جناح اسپتال مان مريض لاءِ رت حاصل ڪرڻ جو طريقو: توھان کي اسپتال جو خط ۽ رت جو سيمپل کڻي بلڊ بينڪ جي دري وٽ جمع ڪرائڻو پوندو ۽ اڌ ڪلاڪ کانپوءِ توھان کي مريض جي رت جو گروپ ٻڌائي ڪيش ڪائونٽر تي جيڪو اتي ويجھو آهي 1500 رپيا جمع ڪرائڻا پونداـ اھا رسيد توھان کي واپس ساڳي دري تي ڏيڻي پوندي ـ ھاڻي توھان کي جيتريون رت جون بوتلون کپن ايتريون توھان کي متبادل ڏيڻيون پونديون ـ نہ تہ توھان جو اصلي شناختي ڪارڊ ضمانت طور رکندا، جيڪو رت جو عيوضو ڪنھن ٻي ڏينهن وٺي واپس ڪنداـ رت ڏيندڙ لاءِ ڪجهه شرط: 1ـ عمر 50 سالـ کان گھٽ ھجي. 2ـ بلڊ پريشر، شگر يا ڪاري سائي (هيپاٽائيٽس) يا ڪنھن موزي مرض ۾ مبتلا نه رھيو ھجي. 3ـ رت ڏيندڙ جو شناختي ڪارڊ جو نمبر ورتو ويندو آھي. جڏهن ھو توھان کي رت ڏيندا تہ ھڪ ڪاغذ بہ ڏيندا جيڪو ڊاڪٽر کان صحيح ڪرائي واپس ڏيڻو آھي. رت رات 12 تائين ڏئي ۽ وٺي سگهجي ٿو. جڏھن تہ شناختي ڪارڊ صبح 9 کان ٻنپھرن جو 1 بجي تائين واپس وٺي سگهجي ٿوـ رش جي صورت ۾ وقت وڌيڪ لڳي سگهي ٿوـ ھي معلومات رھنمائي خاطر لکي اٿم ـ قربان زرداري
