السلام عليڪم دوستو! گهڻن ئي ڏينهن کان پوءِ هڪ مختصر پر مزيدار ٽيوٽرل کڻي حاضر ٿيو آهيان.. اميد ته اوهان کي پسند ايندو.. اوهان مختلف جڳهن تي تصويرن کي ڏٺو هوندو، جن ۾ ڪو به فالٽ نه ٿو هجي ۽ اهي ڏسڻ ۾ به دلڪش هونديون آهن.. جيئن مختلف ميگزينس، انٽرنيٽ، اخبارن ۽ اشتهاري بورڊن تي ماڊلس جون تصويرون.. ڀلي اهي ماڊل اصل ۾ خوبصورت نه هجن پر انهن جي تصويرن کي ڏسي اسان عش عش ڪرڻ کان سواءِ نه ٿا رهي سگهون.. اهو سڀ ڦوٽو شاپ جو ئي ڪمال آهي... هن ٽيوٽرل کي پڙهي ۽ ان تي عمل يا تجربو ڪري توهان به هڪ پروفيشنل ڦوٽو ايڊيٽر بڻجڻ وارا آهيو... ڦوٽو شاپ جي نئين فائل کولي ان ۾ ڪابه اهڙي تصوير کڻو.. جيئن مان هيٺئين تصوير تي ڪم پيو ڪريان... هاڻي ٽولز مان بلر (Blur) ٽول کي سليڪٽ ڪريو. اميج تي ڪٿي به رائيٽ ڪلڪ ڪري هارڊنيس کي وڌائي 15 سيڪڙو يا ان کان به مٿي رکو ۽ برش جي سائيز پنهنجي تصوير جي حساب سان سليڪٽ ڪريو. هاڻي بلر ٽول کي استعمال ڪندي تصوير تي اسٽروڪس هڻڻ شروع ڪريو بلڪل اهڙي طرح..... هاڻي ٿوڙو ڪلر کي بهتر ڪريون. ان لاءِ Image جي مينيو ۾ وڃي وري Adjustments جي سب مينيو ۾ Hue/Saturation جي آپشن کي سليڪٽ ڪريو ۽ colorizr جي آپشن کي سليڪٽ رکندي سيٽنگ هن طرح رکو.. اوهان جو فائنل اميج ڪجهه هن طرح هوندو ته دير ڇا جي آهي اوهين ڪنهن به تصوير کي اهڙي ئي طريقي سان ايڊٽ ڪري ان کي پروفيشنل لُڪ ڏئي سگهو ٿا. wslam
جواب: تصويرن کي صاف ۽ دلڪش بڻايو۔۔ تمام ننڍڙو مختصر پر تمام بهترين سٺي نموني سان سمجهائڻ تي توهان کي لکين مبارڪون هجن تمام بهترين شيئرنگ آهي ادا توهان جي سدائين گڏ
جواب: تصويرن کي صاف ۽ دلڪش بڻايو۔۔ ڀائڙا پاڻ ۾ آهيون، اڄ ڪم ماهر استاد وارا ڪيا اٿوَ ۔۔۔ ٿورا سائين پر ادا مست ڦوٽو شاپ هجي ته اهي سڀ اسٽروڪ هڻجن نه، ڀلا ڪو سستو يا وري مفت ۾ ۽ ٽڪائو ڦوٽو شاپ ڊائونلوڊ ڪرڻ لئه هجي ته عنايت ڪندا ۔۔۔ ڀلا دير ڇا جي اهو ثواب جو ڪم به ڪري ڇڏيو ۔۔۔ اسين بس اهڙا ئي آهيون ۔۔۔ لَڏَ ته ڏي پر لڏيندڙ به ڏي ۔۔۔ يا وري ٻي چوڻي آهي ته سلوار ته ڏي پر اڳٺ به وٺي ڏي ۔۔۔
جواب: تصويرن کي صاف ۽ دلڪش بڻايو۔۔ سائين سنڌ سلامت جي اڱڻ ۾ توهان کي هر سافٽ ويئر ملي ويندو۔۔۔ (ٿوري اک ته کوليو نه) هن ٿريڊ ۾ وڃو ۽ ڏسو ته اوهان لاءِ مون ڦوٽوشاپ جو سي ايس 4 ورزن سو به مڊل ايسٽ يعني عربي سپورٽ وارو ورزن ڊائونلوڊ لاءِ ڏنو آهي۔۔۔ http://www.sindhsalamat.com/showthread.php?t=3518
جواب: تصويرن کي صاف ۽ دلڪش بڻايو۔۔ ادا مان وٽ فوٽو شاپ 7.0 آهي ان ۾ ته ڪون ٿو ٿئي۔۔۔؟ Uploaded with ImageShack.us
جواب: تصويرن کي صاف ۽ دلڪش بڻايو۔۔ اڙي عاشق مجبور۔۔ توهان اڃان پراڻي دور ۾ پيا هلو۔۔ يار هي سال 2010 آهي۔۔7 ورجن ته اڻويهه سو اوندهه ۾ آيو هو، هاڻي 7 جي پچر ڇڏيو۔۔۔ ۽ سي ايس 4 يا 5 ڊائون لوڊ ڪريو۔۔۔۔ او هتان۔۔۔ http://www.sindhsalamat.com/showthread.php?t=3518
جواب: تصويرن کي صاف ۽ دلڪش بڻايو۔۔ ادا مست اسان جهڙن اٻوجهن کي اهڙي ناياب معلومات ڏيڻ تي اوهان جي مهرباني
جواب: تصويرن کي صاف ۽ دلڪش بڻايو۔۔ Adobe Photoshop CS4 by pro0of ادا مست هي مون وٽ آهي اوهان ئي ڊائونلوڊ ڪرايو هو۔۔۔ اهو سهي آهي۔۔۔۔؟ باقي مستن تي ڪهڙيون ميارون۔۔۔؟
جواب: تصويرن کي صاف ۽ دلڪش بڻايو۔۔ ادا مست اوهان جي مهرباني۔ هاڻي ته اوهان جو نالو مشهور ٿي ويو آهي اسان گهر ۾ ٻاهر هوٽلن تي هڪ ٻئي کي ادو مست ڪري سڏ ٿا ڪيو شايد ادو مست جلد ئي پوري سنڌ ۾ مشهور ٿي ويندو
جواب: تصويرن کي صاف ۽ دلڪش بڻايو۔۔ بس يار!۔۔۔۔ وڏي ڳالهه ٻڌائي ڇڏيوَ۔۔ لڳي ٿو ته اڳئين اليڪشن ۾ بيهڻو پوندو۔۔ \:d/
جواب: تصويرن کي صاف ۽ دلڪش بڻايو۔۔ هاهاهاهاها۔۔۔۔ ادا مست ووٽن جو آسرو اسان ڏي نه ڪر اسان ووٽ انهن کي ڏيندا آهيون جيڪي اسان جي ڳوٺ ۾ ڪنهن کي نه ڪنهن کي نوڪري وٺي ڏيندا آهن اوهان به اهو ڪم ڪيو ته مان ڳوٺ واري ڪاڻي ڪمڌار کي عرض ڪيان۔۔۔؟
جواب: تصويرن کي صاف ۽ دلڪش بڻايو۔۔ ادا ڪا هڪ نوڪري۔۔۔۔ يار نوڪرين جي لائين لڳي ويندي، نوڪرين وٺڻوارا کٽي ويندا پرنوڪريون نه کٽنديون۔۔۔ (معاف ڪجو، اهي منهنجا لفظ نه آهن پر اصلي سياستدانن جا هوندا آهن) يار پاڻ ته ايئن ئي ڀلا آهيون،
جواب: تصويرن کي صاف ۽ دلڪش بڻايو۔۔ مست اُتم کيتي، نيچ نوڪري، وڌندڙ واپار، انسان ڪوشش ڪري ته پنهنجو هلڪو ڦلڪو ڌندو ڪري، ته بهتر آهي
