سائنسدانن چپن جي حرڪت کي نوٽ ڪرڻ واري ڪمپيوٽر جي تياري مڪمل ڪري ورتي آهي۔۔۔۔ هي ڪمپيوٽر چپن جي حرڪت سان اصل لفظن جي سڃاڻپ ۽ مختلف زبانن جي جانچ ڪرڻ ۾ مددگار ثابت ٿيندو آهي۔۔۔۔۔ يونيورسٽي آف ايسٽ انگلينڊ ۾ تيار ٿيندڙ انهن ڪمپيوٽرن ۾ اها خوبي موجود آهي ته هو ٻن مختلف زبانن جي فرق کي به نوٽ ڪندا آهن۔۔۔۔ ڪمپيوٽر تيار ڪندڙ ماهرن واري ٽيم جي سربراه اسٽيفن ڪوڪس ۽ ان جي ساٿي جيڪ نيوين انهي ڪمپيوٽر ۾ هڪ نئين ٽيڪنالاجي استعمال ڪئي آهي جيڪا چپن جي حرڪت کي انگن واري انداز سان جانچيندي آهي ۽ بهترين رزلٽ ڏيندي آهي۔۔۔۔۔ هن ڪمپيوٽر ۾ انگريزي، فرانسيسي، جرمن، عربي، اٽالين، پوش ۽ روسي زبانن کان علاوه ٻين زبانن کي سمجهڻ جي طاقت پڻ موجود آهي جن جي تعداد 23 آهي۔۔۔ سائنسدانن جو چوڻ آهي ته چپن جي حرڪتن کي سمجهڻ لاءِ هن پراڻي ٽيڪنالاجي کي جديد انداز ۾ آندو ويندو۔۔۔۔ جنهن سان ماهرن جو خيال آهي ته گونگن ۽ ٻوڙن لاءِ ڪمپيوٽر هڪ نعمت ثابت ٿيندو۔۔۔۔۔۔
