گرمي جي موسم ۾ چمڙي جي حفاظت تمام ضروري آهي، خاص طور تي ان وقت جڏهن تمام گهڻي اُس چهري تي پوي ته ان سان چهري جو رنگ سانورو ٿي ويندو آهي، گرمي جي موسم ۾ چمڙي جي حفاظت کي نظر ۾ رکندي ڪجهه احتياطي تدبيرون اختيار ڪرڻ گهرجن، چمڙي جي حفاظت لاءِ ماسڪ جو استعمال به فائديمند رهندو آهي، اڄ اسين توهان کي چمڙي جي حفاظت لاءِ مختلف قسم جي ماسڪ جا طريقا ٻڌائي رهيا آهيون ٿي سگهي ٿو اهي توهان لاءِ به ڪارآمد هجن. گجر جو ماسڪ: سڻڀي چمڙي تي گجر جو رس ڪپهه جي مدد سان لڳايو، ڏينهن ۾ ٽي ڀيرا اهو عمل ڪرڻ سان رنگ نکرڻ ۾ مدد ملندي آهي. ماکي جو ماسڪ: اهو ماسڪ بنيادي طور تي چمڙي ۽ جهرين لاءِ هوندو آهي ان ماسڪ لاءِ ماکي ۾ ڪجهه قطرا ليمي جو رس ملائي چڱي طرح چهري تي لڳايو، ويهه منٽن کانپوءِ ڪپهه جي ٻڙي تي اسڪن ٽانڪ هڻي چهرو صاف ڪريو. ٽماٽي جو ماسڪ: ٽماٽر جو ڳِر ڪڍي ٽماٽي کي چلهي پوءِ ان ۾ هڪ چمچو ماکي مڪس ڪري چهري تي لڳايو، پندرنهن منٽن کانپوءِ ڌوئي وٺو، چمڙي لاءِ ان کان تيز رفتار ٻي ڪا شيءِ ناهي. خشڪي ختم ڪرڻ لاءِ: ماش جي دال پيهي ۽ ان جي برابر بيسڻ مڪس ڪري ان ۾ ٿورو پاڻي ملائي ڳوهي وٺو، ڪجهه ڏينهن هٿن ۽ پيرن تي لڳائڻ سان خشڪي ختم ٿي ويندي. چهري جا نشان ختم ڪرڻ لاءِ: مسور جي دال ۽ لڪس صابڻ ٻنهي ۾ ٿورو پاڻي ملائي باهه تي جوش ڏيو، لئي ٺهي وڃي ته ان کي لاهي وٺو ۽ روز چهري تي لڳايو ڪجهه ڏينهن ۾ نشان ختم ٿي ويندا. چهري جو رنگ صاف ڪرڻ لاءِ: بيسڻ، بادام ۽ کير اهي ٽئي شيون (بادام پيهي وٺو) مڪس ڪري لئي تيار ڪريو ۽ چهري تي لڳايو، ڪجهه ڏينهن ۾ چهري جو رنگ صاف ٿي ويندو. سڻڀي چمڙي جي حفاظت لاءِ: هلڪي گرم پاڻي ۽ ڪنهن سٺي فيس واش جي مدد سان پنهنجو چهرو صاف ڪريو، ان کانپوءِ جيڪڏهن ضرورت محسوس ٿئي ته ڪو آئل فري موئسچرائيزر لڳايو، سڻڀي چمڙي کي صاف رکڻ لاءِ بيسڻ جو استعمال به ڪري سگهجي ٿو، ان جو طريقو اهو آهي ته ٻه چمچا بيسڻ ۽ ان ۾ ڪجهه قطرا ليمي جو رس ۽ هئيڊ شامل ڪريو ۽ چهري تي لڳايو، سڻڀ ختم ڪرڻ ۽ چهري کي صاف رکڻ جو اهو آزمايل ٽوٽڪو آهي.
جواب: گرمي جي موسم ۾ چمڙي جي حفاظت انهي قسم جاٽوٽڪا اسڪن لاء فائديمند هوندا آهن ۔مهرباني توهانجي هن بهترين ونڊ لاء
