* ڀارتي شهر پٽنا ۾ فقير بئنڪ اڪائونٽن مان، واپارين کي قرض ڏيڻ لڳو (خبر) * * فقير ٿيو يا نواز شريف جو مائٽ؟ جو راتو واهه امير بڻجي ويو آهي (تبصرو) * ملڪ اندر بجليءَ جي کوٽ 3 هزار نه پر 7 هزار ميگاواٽ آهي: نيپرا (خبر) * * نيٺ نواز شريف سرڪار جي پت وائکي ٿي پيئي (تبصرو) * ايندڙ بجيٽ ۾ منرل واٽر مهانگو ٿيندو (خبر) * * لڳي ٿو خزاني واري وزير اسحاق ڊار جي اکين مان پاڻي ختم ٿي ويو آهي (تبصرو) * ايس ايڇ او ڪشمور جي بنگلي تي جج يرغمال (خبر) * * جت جج ، پوليس هٿان يرغمال ٿيندا، اتي قانون جي بالادستي ڌُوڙ ٿيندي (تبصرو) * مذهبي نفرت پکيڙڻ جي سزا 3 ورهيه مقرر (خبر) * * لڳي ٿو اهو قانون به ٻين وانگيان، فائيلن جي سونهن ٿي ويندو (تبصرو) * بجليءَ جو وزير عابد شير علي، ماڻهن کي اذيت ڏئي خوش ٿئي ٿو: مولابخش چانڊيو (خبر) * * مولوُ ڄٽ، شاباس! پهريون ڀيرو ڪا ڪم جي ڳالهه ڪئي اٿيئي (تبصرو) * ملير جي ڳوٺ تي چڙهائي ڪيترا ئي گھر ڊاهي ڇڏيائون (خبر) * * وس پڄين ته سڀني سنڌين کي ڪراچيءَ کان ڊوڙائي ٻاهرڪڍن (تبصرو) * دال 28 روپيا مهانگي ٿي وئي، بيسڻ جي اگهه ۾ 24 روپيا واڌ (خبر) * * نواز شريف سرڪار جو وس پُڄي ته ماڻهن جو ساهه ئي ڪڍي ڇڏي (تبصرو) * سنڌ سرڪار طرفان نائون ڀيرو ٿر ۾ مفت ڪڻڪ ورهائڻ جو فيصلو (خبر) * * ٻيو نه ته فوٽو سيشن لاءِ، ائين ئي ٿيندو رهندو (تبصرو) * ڪامريڊ حيدربخش جتوئيءَ جي 46 ورسي ملهائي وئي (خبر) * * هارين ۽ پورهيتن جو سچو همدرد، تنهن جو قدر ڪرڻ گھرجي (تبصرو) * سنڌ ۾ ننڍا ڊيم ٺاهڻ لاءِ 10 ارب روپيا منظور (خبر) * * اهڙيون رٿائون ڪاغذن ۾ منظور ٿين ٿيون پر عمل ڪونه ٿو ٿئي (تبصرو) * وڻ به انسانن وانگيان رات جو ننڊ ڪندا آهن: سائنسدان (خبر) * * حڪمرانن جو وس پڄي ته عوام وانگيان وڻن جي ننڊ به حرام ڪن (تبصرو)
