خوبصورت لفظن جي خالق سائين نثار ابڙو کي جنم ڏينهن جون واڌايون

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

ادا نثار ابڙو صاحب اسلام عليڪم۔ادا اوهان کي اسان جي طرفان پنهنجي زندگي جي نئين سال ۾ پير پائڻ تي تمام گهڻيون مبارڪون هجن۔ادا توهان جي معلومات سان ڀريل ليکن۔ٻين جي ليکن تي ڪمينٽس ڏيڻ جي انداز ۽ آمهون سامهون قرب ۽ پرخلوص ڪچهري جي صلاحيتن کان ڪنهن کي به انڪار نه ٿو ٿئي سگهي۔توهان جي هڪ ٻئي خوبي جيڪا اوهان سان ڪچهري جي دوران اسان کي پرکڻ جو موقعو مليو۔اها آهي سنڌ ۽ سنڌ جي عوام سان آوهان جي بي انتها محبت۔توهان هميشه سنڌ کي ترقي جي آسمانن تي ڏسڻ چاهيندا آهيو۔الله پاڪ کان دعا آهي ته اوهانجي زندگي جو هر ڏينهن توهان لاء تمام گهڻي خوشين جي نويد کڻي اچي۔زندگي کي توهان ان جي پوري جوڀن سان گذاريو۔ڏک توهان جو در نه ڏسي۔توهان جي ذهن ۽ قلم جي رنگ کي الله پاڪ وڏيڪ گهرائيون عطا فرمائي۔لکڻ ته گهڻو ڪجه پيا چاهيون پر اهئي الفاظ جيڪي اوهان جي تعريف جو حق صحيحي ادا ڪري سگهن اسان وٽ وافر مقدار ۾ نه آهن۔ انڪري گهٽ لکيئي کي گهڻُ سمجهندا۔مّختصر الفاظن ۾ توهانجون محبتون ۽ محنتون هن محفل / منڊل کي مچائڻ واريون وڏي آواز ۾ ڳائڻ جهڙيون آهن ۽ لڪائڻ جهڙيون نه آهن۔هميشه خوش رهو۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

خدا ڪري زندگي جا سمورا سال خوشيون ماڻيو۔۔۔
جنم ڏينهن جون لک مبارڪون قبول پون۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

آمين ۔۔۔۔۔

سائين قبلا مون حقير طرف کان به اوهان کي جنم ڏينهن جون واڌايون هجن۔۔۔۔۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

پيار، سونهن ، سچائي ۽ سنڌ پرستي جي پرچار ڪندڙ پنهنجي ڀاء نثار ابڙو کي جنم ڏينهن جون واڌايون۔ لفظن جي جادوگري، معامله فهمي ۽ دوستي نڀائڻ به سائين کي خوب اچي۔ دعا آهي ته سنڌ سلامت جو هي هيرو خوش هجي۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

سائين جن کي جنم مبارڪون هجن

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

اها ته خبر آهي ته سائين کي سالگره کان چِڙ آهي ان ڪري ڪا مبارڪ نه پرسائين لاء دعائون ۽ نيڪ خواهشون۔۔
هونئن ته سائين جو آهي سو آهي، پر سائين جي باري ۾ ڪجهه لکڻ محبت جي دليل آهي

سائين جن جو جيترو هن مچ کي مچائڻ ۾ حصو رهيو آهي، ان جو ڪو حساب ئي ڪونهي، هميشه قرب ونڊڻ ۾ اڳيان۔۔ ڪڏهن به ڪنهن کي ڪو دڙڪو يا ڪاوڙ جو اظهار ڪو نه ملندو ۔ ها البته شڪايتون، دانهون، ڪوڪون، ايلاز، منٿ، نصيحتن سان دامن ڀريل هوندو آهي۔۔
ٻروچ سڏرائڻ تي سائين مون سان به شايد رنجيده رهيا ته مان ڇا ڪيان سڄي سنڌ گهمي ڏسو، جتي ڪٿي ٻروچ نظر ايندا، جيڪڏهن هڪڙو ويچارو هتي سنڌ سلامت ۾ اچي دلڙي ڦاسائي ويٺو ته خير آ۔۔
هن سڄي فورم ۾ جتي سڀ دوست پاڪستانيت جي جذبي سان سرشار آهن، ڪڏهن ڪڏهن مون اندر جي باه ڪڍي ته هميشه سڀني کي برو لڳو پر سائين نثار پنهنجي هم خيالي جو احساس ضرور ڏياريو۔۔ ۽ پنهنجو جذباتي رشتو وڌيڪ مضبوط ٿيو۔۔
شروع ۾ ڪجهه جذباتي ۽ دونهاندار فقهي اظهارِ خيال جي ڪري سائين ۾ هڪ خطرناڪ مُلو به نظر آيو پر شڪر آهي، بعد ۾ اهو مُلو گم يا قابو ٿي ويو۔۔
سائين نثار ڪڏهن ته رڍن اڳيان رباب وڄائيندي تمام بزرگ لڳندا آهن، ڪڏهن عشق جون ڳالهيون ڪندي ڪچڙي وهيء جي جهلڪ ڏيندا ته ڪڏهن جوش ۽ همت واريون ڳالهيون ڪندي نوجوان لڳندا۔ شايد ان ڪري سائين کي نه ڪنهن جوان سڏيو، نه ڪنهن جهونو سڏيو، سائين جي پنهنجي دنيا آهي۔۔پنهنجي ڪلاس آهي، ۽ پنهنجي unique سڃاڻپ آهي۔۔
رب پاڪ کين شادوآباد رکي۔۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

سائين جن کي جنم مبارڪون هجن

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

رات ٻارھين کان فيس بوڪ تي اھا خبر پئجي وئي ته سائين جن جو جنم ڏينھن آھي سوچيان پيو ته سائين جن کي جنم ڏينھن جي حوالي سان ڪھڙي ڀلا ڀيٽا ڏيجي۔؟ سائين جن جي جيتري تعريف ڪبي سان گھٽ آھي مون پاران به سائين جن کي جنم ڏينھن جو واڌايون شل قبول پون۔

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

سهڻن دوستن جا قرب ڏسي، ڪڏهن کلان ويٺو، ڪڏهن جملا پڙهي اندر جي اڌمن سبب اکين ۾ پاڻي اچيو وڃي، ڪڏهن سندن ڪيل تعريف تي فڪرمند ٿيان ٿو ته ڇا اهي خوبيون واقعي آهن يا دوست منهنجي دل رکڻ لاءِ اهڙيون ڳالهيون پيا ڪن، ڪڏهن وري لڄي ٿو ٿيان جو شايد دوستن جي ڪيترين ڳالهين تي پورو نه ٿيون هجان

اصل ۾ ڄمڻ کي آءُ ڪنهن ماڻهونءَ جي خوبي ناهيان سمجهندو ۽ نه وري سندس وس جي ڳالهه، انڪري ڄمڻ جون واڌايون ڏيڻ حيرانڪن لڳندو آهي، ها ڄمڻ کانپوءِ ميدان ۾ مڙس ٿي ملهائڻ جون واڌايون ڏجن ۽ وٺجن، ڏنل ڪمن کي احسن نموني سان نڀائڻ جون واڌيون ڏجن ۽ وٺجن، اهڙا ڪم جيڪي انسانيت، قوميت ۽ سماجي واڌاري جو سبب ٿيا هجن ته پوءِ مٿي تي کڻي هار پارائجن ۽ واڌايون ڏجن ته ڪو مزو به اچي.

سڀني دوستن جا لک ٿورا، جن محبتن ۾ ياد ڪيو، سليمان وساڻ ته آهي پاڻ سهڻو جو هميشه دوستن جي خوشين کي ملهائڻ لاءِ اتاولو رهندو آهي، دوستين نڀائڻ جو ڪوڏيو، خوشنصيب آهيان آءُ ۽ اهي سڀ جن کي سليمان جي دوستي نصيب ٿي هوندي.

ٻين دوستن به ايتري پاٻوهه جو اظهار ڪيو آهي جو انکي بيان ڪرڻ لاءِ لفظ چونڊڻا ٿا پون ... علي علي ته اهڙو ماڻهون آهي جنهنکي ڏسي ئي کل نڪريو وڃي ته انجي لفظن مان ڪيترو قرار مليو هوندو، انجو اندازو ڪرڻ ڏکيو آهي ... علي علي دلبر ماڻهون آهي، ۽ ٻين کي خوش ڪرڻ جو ڏانءُ کائنس ڪو سکي.

مٿان من جون گهنڊڙيون وڄايون آهن ٻروچ، هي دوست سنڌ سلامت جي ڏاهن دوستن ۾ شمار ٿئي ٿو، هڪ اهڙو دوست جنهنجي موجودگيءَ ۾ سنڌي ٻولي لکڻ وقت احتياط ڪرڻو پوندو آهي ته ڪٿي ڪو اهڙو لفظ نه لکجي وڃي جنهن تي ٻروچ ڏيکاري نه تارا ... سهڻا دوست! بلڪل نه اوهانجي ٻروچ لکڻ تي ڪو اعتراز ناهي، ڇاڪاڻ ته ٻروچ سنڌ جو قبيلو آهي، جيئن ٻيا ... ها، ڏک ٿيندو آهي انهن ماڻهن تي جيڪي صدين کان سنڌ ۾ رهن ٿا ۽ سندن جو تعلق بلوچستان سان به ناهي پر پوءِ به پڇ ٻڌي مهري ٿيندا آهن ... اوهانجي سچائي ۽ سچ جو اظهار ائين ئي پيارو آهي جيئن اوهان.

عاشق سولنگي، عبدالرحيم، زاهد سومرو، فاروق، غلام مرتضيٰ وساڻ، آرزو ۽ ٻين سڀني دوستن جو ٿورائتو جن جو پيار منهنجو سرمايو آهي.

ٿورا ناهن ٿورا مونتي ماروئڙن جا ۔۔۔۔

سنڌ سلامت ساٿ سلامت​

 

محترم پياري دوست سائين نثار احمد لا دعا

السلام عليڪم محترم سڄڻ ، دوست مٺا ، سائين نثار احمد صاحب ڌڻي در دعا آهي ته شال مولا ڪريم توهانکي تندرستي صحت سلامتي ، ايمان جي سلامتي عطا فرمائي . دعا آهي ته الله پاڪ اوهانجون سڀئي جائز مرادون پوريون فرمائي . بلائن کان محفوظ رکي . جيئن مالڪ سائين دنيا ۾ اوهانکي پنهنجو پاڙو ، ويجهڙائي نصيب فرمائي آهي تيئن آخرت ۾ به رب پاڪ توهانکي پنهنجو قرب عطا فرمائي . الله پاڪ توهانجي مغفرت فرمائي . مالڪ سائين توهانکي پنهنجي عشق ۾ بلند مقام عطا فرمائي رب پاڪ اهي سڀئي دعائون اسان سڀني سنڌ سلامت جي دوستن ، مسلمانن جي حق ۾ به قبول فرمائي آمين بجاه النبي الامين صلي الله عليه وسلم

 

جواب: محترم پياري دوست سائين نثار احمد لا دعا

آمين سائين

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

ادا نثار ابڙو صاحب اسلام عليڪم۔ادا اوهان کي اسان جي طرفان پنهنجي زندگي جي نئين سال ۾ پير پائڻ تي تمام گهڻيون مبارڪون هجن۔ادا توهان جي معلومات سان ڀريل ليکن۔ٻين جي ليکن تي ڪمينٽس ڏيڻ جي انداز ۽ آمهون سامهون قرب ۽ پرخلوص ڪچهري جي صلاحيتن کان ڪنهن کي به انڪار نه ٿو ٿئي سگهي۔توهان جي هڪ ٻئي خوبي جيڪا اوهان سان ڪچهري جي دوران اسان کي پرکڻ جو موقعو مليو۔اها آهي سنڌ ۽ سنڌ جي عوام سان آوهان جي بي انتها محبت۔توهان هميشه سنڌ کي ترقي جي آسمانن تي ڏسڻ چاهيندا آهيو۔الله پاڪ کان دعا آهي ته اوهانجي زندگي جو هر ڏينهن توهان لاء تمام گهڻي خوشين جي نويد کڻي اچي۔زندگي کي توهان ان جي پوري جوڀن سان گذاريو۔ڏک توهان جو در نه ڏسي۔توهان جي ذهن ۽ قلم جي رنگ کي الله پاڪ وڏيڪ گهرائيون عطا فرمائي۔لکڻ ته گهڻو ڪجه پيا چاهيون پر اهئي الفاظ جيڪي اوهان جي تعريف جو حق صحيحي ادا ڪري سگهن اسان وٽ وافر مقدار ۾ نه آهن۔ انڪري گهٽ لکيئي کي گهڻُ سمجهندا۔مّختصر الفاظن ۾ توهانجون محبتون ۽ محنتون هن محفل / منڊل کي مچائڻ واريون وڏي آواز ۾ ڳائڻ جهڙيون آهن ۽ لڪائڻ جهڙيون نه آهن۔هميشه خوش رهو۔

 

جواب: محترم پياري دوست سائين نثار احمد لا دعا

آمين سائين

الله پاڪ کين خوش رکي
سدائين گڏ

 

جواب: خوبصورت لفظن جي مالڪ سائين نثار ابڙو کي جنم ڏينهن جون واڌايون

محترم سائين غلام مصطفيٰ صاحب!

چوندا آهن ته سٺي انسان جي موجودگي يا انجي لنگهي وڃڻ جي خوشبو ئي پري کان پڌري هوندي آهي ۔۔۔ ائين ئي جڏهن اوهان سنڌ سلامت جي اڱڻ تان اچي ڀيرو ڪري ويا هيا ته اوهانجي خوشبو مان ئي پروڙ پئجي وئي هئي ته هي سڄڻ ڪو عام رواجي نه پر هڪ خاص دوست آهي، جيڪو اسانجي وچ ۾ خوشنصيبيءَ سان اچي نڪتو آهي ۔۔۔

سچ پڇو ته ان ڏينهن کان اوهانجي ديدار جو شوق سنڀاليل هو پر جڏهن هن دفعي ادي سليمان اوهانجي ملڻ جو سڏ ڏنو ته ڊوڙ پائي اوهان سان ملڻ لاءِ نڪتس ۔۔۔ ۽ ڇا ڏسان ته جهڙو سوچيو هو انکان وڌ سهڻو ۽ سلڇڻو انسان اڳيان هيو ۔۔۔ روحاني سڪ ايتري گهري هئي جو ڄڻ سالن جا وڇڙيل مليا هجن ۔۔۔ مون اوهان سان ڀاڪر پائي من ئي من ۾ هي بيت پڙهيو هو ۔۔۔ شڪر گڏياسون جيئري جاني يار!

رب اوهانکي پنهنجي امان ۾ رکي، اوهان جهڙن دوستن ۽ سڄڻ ۽ سچن انسانن جو ساٿ نه فقط سنڌ سلامت لاءِ پر اسانجي پنهنجي زندگيءَ لاءِ رهنمائي آهي ۔۔۔ چوندا آهن نه ته ” ماڻهون پاڻ مڙس ماڻهون ٿئي يا مڙس ماڻهونءَ جي ڪنڌيءَ تي وڃي ويهي“ مونکي فخر آهي ته آءُ تمام گهڻن مڙس ماڻهن جي ڪنڌيءَ جو رهواسي آهيان ۔۔۔

سهڻا سائين مون سوچيو هيو ته هن دفعي دوستن جي ڄم ڏينهن جي واڌاين جو جواب نه ڏبو، پر جڏهن دوستن جي ايتري محبت ۽ ڪشش ڏٺم ته جواب نه ڏيڻ بي ايماني ۽ غير مهذب ٿي لڳو، انڪري سڀني دوستن جي محبتن جا جواب ڏيندو رهيس ۔۔۔ پر اهانکي خاص جواب ڏيڻ لاءِ واندڪائيءَ جي وجهه ۾ هيس ۔۔۔ جو اڄ آفيس ۾ ڪم ايترو وڌيل هو جو بس ڄامشوري واري 4 مارچ ٿي وئي ۔۔۔۔

اوهانجي دوستيءَ جون تعريفون ته ٿي نه سگهنديون پر پوءِ به ، ٻنهي هٿن جون ٻانهون ٻڌل، اوهانجي نرڙ تي هڪ چمي عزت ڀريي قبول پوي ۔۔۔

لک لائق جو اوهان هن ننڍڙي انسان کي وڏو مان ڏنو ۔۔۔ چڱا ڪن چڱايون

رب العالمين اوهانکي پنهنجي امان ۾ رکي ۽ اطمينانِ قلب عطا ڪري ۔۔۔ آمين​

 

جواب: محترم پياري دوست سائين نثار احمد لا دعا

محترم دوست عبدالغني ۔۔۔ اوهانجون دعائون منهنجي خوشنصيبي۔ چيو ويندو آهي ته اي مسلمانو هڪٻئي لاءِ دعائون ڪندا ڪريو ۔ پاڻ کان علاوه ٻين لاءِ دعا ڪرڻ جا ٻٽا فائدا آهن، هڪ ته ان لاءِ جنهن لاءِ دعا ڪئي وڃي ۽ انلاءِ به جيڪو دعا ڪندو آهي۔

اوهان دوستن جو پيار، عزت افزائي ۽ دعائون، انکان وڏي دولت ڪهڙِي؟
رب العالمين اوهانکي به پنهنجي امان ۾ رکي ۽ ايمان جي سلامتي قائم رکي ۔۔۔ آمين​

 

سائين قبلا ابڙا صاحب اوهان جي قيد جو هڪ سال گهٽجي ويو اوهان کي مبارڪون۔
وسلام

 

2273 اٽيچمينٽ ڏسو