مون ڪئي آهي. اُهي دوست جيڪي Visual Basic يا ++ C جا ماهر آهن تن لاءِ هڪ رستو مون به ڪڍيو آهي ته انهن ٻنهي ٻولين ۾ ڪم ڪري اسان مائيڪرو سافٽ ورڊ (Microsoft Word) جو هجي پرکڻو (Spell Checker) ڪيئن ٺاهي سگهون ٿا...ان لا منهنجي هن مضمون مان واٽ ملي ويندي.

اُميد ڪيان ٿو ته منهنجي هي ننڍڙي ڪاوش سڀني رٿيندڙ دوستن ۾ اُتساھ پيدا ڪندي ته هاڻ وقت اچي ويو آهي ته اسان وڏيون وڏيون ڪاوشون ڪيون ۽ سنڌي ٻولي کي ڪامپيوٽر جي دنيا جي هڪ وڏي ۽ ضروري ٻولي ڪري اُڀاريون..... آمين

مضمون هي آهي....
https://drive.google.com/file/d/0B71eIomoLW0fN2F5VUFNSnhUOEU/edit?usp=sharing

 

http://tribune.com.pk/story/239616/word-wizardry-lecturer-develops-sindhi-spell-check-software/
سائين هن پروجيڪٽ متعلق ڪنهن کي تازه ڄاڻ آهي ته شيئر ڪري....

 

هي سنڌ يونيورسٽي جي هڪ ليڪچرار ذيشان ڀٽي طرفان شروع ڪيو ويو هو...

 

سائين محمد بخش صاحب
مونکي ان سافٽ ويئر متعلق هڪ دوست آگاهي ڏني هئي ۽ اهو ڀٽي صاحب جو سٺو دوست به آهي پر مون سامهون کان ان رٿا کي نه ڏٺو آهي. بس جيڪا ڳالھ مونکي کائيندي رهندي آهي سا اها آهي جو هڪ ته سنڌي رٿيندڙ معياري ۽ اصل ڪم ڪونه ٿا پيا ڪن پر جيڪي ڪن ٿا سي وري ان رٿا کي اڳتي نٿا وڌائين مطلب ته اپ ڊيٽ نٿا ڪن ، نتيجي ۾ رٿا ۽ رٿيندڙ تاريخ جي پنن ۾ دفن ٿي وڃن ٿا ۽ ٻولي ۽ ٻولي ڳالهائيندڙ کي نقصان رسي ٿو.

ٻيو وڏو مسئلو اهو آهي ته اسانجا رٿيندڙ اسان تائين نتيجي واري رٿا (آبجيڪٽ پروگرام) پهچائين ٿا ۽ اصلوڪي رٿا (سورس پروگرام) پاڻ وٽ رکي ٿا ڇڏين ۽ وري ان جي حفاظت به نٿا ڪن ۽ پو اهي پاڻ ته ڪم نٿا ڪن پر ٻين لا به رستو بند ڪري ٿا ڇڏين ....... الله انهن کي هدايت ڏئي . ڀٽي صاحب جو هي مثال وٺو ته پاڻ ڪيڏو نه شاندار ڪم ڪيو اٿئين پر هاڻ ان جي واڌ ويجھ لا ڪجھ نٿو ڪري....... ٻڌايو ته ڪيترو نقصان ٿي رهيو آهي ؟؟؟

 

سائين لغت واري ڪم جي لا ڪجھ ڳالهيون هلندڙ آهن... ذيشان صاحب ۽ مون ان بابت ڪافي ڪم به ڪيو آهي... اُميد آهي ته جلد توهان کي سٺي خبري ملندي.

 

سائين اوهانکي جس هجي جو مٺڙي ٻولي لاءِ ايتري جدوجهد ڪيو ٿا

 

لک لائق سائين

 

سائين هي پروجيڪٽ جيڪر گڏيل طور تي شروع ڪيا وڃن ۽ ان متعلق ڪجه ضروري ڄاڻ، اپڊيٽ به ڪنهن پليٽ فارم تي ونڊ ڪيا وڃن ته بهتر ٿئي....

 

سائين اصل ۾ اهڙي قسم جا پراجيڪٽ وقت، محنت ۽ پئسو گهرن ٿا. تنهن کانسوا جيترو ڪم ٿيندو وڃي سو سڄو ساترو عام ماڻهو آڏو به آندو وڃي ته بهتر آهي ته جيئن ٻيا ساڃاھ وند دوست به انهي ۾ حصو وٺي ڪم کي رواني ڏئي ختم ڪرائي سگهن. پر سٿ جوڙڻ ۽ انهي کان مطلب جو ڪم وٺڻ به هڪ هُنر آهي .... مونکي ياد آهي ته سنڌي جامع لغت جي ٺهڻ مهل سائين ڊاڪٽر نبي بخش صاحب سنڌ جي ٻهراڙي توڙي شهري اُسڪولي استادن جون پگهارون ڏيڻ ۾ اهو شرط رکرايو هو ته جيڪڏهن انهن پنهنجي پنهنجي علاقي جي سماجي توڙي معاشرتي ماحول ۾ ڪم ايندڙ اکر ۽ انهن جا مطلب نه جمع ڪرايا ته ماهوار پگهار نه ملندي. ۽ ائين ٿيو به جو ڪيترن استادن کي پگهار نه ملندي هئي جيتر هو موڪليل اکرن جا مطلب نه موڪليندا هئا... ڊاڪٽر صاحب ته اسان سست سنڌين مان ائين ڪم ورتو ادا پر اسان ائين نٿا ڪري سگهون جو ڊاڪٽر صاحب جيترا معتبر ناهيو سو ذيشان رشيد صاحب ۽ سندس سٿ تي آهي ته اهي ان جو ڇا حل ٿا ڪڍن؟؟؟ ها اهو ضرور آهي ته ذيشان صاحب وٽ هڪ بهترين منتظمين جو سٿ آهي...

 

سائين آخر ٻروچن جو ٻار آهي .... سوچئين بابا ٽائيم اوئين به نٿو ڏئي سو ليپ ٽاپ ڀڃي ڪر پورو جيئن " نه رهي گا بانس نه بجي گي بانسري " ...

 

سائين مون جامع سنڌي لغات لا هتي www.halanew.com جو ذڪر ڪيو هو. سندن ويب سائيٽ تي آنلائن سنڌي ڊڪشنري موجود آهي جيڪا لفظن جي ذخيري جي لحاظ کان به بهتر لڳي ٿي جيڪر انهن سان رابطو ڪري انهي کي ڪنهن سافٽويئر ۾ آڻجي ته سڀني سنڌين لا هڪ سٺي لغات ميسر ٿي ويندي...

 

واه واه
اينڊرائيڊ لا ڊڪشنري.پو ته زبردست

 

[quote="Dr. Asif Jamal Charan, post: 150064, member: 4769"
جن الله تي آه بهاڙي!
تن سويري آه چاڙهي!
اميد آهي جيستائين تواهان جهڙا دودا جوان هن سنڌ تي موجود آهن،
تيستائين سنڌ جو ڪنڌ نه جهڪندو.
انشاء الله

 

لک لائق سائين منهنجا

 

توهان جي تمام گهڻي محنت انشآ الله سنڌ جي ماڻهن کي ترقي پسند بڻائيندي. توهان جي محنت سنڌ لاءِ سنڌ واسين لاءِ هڪ انمول تحفو آهي جنهن مان فائدو
وٺڻ انهن مانهن انهن دوستن جو ڪم آهي مهرباني

 

لک لائق ادا

 

ذيشان ڀٽي صاحب سنڌ يونيورسسٽي ۾ هڪ سبجيڪٽ ۾ منهنجا استاد ٿي رهي چڪا آهن. سندن باري ۾ تازي خبر اها آهي ته هو پنهنجي پي ايڇ ڊي جي سلسلي ۾ ٻاهرئين ملڪ ويل آهن.. مان سندن سان رابطو ڪرڻ جي ڪوشش ڪندس...