سنڌ سلامت جا ساٿيو، گُذريل ڏينهن اسان جي شهر ٽنڊو محمدخان ۾ ضلعي ٽنڊو محمد خان جي مشهور شاعر، مرحوم محمد آچار المعروف نظير ٽکڙائي جي چوٿين ورسي ملهائي ويئي، جنهن ۾ بين السنڌ هڪ تمام بهترين مشاعرو ڪرايو ويو، جنهن ۾ محترم عاشق چانڊيو آف شهداد پور پنهنجو هڪ بهترين غزل پڙهيو، اهو غزل ڇا هو، اصل مُنهنجي دل جا تار ڇيڙي ڇڏيائين، سو مون فوري طور سائين عاشق چانڊيو کان اهو خوبصورت غزل لکائي ورتو، سنڌ سلامت جي ساٿين سميت پوري سنڌ جي سنڌين سان اهو غزل شيئر پيو ڪريان، توهان جي راين غزل تي ۽ تصويري روپ تي سارهائڻ جوڳا هوندا، غزل وارا سارا رايا هن خوبصورت غزل جي تخليق ڪار سائين عاشق چانڊيو تائين پهچايا ويندا. مهرباني
سهڻو خيال، سهڻا لفظ ادا نثار ناز چانڊيي صاحب کي منهنجي طرفان کيس سلام ڪجو ۽ سندس سٺي شاعريءَ تي مبارڪباد ڏجو ... سهڻو خيال، سهڻا لفظ ... عشق ۽ عشق جي راهه ۾ ايندڙ تڪليفن کي سٺن، آسان ۽ عام لفظن ۾ بيان ڪري دل تي اثر ڪيو اٿس واچوڙو ڪو تيز وجهيس نه ڪيرائي چريو آ بي خوف ڪپر تي بيٺو آ ادا نثار اوهانکي به جس هجي جو اهڙن دوستن کي پنهنجي ڪاوشن ذريعي اسان تائين پهچايو ٿا ... لک ٿورا sadayeen gud
واقعي به شاعري پڙهندي جيڪو تصور اڀرندو آهي اهو ڌنڌلو ٿيندو آهي پر شهداد پور جي ادا عاشق چانڊيو جي خوبصورت لفظن جي توهان حقيقي تصوير ڪشي ڪئي آهي۔ مهرباني
ادا چانڊئي صاحب واقعي ڪمال جو غزل چيو آهي مٿان وري اوهان جي ڊيزائن ۽ ڳل تي تر تمام سهڻي منظر ڪشي ڪئي آهي اسان کي به ان موهي وڌو آهي
واه سائين واه سائين نثار ناز صاحب مان فقير هاڻي ڪهڙي تعريف ڪريان مٿئين دوستن چوڻ لا۽ ڪجهه ڇڏيو ئي نه آهي
مٺا نثار ابڙا ۡخُدا تعالى شال آباد رکي توهان کي توهان جي پيارن سان، دوست توهان جي نيڪ تمنائن وارو پيغام هن غزل جي تخليق ڪار سائين ”عاشق چانڊيو“ تائين پهچايو ويو آهي، ادا سنڌ سموري هيرن جي کاڻ آهي، هر گهٽي، هر وستي ، هر واهڻ، هرشهر ۾ اسان جا ڏات ڌڻي موجود آهن، اسان سڀني سنڌين جو اهو فرض ٿئي ٿو، ته هر ڏات ڌڻيءَ جي ڏات کي انٽر نيٽ ذريعي ههڙن سنڌي فورمن وارن مهڪندڙ پليٽ فارمن تان اُجاگر ڪري دنيا جي سامهون پيش ڪيو وڃي ته جيئن دنيا کي خبر پوي ته اسان جا سنڌي به زندگيءَ جي هر شعبي ۾ خاص ڪري ادبي شعبي ۾ به دنيا جي سگهاري اديبن سان ڪُلهو ڪلهي سان ملائي هلي سگهن ٿا. مهرباني ادا ابڙا
مهرباني، ادا منتظم اعلى توهان جا اهي محبت ڀريا احساس سائين عاشق چانڊيو تائين پهچائڻ جي ڪوشش ڪريان پيو، توهان کي ڳالهه وڻي. بس مُنهنجي محنت رنگ لاتو. شال ۡخوش هجين پنهنجي پيارن سان.
ادا ماڊريئٽر وهاب سدا آباد هُجين پنهنجي پيارن سان، توهان جا پيارا ڪامينٽس هن خوبصورت غزل جي تخليق ڪار تائين جلد از جلد پهچايا ويندا توهان کي ڪاري تر افففففففففف ڪرڻ تي مجبور ڪيو، مطلب مُنهنجي محنت ساڀيان پئي ۔ مهرباني مٺا۔
ادا علي علي نائب منتظم سنڌ سلامت فورم جيئين بچين شل، توهان جا اهي پيار جيڪي غزل جي خوبصورتيءَ کي وڌيڪ اُجاگر پيا ڪن، توهان جا اهي جذبن سان ڀريل ڪامينٽس يقينن سائين عاشق چانڊيو تائين پهچايا ويندا۔ توهان کي ڊيزائن ۽ ڳل تي سهڻي تر موهي وڌو مطلب مُنهنجا ٻيڙا پار ٿي ويا۔ ادا تُنهنجي نظر مُنهنجي هڪڙي دوست آغا جان آغا آف ٽنڊو محمد خان جو هڪڙو چار سٽو آهي، ڇو ته تون پاڻ کي پوڙهو چوندو آهين، انهيءَ منظر ۾ ئي لکيو ويو آهي حاضر آهي۔ لڳي ٿو ته گهڻو جيون جِيءُ ويو آهيان وقت کان اڳ پوڙهو ٿِيءُ ويو آهيان ٻن چار ڍُڪن جي ڳالهه ڪانهي ڪا، سڄو سارو مئه خانو پِيءُ ويو آهيان۔ بلڪل اها ڳالهه آهي نه ادا علي علي۔
پر پيارا وحيد ڦلپوٽا، اڄ فقير نه ٿي اڄ ڪا سخاوت ڪري وجهه سائين عاشق چانڊيو جي هن خوبصورت غزل تي ڪُجهه ڳالهائڻ جِي يقين ڪر تُنهنجي ڳالهائڻ وارِي سخاوت کي مان بُلڪل ادا وحيد صفا بُلڪل مان فقير ٿي قبول ڪندس، ٿورا نه ٿورا مون تي ماروئڙن جا، مٺا وحيد سدائين مُرڪون ۽ محبتون ماڻيندو رهين پنهنجن پيارن سان، پنهنجن دل وارن سان اها مُنهنجي دُعا به آهي ته آرزو ڀي آهي۔ مهرباني
سائين اسان جي لاء اهڙن حسين جذبا رکڻ جي تمام گهڻي مهرباني سائين سچ پڇو ته اها سڀ اوهان جي محبت آهي جو اسان جو به شاعريء سان ذوق وڌي رهيوآهي اهو شوق جيڪو زماني جي لاهن چاڙهن جي ڪري زنگجي ويو هو سو هاڻي هوريان هوريان اسان جي دل ۾ ڪر کڻي رهيو آهي باقي سائين اوهان اسان پوڙهن جي لاء به اهڙو خوبصورت شعر کڻي آيا اهو پڙهي اسان جي اڌ جواني ته واپس اچي وئي سائين مان پاڻ کي پوڙهو ان ڪر ي چوندو آهيان جو مهنجو خيال آهي ته جواني رڳو چست جذبن جو ئي نالو نه آهي جواني ته اها آهي جنهن ۾ انسان ڪنهن جي ڪم اچي سگهي ڪنهن جي حسين خوابن جي تعبير بڻجي سگهي ڇو ته انسان جڏهن جوانئ جي دهليز تي قدم رکندو آهي ته ان جي جستجو شروع ٿي ويندي آهي پوء ڪڏهن ان جي جستجو ان کي ڪاميابي جي راهن تي وٺي ويندي آهي ته ڪو پنهنجي جستجو ۾ ناڪام ٿي ويندو آهي ۽ پنهنجي ناڪام نصيبن جو ماتم ڪندو آهي سائين اسان به شايد وقت کان پهريان ئي پوڙها ان ڪري ئي ٿي وياسي جو اسان جن کي اصل زندگي سمجهو هيوسي اها زندگي ئي اسان کان رُسي اسان جي پهچ کان تمام پري هلي وئي ۽ ائين اسان جي جيئڻ جو هڪ باب به بند ٿي ويو ان ڪري مان اوهان کي هر پوسٽ ۾ اهو ئي چوندو آهيان ته اسان جو شوق ڪڏهن ڪڏهن اوهان جي شاعري پڙهي ڪري ڪر کڻندو آهي ۽ گذ شته زماني جي حسين لمحن جي ياد ڏياريندو آهي بهرحال چنڊ وانگي رات ۾ رهجي ويئي هوء اسان جي ذات ۾ رهجي ويئي ڪو صدين جو ٿڪ هيو ڳولا هئي جا اسان جِي ذات ۾ رهجي ويئي
مهرباني مٺا نثار منگي صاحب، ماشا الله سنڌ فورم تي هاڻ يڪا سارا چار نثار آهن، نثار لفظ جي معنى آهي ئي قربان ٿي وڃڻ ، جتي سڄا سارا چار قربان هُجن اتي سنڌ سلامت جو ڪير ڪجهه به نٿو بگاڙي سگهي، انشاالله اسان هاڻ پنهنجي رت ۽ ست سان سنڌ سلامت جي هن گُلشن کي سدائين مهڪائينداسين، جرڪائينداسين. ۽ ها اسان توهان کي پنهنجي دل جي گهرائين سان سنڌ سلامت جي اڱڻ تي اچڻ جون ڀليڪارون چئون ٿا. توهان جي تفصيلي تعارف ۽ توهان جي لکڻين جو شدت سان انتظار رهندو اسانکي. مهرباني
ادا علي علي تو پنهنجا جيڪي تفصيلي جذبا پيش ڪيا آهن ان لاءِ اسان جي مُرشد شاهه عبداللطيف ڀٽائي رح جو هڪڙو بيت توهان سان شيئر ٿو ڪريان. جنهن کي پڙهي سمجهي ويندا ته محبت ۾ ناڪامي ۽ نامرادي ئي حقيقت ۾ محبت جو معراج آهي. ڳوليان ڳوليان مَ لهان، شال مَ مِلان هوت من اندر جا لوچَ ! ملڻ سان ماٺِي ٿئي !!!! باقي اڃان به پاڻ کي پوڙهو ٿا سڏايو پوءِ پڪ ڄاڻو ڪنهن ٻي جي ( جنهن کي توهان سُڃاڻو ٿا) ان جي حق تي ڌاڙو ٿا هڻو. ٻيلي انهيءَ پوڙاهپ واري ضد تان لهي وڃ، نه ته الائي سُون ٻه پوڙها شينهن هڪ ٻيلي ۾ نٿا رهي سگهن. وڌيڪ سمجهو آهيو.
نه سائين اهڙي ڳاله نه آهي سنڌ سلامت امن جي سرزمين آهي جتي صرف پيار جي خيرات ملندي آهي اتي ڌاڙي جو سوال ئي پيدا نٿو ٿئي ٻيو ته ڌاڙي لا گهڻو ڪجه کپي اسان وٽ ڪجه به نه آهي جيڪڏهن ڪجه آهي ته فقط ادي نثار منگي وٽ هڪڙي ڪلاسنڪوف آهي سو اسان کي ڪٿي ٿو ڏئي پر ادا لڳي ٿو ته طالبان کان ڦري آهي يا ڪنهن ڪاٻاڙ جي دڪان تان کنئي آهي جي ڌاڙي هڻڻو پيو ته ادي کان ضرور گهربي في الحال ڪو ارادو نه آهي باقي سائين اصل اسان اوهان کي پوڙهو نٿا سڏڻ ڏيو ته اوهان جي مرضي اوهان جو هر حڪم اسان جي اکين تي مان اڄ ڪانپو پاڻ کي ڪاڪو سڏرائيندس آخر ۾ ايترو چوندس ته دنيا ۾ جيئڻ کان دل ڀرجي ويئي آهي ڇو ته ڪن اسان ڪا جيئڻ جو حق کسيو ڪن تا جواني لٽائي ڇڏيسين ته ڪن ..... ............... بس هاڻي دل ڪري ٿي ته هن زندگي کي ئي ياعلي مدد چئجي
