اڄ جي انسان جي اها فطرت رهي آهي ته گلاب جو گل ڪنهن امير جي اوطاق تي هوندو ته اهو مان وارو ۽ خوشبو دار هوندو پر ساڳيو ئي گل ڪنهن غريب جي گھر ۾ هوندو ته ان مان خوشبو بدران ڌپ ايندي آهي، پر هنن کي اها خبر ناهي گل ته گل ئي رهندو،پو ڪٿي به هجي،ساڳيو مثال اسان جي ٿر جي معصوم ٻارن جو آهي جيڪي 3 مهينن جي اندر 303 معصوم جانيون موت جي ور چڙهي ويون آهن، جن کي پنهنجي ملڪ سان گڏ عالمي تنظيمون به نظر انداز ڪري رهيون آهن، تازو ئي پشاور وارو واقعيو جنهن ۾ معصوم ٻارن کي شهيد ڪيو ويوجيڪو سڄي انسان ذات کي شرمندا ڪندڙ واقعيو هو،ان عظيعت ناڪ واقعي جو صدمو شايد ئي اسان ويساري سگھون،۽ ان جي رد عمل ۾ سڄي ملڪ اندر سرچ آپريشن شروع ڪيا ويا آهن، پوءِ ڇا ٿر جي معصوم ٻارن جي ڪوئي واهر ڪرڻ وارو ناهي ؟ ڇا ٿر جي معصوم ٻارن جي جان جي قيمت ڪجھ به ناهي،ڇا اهي پنهنجي ماءُ پيءُ کي پيارا نه آهن؟ مان اپيل ٿو ڪيان هر ان انسان کي جنهن جي هٿ ۾ قلم جي طاقت آ ته انصاف ڏياريو وڃي ٿر جي معصوم ٻارن کي ۽ ٿر جي مسطقبل کي، ۽ اپيل ٿو ڪيان سنڌ حڪومت کي ۽ عالمي تنظيمن کي ته خدارا مهرباني ڪري ٿر جي انهن معصوم ٻارن جون زندگيون بچائڻ لاءِ ترت اپاءُ ورتا وڃن ۽ انهن جي زندگي بچائي وڃي ۽ ٿر جي مسطقبل جي زندگي بچائي وڃي.
فوجين جا 167 ٻار فوت ٿيا سال سادگي سان ملهايو ويو پر ٿر ۾ ڏڪار 300 ٻارن کي ڳرڪائي ويو ڪو به ماتم نه ٿيو.. جيستائين سنڌ جي رهنمائي سنڌ جا پنهنجا مشير وزير نه ڪندا تيستائين اسان لاوارث ۽ نااهل سنڌي سڏائيندي رهنداسين چاهي اسان ڪيتريون به صلاحيتون رکندا هجون ڪنهن به حساب ۾ نٿيون ڳڻجن.
ادا لڳي ٿو حڪومت هي سمجهي رهي آهي ته ٿر پاڪستان جو حصو ئي ناهي اُتي ڪنهن به قسم جو ڪم نٿو ٿئي ايستائين جو معصوم ٻارڻ جي مرڻ جي به انهن کي پرواه ناهي ؟؟؟ هي مزا وٺي وٺن انهن معصوم ٻارن جو روح انهن ظالمن کان ضرور حساب وٺندو
