هڪ انتهائي اهم اعلان۔۔۔۔۔۔۔۔

دوستو واعدي موجب فورم جي اپڊيٽنگ تي لڳاتار محنت جاري آهي۔۔۔ اهو ئي سبب آهي جو اچانڪ جڏهن گهڙي تي نظر ڦيرائيندو آهيان ته رات جا 3 وڄندي نظر ايندا آهن۔۔۔۔۔۔۔۔۔ وقت گذرڻ جو احساس ان ڪري نه ٿيندو آهي ته فورم کي توهان دوستن لاءِ جازبِ نظر جو بڻائڻو پوندو آهي۔۔۔
بحرحال آف لائين فورم تي ڪافي تجربن کان پوءِ هاڻي آن لائين ڪم کي اڳتي وڌائڻو آهي۔۔۔ پر ان باوجودوستن جي محبت ۽ لڳاتار فورم تي آمد جي ڪري پوري پوري ڪوشش آهي ته فورم کي مڪمل طور بند نه ڪيو وڃي۔۔۔ پر فورم جي وڌيڪ خوبصورتي ۽ بهتري لاءِ فورم کي ڪجهه ڪلاڪن لاءِ ٻن مرحلن ۾ بند ڪيو ويندو۔۔۔۔
ان سلسلي ۾ پهرين مرحلي طور اڄ 4 ۽ 5 اپريل جي رات پاڪستاني وقت موجب 12 بجي فورم کي ڪجهه ڪلاڪن لاءِ بند ڪيو وڃي...
دوستن کي گذارش آهي ته پنهنجي لکڻين جو بيڪ اپ پاڻ وٽ محفوظ رکن ته جيڪڏهن اتفاقي غلطي ڪري سندن تحرير ضايع نه ٿي سگهي۔۔۔۔۔۔۔۔

دوستن جي تعاون لاءِ لک احسان ۔۔

 

جواب: هڪ انتهائي اهم اعلان۔۔۔۔۔۔۔۔

سنڌ سلامت جي اپڊيٽنگ جي پهرين مرحلي ۾ ڪجهه مسئلا سامهون اچي رهيا آهن۔۔۔ ان ڪري هن مرحلي کي روڪيو ويو آهي ۔۔۔ فورم کي کولي ٻيهر فعال بڻايو ويو آهي۔۔۔ انشاء الله ايررز کي جلد ئي فڪس ڪري ٻيهر ڪوشش ڪئي ويندي۔۔۔

 

جواب: هڪ انتهائي اهم اعلان۔۔۔۔۔۔۔۔

ادي شاهده جي گذارش تي سنڌ سلامت اپڊيٽنگ 8 اپريل تائين ملتوي ڪئي وئي آهي۔۔۔ جو ان دوران عمر ڪوٽ ۾ ثقافتي ميلي ۾ سنڌ سلامت جو انسٽال لڳايو پيو وڃي ۔۔
انشاء الله 9 اپريل تي هڪ دفعو وڌيڪ ڪوشش ڪئي ويندي ان ڪري مهرباني فرمائي 9 اپريل بروز جمع پنهنجي تحريرن جو بيڪ اپ پاڻ وٽ محفوظ رکجو۔۔۔۔
سنڌ سلامت ساٿ سلامت

 

جواب: هڪ انتهائي اهم اعلان۔۔۔۔۔۔۔۔

معاف ڪجو دوستو ۔۔۔ والدِ محترم جي سالانا ٻارهين خاطر 4 ڏينهن بغير اطلاع ڏيندي موڪل تي نڪري ويم۔۔ ان دوران فورم جي اپڊيٽنگ جي دوران ايندڙ ايررز تي ادا عامر ضياء چارڻ سان تفصيلي مباحثو پڻ ٿيو جنهن کان پوءِ اهو طئي ڪيو سين ته فورم کي مرحلي وار اپڊيٽ ڪيو وڃي۔۔۔
پهرين مرحلي طور ڊيٽابيس کي اپڊيٽ ڪرڻ خاطر جمع جي ڏينهن ڪجهه ڪلاڪ فورم کي بند رکيو ويو ۽ اڄ مورخه 12 اپريل 2010 تي اهو ٻڌائيندي خوشي محسوس ٿي ٿئي ته سنڌ سلامت فورم پنهنجي پراڻي ورجن 8۔6۔3 تان 8 ڏهاڪا چڙهندي 4۔7۔3 تي ڪاميابي سان اپڊيٽ ٿي چڪو آهي۔۔۔۔
اپڊيٽنگ جي دوران ان ڳالهه جو خاص خيال رکيو ويو ته ڪابه تحرير ضايع نه ٿئي ان ڪري فورم جي ڊيٽابيس هلڪي کان هلڪو ڪرڻ لاءِ فورم تي ڊائريڪٽ موجود فائيلز کي مختلف سائيٽس تي اپلوڊ ڪري ان جا لنڪس فورم تي لڳايا ويا۔۔۔ جن لاءِ مان تمام گهڻو ٿورائتو آهيان محترم ابوزين ۽ محترم وحيد علي ڦلپوٽو جن جو۔۔۔
مٿين عملن کي يقيني بڻائڻ خاطر فورم کي في الحال www.sindhsalamat.com/sindh تي ريڊائريڪٽ ڪيو ويو آهي۔۔۔ جنهن کي جلد ئي مين روٽ تي آندو ويندو۔۔۔
فورم جي ڊيٽابيس کي اپڊيٽ ڪرڻ کان پوءِ هاڻي آهسته آهسته فورم تي نين تبديلين کي ظاهر ڪيو ويندو۔۔۔ ته جيئن دوست فورم جي تبديلين کي آساني سان سمجهي سگهن۔۔۔ انهن عملن دوران ۽ ان کان اڳ فورم تي لڳاتار ڪم هجڻ خاطر جيڪڏهن دوستن کي الجهن يا پريشاني کي ڏسڻو پيو هجي ته سنڌ سلامت تي ايندڙ بهتري خاطر ان کي نظر انداز ڪيو وڃي ۔۔۔

 

جواب: هڪ انتهائي اهم اعلان۔۔۔۔۔۔۔۔

دوستو فورم کي مڪمل اپڊيٽ ڪرڻ کان پوءِ وقت گهٽ هجڻ ڪري ايندڙ ايررز کي هٽائڻ ۾ ڪافي دير لڳي وئي ۔۔۔ پر مهرباني آهي حڪومت جي جنهن ڇنڇر ڏينهن موڪل ڪري اسان جا ڪافي مسئلا حل ڪري ڇڏيا (اها ٻي ڳالهه آهي ته ڪافي ماڻهون مونجهاري ۾ پڻ آهن)۔۔۔
گذريل ڪجهه ڏينهن کان لڳاتار محنت ڪري فورم جي موجوده ٽيمپليٽ کي ئي نئين اپڊيٽ جي قابل بڻايو ويو آهي۔۔۔ هاڻي هن نئين اپڊيٽ ٿيل سٽائيل ۽ ورجن ۾ توهان کي ڪيتريون ئي نيون شيون نظر اينديون جن کي سمجهائڻ لاءِ ادا وحيد ڦلپوٽو کي سندرو ٻڌڻ جي گذارش ڪجي ٿي۔۔۔
اپڊيٽ کان پوءِ جيڪي نوان فيچرس شامل ڪيا ويا آهن ۔۔ انهن مان ڪجهه هي آهين۔۔۔

1. لاگ ان کان پوءِ اطلاع نامي جي فهرست جو اضافو۔۔
2. رڪن جي ڪوائف نامي کي نئين سر سان ترتيب۔۔۔
3. ذاتي پيغام کان سواءِ هاڻي رڪن کي کُليل پيغام پڻ ڏئي سگهبو جيڪو سمورا رڪن پڙهي سگهندا۔۔۔
4. هاڻي ڪنهن به رڪن سان لفظن ذريعي ٿيندڙ ڪچهري کي محفوظ رکي سگهبو۔۔۔
5. هاڻي رڪن کي دوستن ۾ شامل ڪرڻ لاءِ درخواست ڏئي سگهبي۔۔۔
6. پنهنجي بابت ”مون بابت“ ۾ تفصيل ڏئي سگهبا۔۔۔
7. رڪن کي اهم ڳالهه ياد ڏيارڻ لاءِ ياداشتنامون موڪلي سگهبو۔۔۔
8. رڪن پنهنجو سوشل گروپ ٺاهي سگهندو۔۔
9. رڪن پنهنجو کُليل يا ذاتي تصويري البم ٺاهي سگهندو۔۔۔
10. اميج شيڪ تي تصوير اپلوڊ ڪرڻ کان سواءِ هاڻي رڪن سنڌ سلامت تي رهي ڪري ريپڊ شيئر تي فائيل پڻ اپلوڊ ڪري لنڪ ڏئي سگهندو۔۔
11. فيس بوڪ جي مشهوري کي ڏسي ڪري رڪن کي اجازت هوندي ته هو سنڌ سلامت فورم جي ڪنهن به تحرير کي Like ڪري پنهنجي فيس بوڪ پروفائيل ۾ شامل ڪري سگهي۔۔
12. هاڻي سنڌ سلامت فورم تان رنگن جي چونڊ وارو ايرر، اکرن جي سائيز وڌائڻ وارو ايرر ۽ فونٽس جي چونڊ وارو ايرر پڻ ختم ڪيو ويو آهي۔۔
13. سنڌ سلامت جا موضوع گوگل سرچ انجڻ ۾ وڌ کان وڌ شامل ڪرڻ لاءِ ٽيگ جو اضافو ڪيو ويو آهي۔۔۔ جنهن کي اڳتي هلي بهتر بڻايو ويندو۔۔۔

ان کانسواءِ ڪافي اضافي فيچرس کي وائکو ڪيو ويو آهي ۔۔۔ ان باوجود جيڪڏهن ڪاٿي ڪو پسند نه ايندڙ يا سمجهه نه ايندڙ فيچر لڳي ته مهرباني ڪري آگاهي ڏيندا۔۔۔
اميد ته توهان کي سنڌ سلامت جي هي تبديلي به سٺي لڳي هوندي۔۔۔ توهان جي راين جو شدت سان انتظار رهندو۔۔۔
سنڌ سلامت ساٿ سلامت

 

جواب: هڪ انتهائي اهم اعلان۔۔۔۔۔۔۔۔

ادا رِشيد تمام گهڻي محنت ڪئي آهي اوهان مهرباني اوهان جي شال جڙيا هجو