اوبنٽو آپريٽنگ سسٽم جو سنڌي ترجمو

پيارا دوستو،
ڪجھ‌عرصو اڳ اسان جي پياري استاد محترم عبدالماجد ڀرڳڙي صاحب اوبنٽو جو سنڌي ترجمو ڪرڻ‌ لا هڪ ٽيم جوڙي۔ ان ٽيم ۾‌ سائين مون کي به شامل ڪيو۔

هن وقت آئون صرف انهي ٽيم جي ڪارڪردگي ۽‌ موجوده پيش رفت بابت ٻڌائڻ چاهيان ٿو۔

اوبنٽو هڪ کليل پروگرام آهي جنهن کي ڪوبه پنهنجي مرضي آهر تبديل ڪري سگهي ٿو۔ ساڳي طرح‌ ڪوبه فرد يا افراد انهي کي پنهنجي ٻولي ۾‌ ترجمو پڻ‌ ڪري سگهن ٿا۔

هن وقت اسان جي ڪوششن سان سنڌي لوڪيل فائل (جنهن ۾‌ سنڌي جي انگن، تاريخ جي لکڻي، اکرن جي ترتيب وغِيره شامل هوندي آهي) اوبنٽو ۾‌شامل ٿي چڪي آهي۔ سنڌي ڪيبورڊ پڻ‌ اوبنٽو ۾‌ جمع ڪرايو ويو آهي جيڪو پڻ‌ ڪنهن آئندي اشاعت ۾ شامل ڪيو ويندو۔ جڏهن ته ترجمي جو ڪم پڻ جاري آهي۔

ڪنهن به دوست کي پنهنجي ڪمپيوٽر ۾‌ سنڌي ۾‌ اوبنٽو ڀرڻو هجي ته ضرور ٻڌائيندا۔ آئون خوشي‌ سان سهڪار ڪندس۔

 

جواب: اوبنٽو آپريٽنگ سسٽم جو سنڌي ترجمو

تمام بهترين ڪوشش آهي ادا سائين عبدالماجد ڀرڳڙي صاحب جي ۽ سندس ٽيم جي سندس سنڌي جي حوالي سان ڪيل خدمتون ساراه جوڳيون آهن

ادا توهان اهو طريقو فورم تي شيئر ڪري ڇڏيو جنهن به دوست کي ضرورت محسوس ٿيندي اها انسٽال ڪري وٺندو

بهترين ڪوششون آهن ادا

سدائين گڏ

 

جواب: اوبنٽو آپريٽنگ سسٽم جو سنڌي ترجمو

ادا نظاماڻي ڀاء توهان جي مهرباني جو اوهان معلومات وارو ٿريڊ شيئر ڪيو جناب سائين عبدالماجد صاحب جن سان جنوري ۾ ملاقات ٿي پاڻ به اهڙو ذڪر فرمايائون سائين عبدالوحيد ڦلپوٽي جي ڳالهه وانگر اوهان اهو مڪمل طريقو هن سنڌ سلامت فورم تي شيئر ڪيو ته جيئن سڀني سنڌي ڀائرن لاء ڀلائي ٿي پوي.

 

جواب: اوبنٽو آپريٽنگ سسٽم جو سنڌي ترجمو

ادا تمام بهترين ڪوشش آهي ادا .

 

جواب: اوبنٽو آپريٽنگ سسٽم جو سنڌي ترجمو

سڀ کان پهرين ته هڪ تصوير اوهان سان شيئر ڪريان ٿو جيئن اوهان کي سنڌي ۾‌ ڪمپيوٽر استعمال ڪرڻ‌ جو اندازو ٿئي۔


هن تصوير ۾‌ اوهان ڏسي سگھو ٿا ته اوبنٽو جو ڊيسڪٽاپ انگريزي جي برخلاف ساڄي کان کاٻي آهي، اهڙي طرح‌ پروگرامن جا مينيو پڻ‌ ساڄي کان کاٻي طرف آهن۔

جيتوڻيڪ سمورو اوبنٽو سنڌيڪارڻ‌ هڪ تمام وڏي جاکوڙ‌ آهي جنهن لا ڪيترن ئي دوستن کي محنت ڪرڻِ‌ پوندي۔ پر جيڪڏهن اسان صرف بنيادي شيون ترجمو ڪنداسين ته هڪ عام سنڌي پڙهيل ماڻھو به ڪمپيوٽر کي بآساني استعمال ڪري سگھندو۔

 

جواب: اوبنٽو آپريٽنگ سسٽم جو سنڌي ترجمو

ادا نظاماڻي ۔۔۔ اوهان سائين عبدالماجد ڀرڳڙي صاحب جي جاکوڙي ٽيم جا هڪ ميمبر آهيو اهو ڄاڻي ڏاڍي خوشي ٿي۔۔ اُبنٽو جي باري ۾ توهان جي ڳالهين سان اسان جي معلومات ۾ اضافو ٿيو۔۔۔
اوهان کي گذارش‌آهي ته هنن تصويرن کي نئين موضوع جي لحاظ کان پوسٽ ڪيو۔۔۔

 

جواب: اوبنٽو آپريٽنگ سسٽم جو سنڌي ترجمو

هڪ بهترين ڪاوش آهي
ادا رهنمائي ڪندا ته هن آپريٽنگ سسٽم کي ونڊو سان گڏ انسٽال ڪري سگجهي ٿو ؟

 

جواب: اوبنٽو آپريٽنگ سسٽم جو سنڌي ترجمو

ادا نظاماڻي جيڪڏهن ڪوئي دوست انهي ٽيم جو حصو بڻجڻ چاهي ته انهي جو ڇا طريقي ڪار آهي۔۔۔۔

 

جواب: اوبنٽو آپريٽنگ سسٽم جو سنڌي ترجمو

ادا تمام بهترين ڪاوش آهي،مان ابنتو ته استعمال نه ڪيو آهي ڪڏهن پر ميڪنٽوش سنو لپرڊ استعمال ڪيو آهي جنهن جو وري استعمال ڪرڻ جو مزو ئي پنهنجو آهي۔۔۔۔