سليمان وساڻ ۔۔۔ گلن جهڙو دوست (جنم ڏڻ تي واڌايون)

سليمان، سان دوستي ڪا ايتري پراڻي به ناهي جو چئجي ته ٻڌڻن جا دوست آهيون، ڪجهه سال اڳ جڏهن سچل ڳوٺ ۾ اچ وڃ ٿي ته وساڻن جي اوطاق تي اچڻ وڃڻ شروع ٿيو، ۽ سليمان وساڻ سان ملاقات ٿي وئي ... ائين لڳو ڄڻ بهارن ۾ کُليل گلن سان ڀريل گلدستي سان ڏيٺ ٿي هجي ....

هي دوست، سنڌ ۽ سنڌيت جي خوشبوئن سان ڀريل لڳو، ۽ ڪڏهن دوستي ٿي وئي خبر ئي نه پئي ... ۽ هاڻ ائين لڳندو آهي ته ڄڻ پاڻ هڪٻئي کي ڄم کان سڃاڻُون ... تمام پيارو دوست، سهڻو انسان، محبتن سان ڀريل، دل جو اهڙو ڪومل جو ٿورڙي به تتل اس تي مرجهائجي ويندو آهي، پر وري جڏهن پيار جا پاڇا پوندا اٿس ته اڳ کان به وڌيڪ کُلي پوندو آهي.

بهارن جي رنگن جهڙو دوست، مينهن جي ميهونڳيءَ جهڙو منٺار، مکڻ ۾ ماکيءَ جهڙو ماڻهونءَ ، ساڻيهه سان سلهاڙيل، سڄڻ سليمان جو 13 مارچ ڄم ڏهاڙو آهي.

ڄم کانپوءِ جي ملوڪائي ۽ سرس سونهن جون واڌايون
ڄم کانپوءِ جي حسناڪين جــون واڌايــون قبــول پون

رب العالمين دوست سليمان کي سونهن ۽ سوڀيا سان سلامت رکي ... آمين

​

 

جواب: سليمان وساڻ ۔۔۔ گلن جهڙو دوست

محترم سائين محمد سليمان وساڻ صاحب ٽوهان کي جنم ڏينهن جون لک لک مبارڪون.. منهنجي اها دعا آهي ته الله سائين توهان کي اهڙيون ڪروڙ خوشيون نصيب عطا فرمائي آمين....ثم...آمين

 

جواب: سليمان وساڻ ۔۔۔ گلن جهڙو دوست

سنڌ سلامت جو مخلص دوست، نه لالچ نه لوڀ اهڙا سهڻا دوست سنڌ سلامت جي اوطاق تي هوندا آهن ته اسانجي به دل وڏي ٿي ويندي آهي ۽ سنڌ سلامت تي ڪهي ايندا آهيون ۔۔

رب کيس بري نظر کان بچائي ۔۔۔ باقي لکڻيون هزار يا لک حساب ئي ناهي ۔۔۔ جڏهن ياري ڪئيسون ته حساب ڪهڙا ۔

سهڻا سائين ، اسانجو دل واريون مبارڪون قبول پون ۔۔ ۽ دعائون نيڪ تمنائون قبول پون

سائين هن فقير طرفان هي تحفو قبول ڪندا

​

 

جواب: سليمان وساڻ ۔۔۔ گلن جهڙو دوست

محترم سائين محمد سليمان وساڻ صاحب مخلص دوست، نه لالچ نه لوڀ، بي لوث، ھمدرد، ھر دل عزيز، ھِئين جي ھار، اکين جي ٺار کي جنم ڏينهن جون لک لک مبارڪون.. منهنجي اها دعا آهي ته الله سائين ادا سليمان کي اهڙيون ڪروڙ خوشيون نصيب عطا فرمائي آمين....ثم...آمين

 

جواب: سليمان وساڻ ۔۔۔ گلن جهڙو دوست

جنم ڏينهن جو لک لک مبارڪون ۔۔۔۔!
الله اوهان کي هر خوشي عطا فرمائي۔ آمين

 

جواب: سليمان وساڻ ۔۔۔ گلن جهڙو دوست

محترم محمد سليمان وساڻ کي جنم ڏينهن جون کوڙ ساريون مبارڪون
نيڪ تمنائون ۽ دعائون ۔

 

محمد سليمان وساڻ جنم ڏڻ مبارڪ ۔




سنڌ سلامت جي جاکوڙي ڪردار
علم ادب سان چاھ رکندڙ
باشعور دوست

محترم
محمد سليمان وساڻ
کي جنم ڏينهن جون
کوڙ ساريون واڌايون .

محترم محمد سليمان وساڻ هڪ سٺي انسان سان گڏ همدرد ۽ سنڌي ٻولي ۽ ادب سان انتهائي چاھ رکندڙ شخص آهي ، سادي طبيعت جي مالڪ سليمان وٽ دوستن لئه اڻ کُٽ پيار ۽ سچائي آهي ،
ساڻس منهنجي ملاقات “ صاف “ جي پهرين سالگره ۽ سنڌي ٻولي قومي ٻولي سيمينار ، ممتاز مرزا هال ڪراچي ۾ ٿيل پروگرامن ۾ ٿي ، پهرين ملاقات ۾ ائين مليو ڄڻ ساڻس اڳ به کوڙ ساريون ملاقاتون ۽ ڪچهريون ٿيل هجن ، وڏي سڪ ۽ پيار منجهان ڀاڪر ڀري پنهنجائپ منجهان ملندڙ شخص سليمان وساڻ هر دوست سان ائين ئي مليو ، قرب ۽ پيار ڏنو ، سندس ملاقات ۽ پيار کي ڪڏهن به وساري نٿو سگهجي ،

سوشل ميڊيا جي دور ۾ سرگرم دوستن ۽ خدمتگارن ۾ سندس نالو هميشه لئه سونن اکرن سان لکجي چڪو آهي ، سليمان جون ادبي حوالي سان ڪيل خدمتون ۽ مختلف ادب دوستن جون لکڻيون سهڻي ڊزائين ۾ سجائڻ ۽ دوستن سان ونڊڻ وارو ڪم ساراھ جوڳو آهي ،

سنڌ سلامت سميت مختلف گروپن ۾ سرگرم رهندڙ سليمان وساڻ جي اڄ 13 مارچ تي سالگره آهي ، سندس جنم ڏڻ جي موقعي تي کوڙ سارو پيار ، نيڪ تمنائون ۽ دعائون ته شال سدا خوشيون ماڻي .

 

جواب: سليمان وساڻ ۔۔۔ گلن جهڙو دوست

سنڌ سلامت جي من مهڻي دوست محمد سليمان وساڻ کي جنم ڏڻ جون واڌايون

​

 

جواب: محمد سليمان وساڻ جنم ڏڻ مبارڪ ۔

سائين لک لک واڌيون
[/IMG]

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)

دوستن سليمان وساڻ لا خاص محبت مان اھڙا ته ڪارڊ چٽيا آھن جو مان پريشان ٿي ويس ته مان ڀلا ڪيئن ۽ ڪھڙي نموني سان سائين جن لا ڪارڊ ٺاھيان سائين جن پاڻ اسان جي ھر پوسٽ تي رھنمائي ۽ نشاندھي ڪرائيندا آھن صلاحون ڏيندا آھن اوصلاافزائي ڪندا آھن پاڻ سائين جن دوستن لا اھڙا محبت مان ڪارڊ ٺاھيندا آھن جو اسان جا وات ئي پٽجي ويندا آھن سائين سليمان جن جون سنڌسلامت لا ڪيل خدمتون فخر لائق آھن
سائين جن کي مون پاران جنم ڏينھن جو واڌايون۔۔۔۔۔۔۔۔۔۔۔شل قبول پون۔

​

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)

السلام عليڪم محترم دوست سليمان وساڻ صاحب جن کي الله پاڪ هر موڙ تي ڪاميابي و ڪامراني عطا فرمائي ، دعا آهي ته رب سائين سندس دنيا ۽ آخرت جون ڀلايون نصيب فرمائي ، مولا ڪريم سندن هر خوشي عطا فرمائي۔ آمين

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)

منهنجي به طرفان جنم ڏينهن مبارڪون

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)

پياري ساٿي سليمان وساڻ کي دل جي گهراين سان جنم ڏينهن جون واڌايون هجن۔

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)

سائين محمد سليمان جن کي سندن جنم ڏينهن جي نسبت سان کوڙ ساريون دعائون آهن ته شال رب ڪريم کين صحت و عافيت واري وڏي ڄمار بخشي هميشه گلاب جي گل جيان ٻهڪندا ۽ مهڪندا رهن ۔

 

جواب: سليمان وساڻ ۔۔۔ گلن جهڙو دوست (جنم ڏڻ تي واڌايون)


سنڌ سلامت جي مينيجنگ ايڊيٽر
۽ اسان جي پياري دوست
محترم محمد سليمان وساڻ
کي جنم ڏينهن جون واڌايون