[JUSTIFY]دوستو سلام مون پنهنجي مصروفيتن سبب شاعري جي ڊزائن وارو ڪم تقريبن ختم ڪري ڇڏيو هو۔ ان جو هڪ سبب سائين نثار ابڙو جي دل به هئي۔ اسان جي چونڊ شاعريء تي سائين جي دل جي رفتار ڪجھ گهڻو وڌي ويندي آهي تنهنڪري اهو خيال ٿيندو آهي ته ڪٿي وري نه سائين وڃي اسپتالن جا چڪر هڻندو رهي۔ ٻيو سبب هو گهڻن ئي دوستن جي خوبصورت ڊزائن۔ جڏهن مان هي ڪم شروع ڪيو هو ته سنڌي شاعري جي ڊزائننگ ڪرڻ وارا گهٽ هئا پر هاڻي ماشاء الله گهڻا ئي دوست بهترين ڪم پيا ڪن جيئن اسان وارو عاشق سولنگي به لاجواب ڪم پيو ڪري جيڪا وڏي خوشيء جي ڳاله آهي۔ شاعريء جي عالمي ڏينهن تي سنڌي ادبي ايسوسيئيشن فيسبوڪ تي سائين هدايت بلوچ لفظ پيار تي هڪ بهترين شاعري ونڊ ڪئي هئي ۽ فرمائش به ڪئي هئي ته ان جي ڊزائن ڪو دوست ڪري ونڊ ڪري ته واھ واھ۔ ان پيار جي شاعري کي رنگ ڏيڻ جي ڪوشش ڪئي پر ڪا خاص سهڻي ڊزائن نه ٺاهي سگهيو آهيان۔ پر خوبصورت شاعري دوستن سان ونڊ ڪجي ٿي۔[/JUSTIFY] پيار ڪر پيار ڪر سوچ ويچار ڪر ڪين انڪار ڪر پيار ڪر پيار ڪر پيار ماکين مٺو پيار مصرين ڳڙيون وير ِوھ جون وٽيون پيار موتين لڙيون سوچ ويچار ڪر ڪين انڪار ڪر پيار ڪر پيار ڪر پيار مسلم سان ڪر پيار هندو سان ڪر پيار ڀنگي سان ڪر پيار چُهڙي سان ڪر ڇو ته سڀ جي رڳن ۾ آ رت ساڳيو ڇو ته سڀني جي سيني ۾ ساڳي آ دل رت جا رشتا اهي دل جي ڌڙڪن اها دل اندر حسرتون ساڳيون ساڳيون سوچ ويچار ڪر ڪين انڪار ڪر، پيار ڪر پيار ڪر هن ڌرتي جي سيني تي ڪاٿي به جي ڪنهن ڏکايل جي نيڻن مان ڳوڙها اڙهيا پوءِ تونگر هجي يا گداگر هجي تن جي ڳوڙهن ۾ ساڳي ئي ڳنڀيرتا تن ۾ ڏک ساڳيو تن ۾ پيڙا اها سوچ ويچار ڪر ڪين انڪار ڪر، پيار ڪر پيار ڪر پيار گنگا ۽ جمنا جو ميلاپ آ پيار پرڀات جو ڪوئي آلاپ آ پيار سسئي ۽ سهڻي جو ورلاپ آ پيار کي ڏيڻ پٺي هڪ وڏو پاپ آ سوچ ويچار ڪر ڪين انڪار ڪر، پيار ڪر پيار ڪر پيار قدرت اٿئي پيار فطرت اٿئي پيار امرت اٿئي. پيار راحت اٿئي سوچ ويچار ڪر ڪين انڪار ڪر . پيار ڪر پيار ڪر
جواب: پيار ڪر پيار ڪر، سوچ ويچار ڪر پيار ماکين مٺو پيار مصرين ڳڙيون وير ِوھ جون وٽيون پيار موتين لڙيون سوچ ويچار ڪر ڪين انڪار ڪر پيار ڪر پيار ڪر تمام خوبصورت شاعري سائين هدايت بلوچ جي ۽ تمام بهترين ڊزائين اوهانجي
جواب: پيار ڪر پيار ڪر، سوچ ويچار ڪر پيار ڪر پيار ڪر سوچ ويچار ڪر ڪين انڪار ڪر پيار ڪر پيار ڪر خوبصورت شاعري ۽ بھترين ڊزائين ادا سليمان اوھان جي
جواب: پيار ڪر پيار ڪر، سوچ ويچار ڪر محترم سليمان وساڻ صاحب۔۔۔تمام بهترين اسان ته بس اڃان سکڻ جي ڪوشش ۾ لڳا پيا اهيون۔ مان جڏهن کان سنڌسلامت جوائن ڪئي آهي۔۔۔اهو شاعري ڊزائين جو ڀوت مٿي تي سوار ٿي ويو آهي۔۔باقي سنڌ ۽ حسن واري شاعري ته مان ننڍي هوندي کان پڙهندو هيس۔ هي ڊزائين به اوهان جي من آهي سائين۔
جواب: پيار ڪر پيار ڪر، سوچ ويچار ڪر هن ڌرتي جي سيني تي ڪاٿي به جي ڪنهن ڏکايل جي نيڻن مان ڳوڙها اڙهيا پوءِ تونگر هجي يا گداگر هجي تن جي ڳوڙهن ۾ ساڳي ئي ڳنڀيرتا تن ۾ ڏک ساڳيو تن ۾ پيڙا اها سوچ ويچار ڪر ڪين انڪار ڪر، پيار ڪر پيار ڪر ادا سليمان سائين هدايت بلوچ جي بامعنئ ۽ سٺي شاعري کي ڊيزائن ڪري هن اوطاق تي اجاگر ڪرڻ جو توهان جو عمل ڏاڍو سٺو آهي۔مٿين لائينن ۾ وڏي رمز لڪل آهي۔ان کي جنهن سمجهو ته هو پيار جي دنيا جو پائندڙي ٿي پوندو۔
جواب: پيار ڪر پيار ڪر، سوچ ويچار ڪر ادا عاشق مهرباني سچ پڇين ته يار تمام بهترين ڪم پيو ڪرين جنهن جي تعريف نه ڪرڻ زيادتي آهي۔ اها سٺي ڳالھ آهي جو اوهان سنڌ ۽ سنڌي شاعرن کي پيا سجايو۔ باقي نيٽ تي انڊ شنڊ ڳالهيون يا ابتي سبتي چيٽ ۽ ڪوڙيون آئي ڊي ٺاهي چيٽ ڪرڻ اها سڀ بڪواس ٿي لڳي ۔
جواب: پيار ڪر پيار ڪر، سوچ ويچار ڪر سائين ميمڻ صاحب لک ٿورا هدايت بلوچ سنڌ جو سهڻو شاعر هئڻ سان گڏ شفيق انسان پڻ آهي۔ سندس رڳ رڳ ۾ پيار سمايل آهي، ڳالهائڻ جو انداز پيارو ۽ وڻندڙ ۽ سندس شاعري به نفيس۔ واقعي مٿين شاعري ۾ هڪ رمز ۽ هڪ پيغام سمايل آهي۔
جواب: پيار ڪر پيار ڪر، سوچ ويچار ڪر سائين ڪوڙيون ڳالهيون ۽ ڪوڙا اڪائونٽ ٺاهڻ صرف ٽائيم جو زيان آهي،،،پاڻانهن ڪمن کان ڪجھ پاسيرا آهيون۔
جواب: پيار ڪر پيار ڪر، سوچ ويچار ڪر يار عاشق باقي هڪ ڳالھ ضرور آهي ته ۔۔۔۔۔۔۔۔۔ فيس بوڪ تي هڪ اڌ جملو لکي ميلو مچائي ڇڏڻ به ڪو اوهان کان سکي ۔۔۔۔۔
جواب: پيار ڪر پيار ڪر، سوچ ويچار ڪر لڳي وئي دل جي بيماري ڏسي رهجي ته ڇا ٿو ٿئي واه سائين لاجواب ۔ بهترين شاعريء کي تمام سٺي ڊزائين ڪئي اٿو ڪڏهن ڪڏهن ته اهڙا قرب ڪندا ڪريو سائين نثار کي آهي ئي دل جي بيماري اها ته صرف اهڙي شاعريء سان ئي ٺيڪ ٿيندي آهي ان ڪري اهڙ ا ونڊجاري رکو۔۔
جواب: پيار ڪر پيار ڪر، سوچ ويچار ڪر ڀاء عرس خوش هجو شال اوهان جي مهرباني ۔۔۔۔۔۔۔۔۔ سائين نثار بلڪل ٺيڪ آهي ۽ هن کي ڪنهن قسم جي ڪا بيماري ڪانهي پر اهڙا شعر پڙهي سندس ڪيفيت اهڙي ٿيندي آهي جو واپس سچل ڳوٺ اچي پهچي ۔۔۔۔۔۔۔ جيئن اوهان ادا طاهر کي هر دفعي ڳوٺ ٿا ڀڄايو۔ انشاء الله ڪوشش ڪبي ته دوستن سان اهڙي شيئرنگ ڪجي پر يار وقت صفا گهٽ پيو ملي ۽ سنڌ سلامت تي به کوڙ ليک ٿا اچن جن کي پڙهڻ ۽ جواب ڏيڻ به هڪ ذميواري آهي۔
جواب: پيار ڪر پيار ڪر، سوچ ويچار ڪر تمام گهڻي مهرباني پسند ڪرڻ جي ڪجھ ڏينهن کان اوهان جي شيئرنگ ڪونه آئي آهي يا مان مصروف آهيان ۔۔۔۔۔۔۔
